Amosi 3:7 - Tosi Tapu

⁷ Talie e leaise fai e le Aliki, le Eteleno, se nea e tasi, Kae e leikiaise fakasa e ia a ia ki ana tagata fakasausau ko le kau polofeta.

Amosi 3:7 Iomraidhean Croise

Senesi 18:17

Ti na pati loa le Eteleno : Pe kau fufu loa kia Apalaamo le nea leia ka kau fai ?…

Senesi 6:13

Koia na pati ai loa le Atua kia Noe : Kua kau fakapapau ke fakagato a tagata fuli ; talie kua lotou fakaapele ia le kele ki le agamakeke ; e kau maumaui loa a tagata mo le kele.

Lua tosi o Sau 22:13

Kotou ano o afa le finegalo o le Eteleno o uiga mo au, o uiga mo le kakai ti mo Suta katoa, o tupu ko folafola o le tosi leinei kua tou aga o maua ; talie kua lasi ai le itaita o le Eteleno kia tatou, o tupu na leaise fakalogo fua otatou tamana ki folafola o le tosi leinei, ti na leaise lotou aga fua o tausi a nea fuli ala na tosi mai i ai kia tatou.

Lua tosi o Sau 22:20

Koia e kau tuku ia loa a koe ke mate i le tokamalie, e leaise tio loa ou mata ki malaia fuli ala e kau aga loa o fakavilo ki le ganea leinei. Na lotou ano loa, o fakasa ki le sau le tali a le fafine polofeta ko Ulita.

Lua tosi o Sau 6:12

Na tali loa se tasi o ana tagata fakasausau : E leaise tasi ai ! ei sau, loku aliki ; kae ko Eliseo, le polofeta leia i Iselaele, e fakasa ia ki le sau o Iselaele a masau fuli ala e ke fai i lou kogafale moe.

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Esaia 18:4

Talie na folafola mai le Eteleno kiate au, o pati : E kau tio fakafulufulumalie mei loku nofoaga, I le vevela gigila o le malama, I le aafu o le sasau, i le temi vevela leia e tuuti ai le fulumeto.

Selemia 23:22

Ka na lotou kau ki laku fono, Na lotou fakasa loa aku folafola ki loku kakai, Ke fakatafoki mai latou mei olatou ala veveli, mei lalatou agaveli.

Esekiele 29:21

I le aso lena, e kau soli loa se makeke ki le fale o Iselaele, Ti e kau fakamavaa loa lou gutu, Esekiele, i loto malie o ona ; Ti e lotou iloa loa ko au ko le Eteleno.

Taniela 10:21

Kae e kau loto ke fakasa atu kiate koe le nea leia kua tosi i le tosi o le maoki. E leaise tokoi mai se tasi kiate au kia latou ana, gato ko Misaele, lokoutou pule.

Taniela 11:2

I le aso nei, e kau fakasa kiate koe le maoki. Ko leinei, e toe maua loa ni sau e tolu i Pelesi. Ko le fa o sau e tanaki ia loa ni koloa o lasi ake ia latou fuli ala na muamua ; ti ka kaku loa a ia o makeke, o tupu ko ona koloa, e fai loa e ia a nea fuli ke taui ai le puleaga o Sava

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Apokalipisi 1:1

Fakasa o Sesu-Kilisito, leia na tuku e le Atua kiate ia ke fakailo ki ana tagata fakasausau a nea ala e tonu ke soko vave, ti na fakailo e ia, i le kakau o lana aselo, ki lana tagata fakasausau ko Soane ;

Apokalipisi 1:19

Tosi le nea leia kua ke tio ki ai, le nea leia e soko nei, ti mo le nea leia e tonu ke soko ki muli.

Apokalipisi 10:7

kae i aso o le leo o le fitu aselo, mo ka pupusi loa e ia lana fakatagi pupusi, e fakasoko loa e le Atua lana fakatuutuu fakapulipuli, ofaipe lana fakasa fakatomua ki ana tagata fakasausau, le kau polofeta.

Apokalipisi 4:1

Ti na sili le nea lena, na kau tio loa, ti ko leinei, kua mavaa se matapa i le lagi. Ko le uluaki leo leia na kau logo ki ai, ofaipe le tagi o se fakatagi pupusi, ti na masau mai kiate au, na pati loa : Pale mai ki leinei, ti e kau fakatio loa a koe ki le nea leia e tonu ke soko ki muli.

Uluaki tosi a Samuele 9:15

Kae i le aso i mua o le tau mai o Saulo, na fakasa fakatomua e le Eteleno kia Samuele, o pati a ia :