Lua tosi ki le kau Tesalonika 1:7 - Tosi Tapu

⁷ kae ke soli atu kia koutou, ala e mamae nei, le malolo mo matou, mo ka sa mai loa le Aliki ko Sesu mei le lagi mo le kau aselo o lona mafimafi,

Lua tosi ki le kau Tesalonika 1:7 Iomraidhean Croise

Ekesote 19:18

Na afu katoa loa le mauga o Sinai, talie na ifo loa le Eteleno ki ai i loto malie o se afi ; na malaga ake le afu lena ki aluga ofaipe se afu o se gutuumu kaka, ti na galulu le mauga katoa.

Ekesote 3:2

Na sa loa le aselo o le Eteleno kiate ia i se ula mo se afi, i loto malie o se ga ulu vao. Na tio loa Moisese ; ti ko leinei, na ula le ulu vao katoa, kae na leaise okioki a ia.

Esaia 57:2

E ulu loa a ia ki le tokamalie, E malolo loa a ia i lona moeaga, Leia e mulimuli loa i le ala totonu.

Esaia 66:15

Talie ko leinei, e au le Eteleno i se afi, Ti e fai ana saliote pe se sasataki ; E fakaliliu e ia lona sausau ko se vela, Ti mo ana valoki ko ni ulai afi.

Esekiele 1:13

I vasa o manu mauli ana na i ai ni nea ala na faipe ni malala kaka, ti na feanoaki i ai ni nea ala na faipe ni malama ; ti na au mei le afi se malama gigila mo ni uila.

Taniela 7:9

Na kau tio, ti ko leinei, na fakatuu ni ekeekeaga fakasau. Ti na ekeeke loa le Matua o aso. Na tea lona kofu ofaipe le nive, ti na fai ona fului ulu pe se fului ovi mea ; na fai lona ekeekeaga fakasau pe ni ulai afi, ti na fai a teka o le ekeekeaga pe se afi kaka.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Mateo 16:28

E kau pati maoki atu kia koutou, ko ni iki ia latou ala e nonofo i leinei e leaise mamate loa, kae e leikiaise lotou tio ki le saele mai o le Vosa o le tagata i lona puleaga.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 26:64

Na tali loa Sesu kiate ia : Kua ke pati ki ai. Ti e tasi foki, e kau fakasa kia koutou, e kotou tio loa ki le Vosa o le tagata e nofo i le fetuu atamai o le mafimafi o le Atua, ti e au i ao o le lagi.

Maleko 14:62

Na tali loa Sesu : Ko au ko le Kilisito. Ti e kotou tio loa ki le Vosa o le tagata e nofo i le lima atamai o le mafimafi o le Atua, ti mo saele mai i ao o le lagi.

Maleko 8:38

Talie ko leia e luma loa kiate au mo aku folafola i loto malie o le tautupu fai feauaki mo agasala leinei, e luma loa le Vosa o le tagata kiate ia, mo ka au loa a ia i le kololia o lona Tamana, mo le kau aselo maokioki.

Luka 16:25

Na tali loa Apalaamo : Ei laku fanau, manatui e koe na ke maua au nea malilie i le lolotoga o lou mauli, kae na maua e Lasalo a nea veveli i le lolotoga o lona mauli ; i le aso nei, kua fimalie a ia i leinei, kae ko koe, kua ke mamae.

Luka 17:30

E toe tatau loa i le aso leia e sa mai ai loa le Vosa o le tagata.

Soane 1:3

Na fai e ia a nea fuli, ti na leaise nea i nea fuli ala na fai na leaise fai sala mo ia.

Soane 1:51

Na pati loa Sesu kiate ia : E maoki, e maoki, e kotou tio loa ki le lagi kua mavaa, ti mo le kau aselo a le Atua e pale mo ifo i aluga o le Vosa o le tagata.

Gaoi 1:11

o pati : Tagata Kalilea, kolea e kotou nonofo ai i lena, o tio ki le lagi ? Ko le Sesu lena, kua ave ki lagi ia koutou, e toe au loa ofaipe lakotou tio ki lana ano ki le lagi.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Loma 8:17

Ti kapau ko tatou ko fanau, ko tatou foki ko fanau maua tofiga : Ko fanau maua tofiga a le Atua, ti mo maua tofiga fakatasi mo Kilisito, mo kapau e tou mamae fakatasi foki mo ia, o tupu ke tou toe fakatasi foki mo ia i lona kololia.

Uluaki tosi ki le kau Kolinto 3:13

Talie e fakasa loa a ia i le aso, talie e fakasa loa a ia e le afi ; ti e asiasii loa e le afi le anoaga o le gaoi a le tagata taki toka tasi.

