Amosi 3:4 - Tosi Tapu

⁴ Pe gugulu le laione i le vaomatua, Kae e leikiaise maua e ia sana nea kai ? Pe tagi le uviki laione i lona ana, Kae e leikiaise tapo e ia se manu ke kai ?

Amosi 3:4 Iomraidhean Croise

Pesalemo 104:21

E tagi a uviki laione ki se kanoi manu, Ti e lotou kole ki le Atua lalatou nea kai.

Oseo 11:10

E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Oseo 5:14

E kau fai loa pe se laione kia Efalaimi, Pe se uviki laione ki le fale o Suta ; Ko au, io ko au, e kau saei loa, ti e kau ano loa ; E kau fetuku loa, ti e leaise too loa e se tasi laku nea kai.

Amosi 1:2

Na pati loa a ia : Mei Sione e gugulu le Eteleno, Mei Selusalemi e fakasa e ia lona leo. E tagi laulau a lotoa a le kau tausi manu, Ti kua malo le tumutumu o le Kalemelo.

Amosi 3:3

Pe saele fakatasi ni tagata e toka lua Kae e leikiaise la tonu tasi ?

Amosi 3:5

Pe vilo le manu lele ki le kupega leia e tuku i le kele, Kae e leikiaise fai se masele ? Pe malaga le kupega i le kele Kae e leikiaise piki i ai se nea ?

Amosi 3:8

E gugulu le laione : Ko ai e leaise i loa ? E folafola le Aliki, le Eteleno : ko ai e leaise kikite loa ?