Lua tosi ki le kau Tesalonika 1:10 - Tosi Tapu

¹⁰ mo ka au loa a ia i le aso a ia ke fakakololiai a ia i lana kau sagato, ti ke tio kiate ia latou fuli ala na tui kiate ia ; talie kua kotou tui ki lamatou fakamaoki ia koutou.

Lua tosi ki le kau Tesalonika 1:10 Iomraidhean Croise

Pesalemo 68:35

Kotou tuku le kololia ki le Atua ! E nofo lona agai i Iselaele, ti ko lona makeke i le atu lagi.

Pesalemo 89:7

Talie ko ai, i le lagi, e mafai ke fakatatau ki le Eteleno ? Ko ai e tatau mo koe i vosa o le Atua ?

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 44:23

Atu lagi, kotou fakafiafia ! talie kua gaoi le Eteleno ! Potu loloto o le kele, kotou kalaga fakanekenekea ! Mauga lalasi, kotou fai ni kalaga fakafiafia ! Mo koutou foki, vaomatua ti mo okoutou laakau fuli ! Talie kua toe totogi e le Eteleno a Sakopo, Kua fakasa e ia lona kololia i Iselaele.

Esaia 49:3

Ti na pati mai a ia kiate au : Ko laku tagata fakasausau a koe, Iselaele leia e fakasa ia loa loku kololia.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Malakia 3:17

E lotou liliu loa ko loku kakai, e pati le Eteleno o kau tau, E lotou liliu loa ko loku koloa mauiga, i le aso leia e kau teuteui. E kau alofa loa kia latou, Ofaipe se tagata e alofa ki lona vosa leia e tausi kiate ia.

Numelo 23:23

E leaise mafai e nea fakatemonio se nea fua e tasi kia Sakopo, E leaise se aoga o fai kikite ki Iselaele. E lotou iloa i lona temi totonu A gaoi fuli ala e fai e le Atua kia latou.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Mateo 16:28

E kau pati maoki atu kia koutou, ko ni iki ia latou ala e nonofo i leinei e leaise mamate loa, kae e leikiaise lotou tio ki le saele mai o le Vosa o le tagata i lona puleaga.

Mateo 24:36

Kae ki le aso ti mo le ola, e leaise iloa e se tasi fua, pe ko le kau aselo i le atu lagi, pe ko le Alo, kae ko le Tamana toka tasi.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Mateo 7:22

E pati mai loa se toka api kiate au i le aso a ia : Aliki, Aliki, pe na leaise motou kikite i lou suafa ? Pe na leaise motou kapu ni temonio i lou suafa ? Pe na leaise motou fai ni milakulo mauke i lou suafa ?

Luka 10:12

E kau fakasa kia koutou i le aso o le fakamaau, e ikiiki loa le tautea o Sotoma i le tautea o le kolo lena.

Soane 11:4

I lana logo ki le nea lena, na pati loa Sesu : E leaise sikuga le masaki lena ki le mate, kae ki le kololia o le Atua, o tupu ke fakasa ai le kololia o le Alo o le Atua.

Soane 17:10

ti ko aku nea fuli ko au nea, ti ko au nea ko aku nea ; ti e kau fakakololia ia latou.

Uluaki tosi ki le kau Kolinto 1:6

ofaipe le fakamaoki o Sesu-Kilisito leia kua tuu makeke ia koutou :

Uluaki tosi ki le kau Kolinto 3:13

Talie e fakasa loa a ia i le aso, talie e fakasa loa a ia e le afi ; ti e asiasii loa e le afi le anoaga o le gaoi a le tagata taki toka tasi.

Kalate 1:24

Ti na lotou fakakololia loa ki le Atua o tupu ko au.

Efeso 1:12

o tupu ke tou fakavikiviki ki lona kololia, tatou ala kua amanaki malie fakatomua kia Kilisito.

Efeso 1:14

leia ko se fakamaoki o lotatou tofiga, ki le aso leia e katoa ai loa le saofaki o latou ala na totogi e le Atua ma ana, ke fakavikiviki ki lona kololia.

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Efeso 2:7

o tupu ke fakasa i sekulo ka au le mou koloa lee gato o lona kalasia i lona agamalie kia tatou ia Sesu-Kilisito.

Efeso 3:10

Koia kua iloa ai i le aso nei e le kau pule mo le kau makeke i potu fakalagi i le Ekelesia le poto lee gato o le Atua i ona anoaga kesekese,

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Uluaki tosi ki le kau Tesalonika 1:5

Talie na leaise fakasa lamatou Evaselio kia koutou i ni masau fuai, kae i le makeke foki, mo le Laumalie Maokioki, ti mo le fakamaoki lasi ; talie e leaise puli kia koutou lamatou mauli i loto malie o koutou, o tupu ko koutou.

Uluaki tosi ki le kau Tesalonika 2:1

E kotou iloa e koutou totonu, fetaina, na leaise sala fua lamatou kaku atu kia koutou.

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Lua tosi ki le kau Tesalonika 1:12

Ti e fakakololiai loa le suafa o lotatou Aliki ko Sesu ia koutou, ti e fakakololiai loa koutou iate ia, o fakatatau ki le kalasia o lotatou Atua ti mo le Aliki ko Sesu-Kilisito.

Lua tosi ki le kau Tesalonika 2:13

Kia matou, fetaina alofaina i le Aliki, e tonu ke motou fakafetai tuumau ki le Atua o tupu ko koutou, talie kua filifili koutou e le Atua talu mei le kamataaga ki le saofaki, i le fakamea a le Laumalie ti mo le tui ki le maoki.

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Lua tosi kia Timoteo 1:18

Ke alofa le Aliki o tuku kiate ia lona manavaalofa i tafa o le Aliki i le aso lena. E ke iloa malie le lasi o nea fuli ala na fai e ia kiate au i Efeso.

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,