Lua tosi ki le kau Kolinto 4:17

Talie ko oma mamae maamaa i le temi leinei, ala e oki vave, e fakatupu ia kia maua, o lasi ake i fuafua fuli,

Efeso 1:2

Ko le kalasia mo le tokamalie ke soli atu kia koutou e le Atua lotatou Tamana, ti mo le Aliki ko Sesu-Kilisito.

Kolose 1:16

Talie na fakatupu e ia a nea fuli, ala i le atu lagi ti mo la i le malama nei, mo nea ala e sa ti mo nea ala e leaise sa, pe ko nofoaga sau, pe ko nofoaga fakaaliki, pe ko le kau makeke, pe ko le kau pule. Na fakatupu e ia a nea fuli ma ana.

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Lua tosi kia Timoteo 2:12

kapau e tou kataki fualoa, e tou sau loa mo ia ; kapau e tou fakafiti kiate ia, e fakafiti loa a ia kia tatou ;

Tito 2:13

o talitali ki le amanaki malie manuia, ti mo le fakasa o le kololia o lotatou Atua lasi ti mo lotatou Fakamauli ko Sesu-Kilisito.

Epelo 10:27

kae ko se talitali fakaii ki le fakamaau ti mo se afi kaka leia e tutu ia loa le kau fili o le Atua.

Epelo 12:29

talie ko lotatou Atua ko se afi maumau foki a ia.

Epelo 4:1

Koia ke tou i, i le temi leinei koi tuu ai le fakapapau ke kotou ulu ki lona maloloaga, ke aua na ulu tausala se tasi o koutou ki ai.

Epelo 4:11

Koia tou faiga ke tou ulu vave ki le maloloaga lena, o tupu ke aua na siga se tasi o fakatautau ki le faifaitakiaga lena o le patigataa.

Epelo 4:9

Koia e i ai se malolo o le Sapato leia kua taofi ki le kakai o le Atua.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Uluaki tosi a Petelo 3:22

leia kua pale ki Selo ti e nofo nei i le fetuu atamai o le Atua, ti kua fakataulalo kiate ia le kau aselo, mo le kau pule, ti mo le kau makeke.

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.

Suta 1:7

ti na tautea e ia ki le afi lee gato a Sotoma mo Komola ti mo kolo i tafatafa, ala na fai feauaki mo fai ia ni nea ala e fakafesagai ki le natula ofaipe laua.

Apokalipisi 1:7

Ko leinei, e au a ia mo ni ao. Ti e tio loa kiate ia a mata fuli, ti mo latou foki ala na sokai ia a ia ; ti e tagi mamae loa a faasiga fuli o le malama nei o tupu ko ia. Io. Amene !

Apokalipisi 14:10

ti e inu loa e ia totonu le vino o le sausau o le Atua, leia kua liligi fakataufua ki le ipu o lona sausau ; ti e fakamamaei loa a ia i le afi mo le sulifa, i mua o le kau aselo maokioki ti mo mua o le Akeno.

Apokalipisi 14:13

Ti na kau logo loa ki se leo mei le lagi leia na pati mai kiate au : Tosi : Manuia i le temi nei, le kau mate ala e mate i le Aliki ! Io, e pati le Laumalie, o tupu ke lotou malolo i alatou gaoi pakia, talie e muli alatou gaoi ia latou.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.

Apokalipisi 21:4

E solosoloi loa e ia a loimata fuli mei olatou mata, ti e leaise toe maua loa le mate : e leaise toe maua loa se tagi, mo se lauga, mo se mamae, talie kua puli loa a uluaki nea.

Apokalipisi 22:16

Ko au Sesu, kua kau kakau mai laku aselo ke fakasa atu kia koutou a nea anei i atu Ekelesia. Ko au ko le afusa mo le sakoga o Tavite, ko le fetuu ao gigila.

Apokalipisi 22:6

Ti na pati mai loa a ia kiate au : E totonu mo maoki a folafola anei ; ti kua kakau mai e le Aliki, le Atua o laumalie o le kau polofeta, lana aselo ke fakasa ki ana tagata fakasausau a nea ala e tonu ke soko vave.

Apokalipisi 22:9

Kae na pati mai loa a ia kiate au : Aua na fai le nea a ia ! Ko se tagata fakasausau au ofaipe koe, mo ou fetaina ko le kau polofeta, ti mo latou fuli ala e tausi ia a folafola o le tosi leinei. Atolasio ki le Atua.

Apokalipisi 6:11

Ti na soli loa se kofu tea ki le tagata taki toka tasi o latou ; ti na pati loa kia latou ke lotou toe malolo mua i se ga temi ikiiki, ke katoa le api o olatou kau tagata gaoi ti mo olatou fetaina ala kua tonu ke maletile ofaipe latou.