Lua tosi ki le kau Kolinto 10:4 - Tosi Tapu

⁴ Talie ko masafu ala e ma tau ai e leaise fakatagata ; kae e lotou makeke lasi i le Atua, ke soloi ai ki lalo ni kolo tau.

Lua tosi ki le kau Kolinto 10:4 Iomraidhean Croise

Pesalemo 110:2

E fakamafola loa e le Eteleno mei Sione le tokotoko o lou mafimafi : Ke ke pule i loto malie o ou fili !

Esaia 30:25

I mauga taualuga fuli mo mauga liliki fuli, E i ai loa ni liua, mo ni vaitafe, I le aso o le tamatea lasi, I le sisiga o tule fuli.

Selemia 1:10

Tio, kua kau tuku kiate koe i le aso nei se makeke ki atu kakai mo atu puleaga, o tupu ke ke taaki mo veteki, ke ke maumaui mo soloi, ke ke lagai ake mo to.

Selemia 23:29

Pe leaise fai laku folafola pe se afi, e pati le Eteleno, Pe se amale leia e fatifati ia le fatu ?

Gaoi 7:22

Na ako loa Moisese i le poto katoa o le kau Esipito, ti na makeke a ia i masau mo gaoi.

Loma 13:12

Kua vave fua le oki o le pouli, kua ofi fua le ao. Koia ke tou tiaki ai a gaoi o le pouli, kae ke tou tui a masafu o le malama.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Uluaki tosi ki le kau Kolinto 2:5

o tupu ke fakatafito lakoutou tui, o leai ki le poto o tagata, kae ki le mafimafi o le Atua.

Uluaki tosi ki le kau Kolinto 9:7

Ko ai leia e ano o tau, kae totogi e ia a ia totonu ? Ko ai leia e to ia se vite, kae e leaise kai a ia ki lona fua ? Ko ai leia e tausi ia se kau manu, kae e leaise inu a ia ki le sua u o le kau manu ?

Lua tosi ki le kau Kolinto 10:8

Ti kapau foki na kau fakakololia a au totonu o lasi fakaikiiki i le pule leia kua tuku mai kiate au e le Aliki ki lokoutou faufau, kae leai ki lokoutou maumaui, e leaise kau luma ai.

Lua tosi ki le kau Kolinto 13:10

Koia e kau tosi atu ai a nea ana kae kau puli ia koutou, o tupu ke aua na kau fakaaoga ia loa le makeke, mo ka kau nofo loa mo koutou, o mulimuli ki le pule leia kua soli mai e le Aliki ki le lagai kae leai ki le maumaui.

Lua tosi ki le kau Kolinto 3:5

Talie ke aua na pati e ma mafai ia e maua totonu ke ma fakatupu ia se nea o sakinake e au meia maua totonu ; kae e au mei le Atua loma mafai.

Lua tosi ki le kau Kolinto 4:7

E ma amo le koloa lena i ni ipu kele, o tupu ke tuku le makeke lasi lena ki le Atua, kae leai kia maua.

Lua tosi ki le kau Kolinto 6:7

i le folafola o le maoki, i le makeke o le Atua, i masafu tau mo masafu tali tau o le maokioki ;

Uluaki tosi ki le kau Tesalonika 5:8

Kae ko tatou ala e kau i le ao, tou fakapotopoto, tou kofu le kofu tau o le tui mo le alofa, ti tou too le puloga tau o le amanaki malie o le fakamauli.

Uluaki tosi kia Timoteo 1:18

Ko le fakatotonu leia e kau fai atu kiate koe Timoteo, ko laku fanau, o mulimuli ki folafola kikite ala na fai kiate koe i mua, ala na fakasa ia, ke ke tau le tau malie,

Lua tosi kia Timoteo 2:3

Mamae mo au, ofaipe se tagata solia malie a Sesu-Kilisito.

Epelo 11:30

Ko le tui leia na solo ai loa a paa o Seliko i le oki o lona folii takai i aso e fitu.

Sosue 6:20

Na pupusi loa a fakatagi pupusi o fakaloaloa, ti ko le kakai na logo loa ki tagi fakaloaloa o fakatagi pupusi. I le temi lena, na fakamapa loa e le kakai se kalaga tau makeke, ti na siga loa le kaua takai o le kolo ki lalo. Ti na pale loa le kakai ki le kolo, o tasi ano fakasako i ona mua. Ti na lotou too loa le kolo.