Lua tosi ki le kau Tesalonika 2:9 - Tosi Tapu

⁹ E fai loa le sa o le tagata agatuu lena i le makeke o Satana, i ni milakulo kesekese, mo ni fakamailoga, ti mo ni nea fakamanamana loi,

Lua tosi ki le kau Tesalonika 2:9 Iomraidhean Croise

Lua tosi o Koloniko 18:20

Ti na au loa se laumalie ki mua o le Eteleno, o pati : Ko au, e kau fakasalai loa a ia.

Ekesote 7:22

Kae na toe fai foki e le kau fai nea fakatalatupua o Esipito le nea lena ki alatou nea fakatemonio. Na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 8:18

Kae, i le aso lena, e kau fakamailoga kese loa le fenua o Koseni leia e nofo ai loku kakai ; e leaise maua loa i ai se fa lago, o tupu ke ke iloa ko au ko le Eteleno, e kau nofo i loto o le fenua lena.

Ekesote 8:7

E fakamamao loa a kelenui meiate koe mo ou fale, mei au tagata fakasausau mo lou kakai ; e toe loa fua ki kelenui o le vaitafe.

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esekiele 14:5

O tupu ke maua i olatou loto totonu latou o le fale o Iselaele ala kua fakamamao iate au mo olatou taulaatua fuli.

Mateo 12:22

Ti na aumai loa kiate ia se tagata avagaia leia na kivi mo gutu mate, ti na fakamauli loa a ia e Sesu, ti na masau loa mo tio loa le gutu mate.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Maleko 13:22

Talie e malaga loa ni Kilisito loi mo ni polofeta loi ; ti e lotou fai loa ni nea fakaofolele, mo ni milakulo ke kakaai ai le kau filifiliia, mo ka na feala a ia.

Luka 11:25

ti e ka kaku a ia ki ai, e maua e ia le fale kua seu mo teuteui.

Soane 4:48

Na pati loa Sesu kiate ia : Kapau e leaise kotou tio ki ni milakulo mo ni gaoi fakatalatupua e leaise kotou tui fua.

Soane 8:41

Kae ko koutou, e kotou fai a gaoi o lokoutou tamana. Na lotou pati loa kiate ia : E leaise ko ni toe taka matou ; e motou maua se tamana e tasi, ko le Atua.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Gaoi 13:10

Ko le tagata a koe kua apele i kaka fuli ti mo veli fuli, ko le vosa o le temonio, ko le fili o le maokioki, pe leaise tuku lau fakavelii a ala totonu o le Aliki ?

Lua tosi ki le kau Kolinto 11:14

Ti e leaise fakapunamauli le nea lena, talie ko Satana totonu e kofu pe se aselo o le malama.

Lua tosi ki le kau Kolinto 11:3

Kae, ofaipe le gata leia na kakai ia a Eva i lana puleaki kaka, e kau i na kua fakasalai okoutou fakakaukau ke kotou maliu kese i le faigaofie leia e mau ia Kilisito.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Efeso 2:2

ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Lua tosi kia Timoteo 3:8

O tatau mo Sanese mo Sapelese ala na fakafesagai kia Moisese, e fakafesagai foki a tagata ana ki le maoki. Kua fakapouli olatou atamai, ti e leaise aoga lalatou tui.

Sakopo 3:15

E leaise ifo le poto lena mei aluga ; kae e fakamalamanei a ia, mo fakakanofi, mo fakatemonio.

Apokalipisi 12:17

Ti na ita lasi ai le gata ki le fafine, ti na ano loa a ia o taui le toega o lona sakoga, latou ala na tausi ki lao a le Atua ti na taofi ia le fakamaoki o Sesu.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 18:23

E leaise toe sa loa iate koe le ula o le malama, ti e leaise toe logo loa iate koe ki le leo o le tagata avaga mo le fafine avaga ; talie ko lau kau fai koloa ko le kau makeke a ia o le malama nei, ti na ke kakai a puleaga fuli ki au nea fakatemonio,

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Apokalipisi 20:10

Ti ko le Tiapolo, leia na kakai ia latou, na ti loa ki le tai afi mo sulifa, ki le ganea leia e nofo ai le manu fekai mo le polofeta loi. Ti e lotou mamae loa i ai, i le ao mo le po, i sekulo mo sekulo.

Apokalipisi 9:11

Ti na pule loa kia latou le aselo o le vanu, leia na igoa i le fakaepeleo ko Apatone, i le fakakeleka ko Apolione (maumau).