Akeseo 1:4 - Tosi Tapu

⁴ Pe ko le temi leinei ke kotou nonofo ai i okoutou fale aofi papa, Kae kua maumau le fale leinei ?

Akeseo 1:4 Iomraidhean Croise

Lua tosi a Samuele 7:2

na pati loa Tavite ki le polofeta ko Natane : Tio ! E kau nofo nei i se fale kua fau ki le laakau ko le sete, kae e nofo nei le aleka o le Atua i se falela.

Lua tosi o Sau 5:26

Kae na pati loa Eliseo kiate ia : Na leaise puli loku laumalie i le temi leia na ifo ai le tagata lena mei lana saliote, o au ke fakafetaulaki mai kiate koe. Pe ko le temi leinei ke too ai ni paaga, mo ni nea lava, o tupu ke totogi ai ni faisaga olive, mo ni faisaga vite, mo ni ovi, mo ni pipi, mo ni tagata fakasausau, ti mo ni fafine fakasausau ?

Pesalemo 102:14

E ke tuu ake loa ki aluga, ti e ke alofa loa ki Sione ; Talie kua tatae le temi ke alofa ai kiate ia ;

Pesalemo 74:7

Na lotou tafu le afi i lou sagatualio ; Na lotou soloi mo fakakelekele le nofoaga o lou suafa.

Ekelesiasi 3:3

se temi ke tamate ai, ti mo se temi ke fakamauli ai ; se temi ke soloi ai, ti mo se temi ke laga ai ;

Selemia 22:14

Leia e pati : E kau fakatuu loa se fale lasi kiate au, Ti mo ni kogafale lalasi, Ti e fai ia loa ni ona katupa, Ti e aofi ia loa a paa ki le sete, Ti e pena ia loa a ia ki le pena kula !

Selemia 26:18

Na kikite a Mikea, mei Moleseti, i le temi o Esekiasi i Suta, ti na pati a ia ki le kakai katoa o Suta : E folafola le Eteleno o kau tau : E fakamalu loa Sione ofaipe se faisaga, E liliu loa Selusalemi ko se tuuga fatu, Ti mo le mauga o le fale ko se ulu vao lalasi.

Selemia 26:6

Ti e kau tautea loa le fale leinei ofaipe Silo, ti e kau fakaliliu loa le kolo leinei ko se nea fakatupu malaia ki puleaga fuli o le kele.

Selemia 33:10

Koia e folafola ai le Eteleno, o pati : E toe logo loa i le ganea leinei Leia e kotou pati ki ai : E toafa a ia, sala tagata mo sala manu ; E toe logo loa i kolo o Suta ti mo ala o Selusalemi, Ala kua maumau, mo sala tagata, mo sala kakai, ti mo sala manu,

Selemia 33:12

Koia e folafola ai le Eteleno o kau tau, o pati : E toe maua loa i le ganea leinei Leia e toafa, sala tagata mo sala manu, Ti mo ona kolo fuli, E maua loa ni nofoaga ki kau tausi manu, Ala e fakamalolo ia alatou kau manu.

Selemia 52:13

Na tutu loa e ia ki le afi le fale o le Eteleno, mo le fale o le sau, mo fale fuli o Selusalemi ; kae tafito a fale o latou fuli ala na mauiga.

Tagi laulau a Selemia 2:7

Na vesia le Aliki ki lona aletale, na tiaki e ia lona sagatualio, Na tuku e ia ki lima o le fili a paa o fale fakaalialiki o Sione ; Na gugulu ni kalaga i le fale o le Eteleno Ofaipe se aso lasi.

Tagi laulau a Selemia 4:1

Kolea ! Kua puli le gigila o le aulo ! Kua piapia le aulo mea ! Kua mavete a fatu o le sagatualio I poko o ala fuli !

Esekiele 24:21

Pati ki le fale o Iselaele : E folafola le Aliki, le Eteleno, o pati : Ko leinei, e kau fakakelekele loa loku fale tapu, leia ko le nekenekeaaga o lokoutou makeke, ko le fiafiaaga o okoutou mata, ti ko le tauaga o lokoutou alofa ; ti e tamate loa e le seleta okoutou vosa mo okoutou taineliki ala na toe i Selusalemi.

Levitiko 19:25

I le lima o fetuu, e kotou kai loa olatou fua, ti e kotou tanaki loa latou. Ko au ko le Eteleno, ko lokoutou Atua.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Akeseo 1:3

Koia na tuku ai le folafola a le Eteleno kia latou ia Akeseo, le polofeta, i kupu anei :

Akeseo 1:5

Koia e folafola ai i le aso nei le Eteleno o kau tau, o pati : Kotou fakakaukau ki okoutou ala !

Akeseo 1:9

Na kotou amanaki ki se nea lasi, Kae ko leinei e kotou maua se ganea ikiiki fua ; Na kotou fakaulu a ia ki okoutou fale, kae na kau pusii a ia. Kolea lona tupuaga ? e pati le Eteleno o kau tau. O tupu ko loku fale, leia kua maumau, Kae kua kotou feoso le tagata ki lona fale.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Filipe 2:21

talie e lotou afa fuli a nea ala e aoga kia latou, kae leai a nea ala e aoga kia Sesu-Kilisito.