Lua tosi ki le kau Tesalonika 2:8 - Tosi Tapu

⁸ Ti ka oki a ia, e sa loa le tagata Agaveli, leia e tamate loa e le Aliki Sesu ki le tukumanava o lona gutu, ti mo maumaui loa ki le gigila o lana toe liliu mai.

Lua tosi ki le kau Tesalonika 2:8 Iomraidhean Croise

Lua tosi a Samuele 23:7

Ko leia e fafa kia latou e tonu ke too e ia se ukamea pe ko se laakau loa, Ti e tutu e ia latou ki le afi i le ganea lena.

Sopo 4:9

E tamate latou e le tukumanava a le Atua, Ti e tutu latou e le matagi o lona sausau.

Pesalemo 18:15

Na fana loa e ia ana gasau, ti na veteki loa e ia oku fili, Na liuliuga loa e ia a fatuliki, ti lotou sosola loa.

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 30:28

E fai lana tukumanava pe se vaitafe kua puke o kaku ki le ua, Ke ti ki aluga a atu puleaga ki le foe o le malaia, Pe se fakagutu kaka I kauvae o atu puleaga.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Taniela 7:26

Ti e soko mai loa le fakamaau, ti e too loa le pule meiate ia, ti e maumaui loa lona puleaga o lee gato.

Taniela 8:25

O tupu ko le lasi o lona koloa ti mo le manuia o ana kaka, e maua loa e ia i lona loto le fia nealasi, ti e tamate loa e ia ni tagata i ala na mauli fimalie, ti e malaga loa a ia ki le Aliki o aliki ; kae e fatii loa a ia, sala mo se tokoi a se lima.

Oseo 6:5

Koia leia e kau taai ai loa latou ki le kau polofeta, E kau tamate loa latou ki folafola o loku gutu, Ti e sa loa aku fakamaau ofaipe le malama.

Mateo 13:19

Ka logo se tagata ki le folafola o le Puleaga kae e leaise matala a ia ki ai, e au le pule veli o too le nea leia na muluki i lona loto : Ko le tagata lena leia na tali ia le fakaili i tafatafa o le ala.

Mateo 13:38

ko le faigasaga ko le malama nei ; ko le fakaili malie ko vosa o le Puleaga ; ko le sisania ko vosa o le pule veli ;

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Mateo 16:28

E kau pati maoki atu kia koutou, ko ni iki ia latou ala e nonofo i leinei e leaise mamate loa, kae e leikiaise lotou tio ki le saele mai o le Vosa o le tagata i lona puleaga.

Uluaki tosi ki le kau Kolinto 1:28

ti kua filifili e le Atua a nea veveli o le malama nei, mo nea vesiainai, mo nea noa, ke maumaui ai a nea ala e mauiga ki le malama nei,

Lua tosi ki le kau Tesalonika 2:3

Ke aua na kakai koutou e se tasi i se nea fua ; talie e tonu ke soko le aposetasia i mua ti ke fakasa le tagata o le agasala, ko le vosa o le malaia,

Uluaki tosi kia Timoteo 6:14

Ke ke taupau le fakatotonu o lee mele, mo lee valoki, o kaku ki le sa o lotatou Aliki ko Sesu-Kilisito,

Lua tosi kia Timoteo 1:10

Kua fakasa le kalasia lena i le temi nei i le sa mai o lotatou Fakamauli ko Sesu-Kilisito, leia kua fakagato ia le makeke o le mate ti kua fakasa ia ki le malama le mauli mo le lee mate i le Evaselio.

Lua tosi kia Timoteo 4:1

Koia e kau fakatotonu atu ai kiate koe i mua o le Atua, ti mo mua o Sesu-Kilisito, leia e tonu ke fakamaaui ia le kau mauli mo le kau mate, ti e kau kole atu a ia i le igoa o lana toe liliu mai mo lona puleaga,

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Tito 2:13

o talitali ki le amanaki malie manuia, ti mo le fakasa o le kololia o lotatou Atua lasi ti mo lotatou Fakamauli ko Sesu-Kilisito.

Epelo 10:27

kae ko se talitali fakaii ki le fakamaau ti mo se afi kaka leia e tutu ia loa le kau fili o le Atua.

Uluaki tosi a Soane 2:13

E kau fai tosi atu kia koutou, tamana, talie na kotou iloa leia na agai talu mei le kamataaga. E kau fai tosi atu kia koutou, kau tupulaga, talie na kotou malo i leia e agaveli. E kau fai tosi atu kia koutou, fanau liliki, talie na kotou iloa le Tamana.

Uluaki tosi a Soane 3:12

kae aua na tou faipe Kaino, leia na au mei leia e kaka, ti na tukipooi ia lona taina. Ti kolea na tukipooi ai e ia lona taina ? Talie na veli ana gaoi, kae na maokioki a gaoi o lona taina.

Uluaki tosi a Soane 5:18

E tou iloa ko leia fai na tupu mei le Atua e leaise fai ia le agasala ; kae ko leia na tupu mei le Atua e taupau e ia a ia totonu, ti e leaise fafa leia e Veli kiate ia.

Apokalipisi 1:16

Na too e ia i lona lima atamai ni fetuu e fitu. Na ulu mei lona gutu se seleta lau ikiiki, mata lua ; ti ko ona mata na faipe le laa mo ka ula i lona makeke katoa.

Apokalipisi 13:5

Ti na soli loa kiate ia se gutu leia na puaki ia ni masau mata tuu ti mo ni lauveli ki le Atua ; ti na soli loa kiate ia le pule ke gaoi i masina e kau fa tupu lua.

Apokalipisi 19:15

Ti na ulu mei lona gutu se seleta lau ikiiki, ke tamate ai a puleaga : E taki loa e ia latou ki se tokotoko ukamea ; ti e takatakafi loa e ia le fuai vite i le tatauaga vino o le sausau kaka o le Atua Mafimafi.

Apokalipisi 2:16

Koia ke ke fakasemala ; ka leai, e kau au vave loa kiate koe, ti e kau taui loa latou ki le seleta o loku gutu.

Apokalipisi 20:10

Ti ko le Tiapolo, leia na kakai ia latou, na ti loa ki le tai afi mo sulifa, ki le ganea leia e nofo ai le manu fekai mo le polofeta loi. Ti e lotou mamae loa i ai, i le ao mo le po, i sekulo mo sekulo.