Lua tosi ki le kau Tesalonika 3:5 - Tosi Tapu

⁵ Ke takitaki e le Aliki okoutou loto ki le alofa o le Atua ti mo le kataki fualoa o Kilisito !

Lua tosi ki le kau Tesalonika 3:5 Iomraidhean Croise

Uluaki tosi o Sau 8:58

kae ke afei e ia otatou loto kiate ia, o tupu ke tou saele i ona ala fuli, ti ke tou tausi ana folafola, mo ana lao, ti mo ana fakatotonu, ala na tuku e ia ki otatou tamana !

Uluaki tosi o Koloniko 29:18

Eteleno, Atua o Apalaamo, mo Isaake, mo Iselaele, omatou tamana, ke ke taupau o tuumau a manatu malilie anei i loto o lou kakai, ti ke fakamakeke lona loto ke tuu mau kiate koe.

Pesalemo 119:36

Taofi loku loto ki au pelesepeto, Kae aua ki koloa !

Pesalemo 119:5

Ke amusia ake ke sako oku ala, O tupu ke kau tausi au lekula !

Pesalemo 40:1

Ki le pule o le kau sua. A Tavite. Pesalemo.

Taagapati 3:6

Ke ke fanaki kiate ia i ou ala fuli, Ti e fakatokatoka loa e ia ou ala.

Selemia 10:23

E kau iloa, ei Eteleno ! E leaise pule le tagata ki lona ala ; E leaise ko le tagata leia e taki ia ona lakaaga Mo ka saele.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Tagi laulau a Selemia 3:26

E malie ke talitali fakalologo Ki le tokoi a le Eteleno.

Loma 5:5

Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Loma 8:25

Kae kapau e tou amanaki ki le nea leia e leaise tou tio ki ai, e tou talitali ki ai mo le loto kataki fualoa.

Loma 8:28

Ti e tou iloa e gaoi a nea fuli ki le malie o latou e alofa ki le Atua, o latou kua kalagai o mulimuli ki lana fakatuutuu.

Uluaki tosi ki le kau Kolinto 8:3

Kae kapau e alofa se tasi ki le Atua, e iloa a ia e le Atua.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Tetelonome 30:6

E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.

Uluaki tosi ki le kau Tesalonika 1:10

ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.

Uluaki tosi ki le kau Tesalonika 1:3

o motou fakamanatu tuumau le gaoi o lakoutou tui, mo le gaoi o lokoutou alofa, ti mo le kataki fualoa o lakoutou amanaki malie ki lotatou Aliki ko Sesu-Kilisito, i mua o le Atua ko lotatou tamana.

Uluaki tosi ki le kau Tesalonika 3:11

Io, ko le Atua totonu lotatou Tamana ti mo lotatou Aliki ko Sesu, ke fakatokatoka ia lomatou ala ke motou natu ai kia koutou !

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Tito 2:13

o talitali ki le amanaki malie manuia, ti mo le fakasa o le kololia o lotatou Atua lasi ti mo lotatou Fakamauli ko Sesu-Kilisito.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Uluaki tosi a Petelo 4:1

Talie na mamae Kilisito i lona tino, koia kotou teu masafu foki ki le manatu lena ; talie ko leia kua mamae i le tino kua tuku e ia le agasala,

Lua tosi a Petelo 3:12

Kotou talitali ti kotou gaoi ke soko vave le aso o le Atua, aso leia e maumaui ai loa e le afi le atu lagi, ti e okioki ai loa a nea o le lagi i le tutu e ula o le afi !

Uluaki tosi a Soane 4:19

Kia tatou, e tou alofa kiate ia, talie na uluaki alofa a ia kia tatou.

Apokalipisi 1:9

Ko au Soane, ko lokoutou taina, leia e kau mo koutou ki le mamae, mo le puleaga, ti mo le kataki fualoa ia Sesu, na kau nofo i le motu leia e igoa ko Patemosi, o tupu ko le folafola a le Atua ti mo le fakamaoki o Sesu.

Apokalipisi 13:10

Kapau na fakatuutuu se tasi ki le fakapopula, ti e ano loa a ia ki le fakapopula ; kapau e tamate se tasi ki le seleta, e tonu ke tamate a ia ki le seleta. Ko leinei le kataki fualoa mo le tui a le kau sagato.