Lua tosi ki le kau Tesalonika 1:11 - Tosi Tapu

¹¹ Koia foki leia e motou faikole tuumau ai kia koutou, o tupu ke lau koutou e lotatou Atua e kotou gali mo lana kalaga, ti ke fakasoko e ia i lona mafimafi a fakatuutuu malilie fuli o lona agamalie, ti ke fakakatoa e ia le gaoi o lakoutou tui ;

Lua tosi ki le kau Tesalonika 1:11 Iomraidhean Croise

Pesalemo 138:8

E gaoi loa le Eteleno kiate au. Eteleno, e lee gato lou agamalie, Aua na ke tiaki a gaoiaga o ou lima !

Pesalemo 48:14

Ke kotou tio ki lona kaua, Ke kotou tokaga ki ona fale lalasi, O tupu ke kotou fakamatala a ia ki le tautupu muli.

Pesalemo 51:18

Ka na ke loto ki ni sakilifisio, na kau momoli atu loa latou kiate koe ; Kae e leaise ke fiafia i ni failaulau.

Pesalemo 68:20

Ke fakafetai ki le Aliki i aso taki tasi ! Ka teki ni kavega mamafa kia matou, e fakamauli matou e le Atua. - Manava.

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esaia 66:9

Pe kau fakamavaa ia loa le manava o le tinana, Ke aua na fanau a ia ? e pati le Eteleno ; Ko au, leia e fakafanau ia, Pe e kau taofi ia loa ke fanaui le toe ? e pati lou Atua.

Taniela 3:17

Ko leinei, ko lomatou Atua leia e motou tausi ki ai, e mafai loa ke saofaki e ia matou mei le gutuumu kaka, ti e saofaki loa e ia matou mei lou lima, ei aliki sau !

Oseo 6:3

Tou iloa, tou afa ke iloa le Eteleno ; Ko lana au e maoki ofaipe le au o le mafoata. E au loa a ia kia tatou ofaipe le ua, Ofaipe le ua o le temi mafana leia e fakavai ia le kele.

Sakalia 4:7

Ko ai a koe, mauga lasi ? E ke lapa loa i mua o Solopapele ! E teki loa e ia le fatu tafito i loto malie o ni kalaga fakafiafia : Kalasia, kalasia kiate ia !

Maleko 4:28

E fakatupu toka tasi e le kele lona fua, uluaki le muko, ti soko mo le taulu fulumeto, ti soko mo le fatui fulumeto kua katoa i le fui fulumeto ;

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Loma 1:9

Ko le Atua, leia e kau fakasausau ki ai i loku laumalie, o fakasa le Evaselio o lona Alo, e fakamaoki kiate au e kau manatui tuumau koutou i aku faikole ;

Loma 11:29

Talie e leaise toe fakasemala le Atua ki ana nea alofa ala kua soli ti mo lana kalaga.

Loma 15:14

O uiga mo koutou, ei oku fetaina, e kau iloa papau e kotou apele i le loto malie, mo apele i le iloa katoa o nea ala e aoga kia koutou, ti mo apele i le poto i le soli o tokoi ke fakamakeke ai koutou.

Loma 8:30

Ti ko latou ala na fakatuutuu fakatomua e ia, na kalagai foki e ia latou ; ti ko latou ala na kalagai e ia, na fakamatatonu foki e ia latou ; ti ko latou ala na fakamatatonu e ia, na fakakololia foki e ia latou.

Uluaki tosi ki le kau Kolinto 1:8

Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Efeso 1:16

e leaise koi gato laku fakafetai o tupu ko koutou, o kau too okoutou igoa i aku faikole,

Efeso 1:5

ti na fakatuutuu fakatomua e ia tatou i lona alofa ke tou liliu ko ana fanau fufui ia Sesu-Kilisito, o mulimuli ki lona fiafia mo lona finegalo,

Efeso 1:9

ti kua fakasa e ia kia tatou le misitelio o lona finegalo, o mulimuli ki le fakatuutuu fakaalofa leia na fai e ia iate ia totonu,

Filipe 1:6

E kau iloa papau ko leia na kamata ia ia koutou le gaoi malie lena e fakasoko ia loa a ia ke malie tukupau o kaku ki le aso o Sesu-Kilisito.

Filipe 2:13

talie ko le Atua leia e fakatupu ia ia koutou le loto mo le fai o lona finegalo malie.

Filipe 3:14

ti e kau makape ki le tauaga, ke kau maua le fakapale o le kalaga mei lagi o le Atua ia Sesu-Kilisito.

Uluaki tosi ki le kau Tesalonika 1:3

o motou fakamanatu tuumau le gaoi o lakoutou tui, mo le gaoi o lokoutou alofa, ti mo le kataki fualoa o lakoutou amanaki malie ki lotatou Aliki ko Sesu-Kilisito, i mua o le Atua ko lotatou tamana.

Lua tosi ki le kau Tesalonika 1:5

Ko le fakamaoki lena o le fakamaau faitotonu o le Atua, o tupu ke lau kotou e kotou gali mo le Puleaga o le Atua, leia e kotou mamae ai.

Lua tosi ki le kau Tesalonika 2:14

Ko le nea lena na kalagai e ia koutou ki ai i lamatou Evaselio, o tupu ke kotou maua le kololia o lotatou Aliki ko Sesu-Kilisito.

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.

Epelo 3:1

Koia, fetaina maokioki, ala e kau ki le vokasio mei lagi, kotou tokaga lasi ki le apositolo, mo le pule fai sakilifisio o le tui leia e motou fakasa ia,

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Apokalipisi 3:4

Kae e ke maua i Salete ni tagata ala na leaise fakakelekele ia olatou kofu ; e lotou saele loa mo au i ni kofu tetea, talie e lotou gali mo kofu ana.

Apokalipisi 5:10

ti na ke fakasoko latou ko se puleaga ti ko se kau tagata fai sakilifisio ki lotatou Atua, ti e lotou sau loa i le malama nei.