Lua tosi ki le kau Tesalonika 3:6 - Tosi Tapu

⁶ E motou kole mamae atu, fetaina, i le igoa o lotatou Aliki ko Sesu-Kilisito, ke kotou fakamamao mei fetaina fuli ala e mauli i le gasueveli kae e leaise mulimuli ki fakatotonu ala kua kotou maua meia matou.

Lua tosi ki le kau Tesalonika 3:6 Iomraidhean Croise

Mateo 18:17

Kapau e leaise fia fakalogo a ia kia latou, fakasa a ia ki le Ekelesia ; ti kapau e leaise fia fakalogo a ia ki le Ekelesia, ke fai a ia kiate koe pe se tagata pagani, pe ko se popelikano.

Loma 16:17

E kau fakalotomakeke koutou, fetaina, ke kotou tokaga kia latou ala e fakatupu ia ni fakavaevaega mo ni nea fakatupu siga, o fakatupu veli ki le akonaki kua kotou tali. Kotou fakamamao meia latou ana.

Uluaki tosi ki le kau Kolinto 11:2

E kau fakavikiviki kia koutou, i lakotou manatui au i nea fuli, ti mo lakotou tausi aku akonaki ofaipe laku kua tuku atu latou kia koutou.

Uluaki tosi ki le kau Kolinto 5:4

I le suafa o le Aliki Sesu, ko koutou mo loku laumalie, ala kua fakatasi mo le mafimafi o lotatou Aliki ko Sesu,

Uluaki tosi ki le kau Kolinto 5:9

Kua kau tosi atu i laku tosi kia koutou, ke aua na kotou fakatasi mo le kau fai feauaki :

Lua tosi ki le kau Kolinto 2:10

Koia ko leia e kotou fakamolemole ki ai, e kau toe fakamolemole foki ki ai, ti ko le nea leia kua kau fakamolemole ki ai, mo kapau na kau fakamolemole ki se nea, na kau fai a ia o tupu ko koutou, i mua o Kilisito,

Efeso 4:17

Ko leinei loa le nea leia e kau fakasa mo fakamaoki i le Aliki : E leaise koi tonu ai ke kotou saele ofaipe le kau pagani, ala e saele o mulimuli ki le vaiga o olatou manatu.

Kolose 3:17

I nea fuli ala e kotou fai, i masau mo gaoi, ke kotou fai fuli latou i le suafa o le Aliki Sesu, o fakafetai iate ia ki le Atua le Tamana.

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.

Uluaki tosi ki le kau Tesalonika 4:11

ti ke kotou tokaga lasi ke kotou mauli i le tokamalie, ke kotou tasi tokaga ki ana nea totonu, ti ke kotou gaoi ki okoutou lima, ofaipe lamatou fakatotonu atu kia koutou,

Uluaki tosi ki le kau Tesalonika 5:14

E motou kole atu foki kia koutou, fetaina, ke kotou fakatonutonu latou ala e mauli maveuveu, mo kotou fakapelepelei latou ala e mamae, mo kotou tokoi kia latou ala e gagae, ti mo kotou kataki fualoa ki tagata fuli.

Lua tosi ki le kau Tesalonika 2:15

Koia, fetaina, kotou tuu makeke, ti kotou taofi a akonaki ala kua kotou tali, pe i lamatou folafola, pe i lamatou tosi.

Lua tosi ki le kau Tesalonika 3:7

E kotou iloa e koutou totonu le faifaitaki mai kia matou, talie na leaise motou mauli ia koutou i le gasueveli.

Uluaki tosi kia Timoteo 5:21

E kau kole mamae atu kiate koe i mua o le Atua, i mua o Sesu-Kilisito, ti mo mua o le kau aselo filifiliia, ke ke tokaga ki nea fuli ana, o sala fakapalatasi ti mo sala fia mata malie.

Uluaki tosi kia Timoteo 6:5

mo visi noa a ni tagata atamai fakapouli, ala e puli ai le maoki, ti e masalo ko le aga fakaatua ko se matapuna a ia o se koloa lasi.

Lua tosi kia Timoteo 3:5

e lotou maua a agaaga o le aga fakaatua, kae e lotou fakafiti ki le nea leia e fakatupu ia lona makeke. Ke ke fakamamao mei tagata ana.

Lua tosi kia Timoteo 4:1

Koia e kau fakatotonu atu ai kiate koe i mua o le Atua, ti mo mua o Sesu-Kilisito, leia e tonu ke fakamaaui ia le kau mauli mo le kau mate, ti e kau kole atu a ia i le igoa o lana toe liliu mai mo lona puleaga,

Lua tosi a Soane 1:10

Kapau e au se tasi kia koutou, kae e leaise aumai e ia le akonaki lena, aua na kotou tali a ia i lokoutou fale, ti aua na kotou pati kiate ia : Malo !