Lua tosi ki le kau Kolinto 1:3 - Tosi Tapu

³ Ke fakafetai ki le Atua, le Tamana o lotatou Aliki ko Sesu-Kilisito, le Tamana o manavaalofa ti mo le Atua o fakafimalie fuli,

Lua tosi ki le kau Kolinto 1:3 Iomraidhean Croise

Senesi 14:20

Ke tapusa le Atua Taualuga, leia kua tuku ia ou fili ki ou lima ! Ti na soli loa e Apalamo kiate ia le vaega kau agafulu o nea fuli.

Uluaki tosi o Koloniko 29:10

Na fakafetai loa Tavite ki le Eteleno i mua o le fakatasiga katoa. Na pati loa a ia : Fakafetai kiate koe, Eteleno, Atua o lomatou tamana ko Iselaele, o lee gato mo lee gato.

Neemia 9:5

Ko le kau Levi ko Sosue, mo Katemiele, mo Pani, mo Asapenia, mo Selepia, mo Otisa, mo Sepania, mo Petasa, na pati loa : Kotou tutuu ki aluga ti kotou fakafetai ki le Eteleno, lokoutou Atua, o lee gato ! Ke fakafetai ki lou suafa fakakololia, leia e taualuga i tapuakina fuli mo fakafetai fuli !

Sopo 1:21

O pati : Na kau au telefua mei le manava o loku tinana, ti e kau toe liliu telefua loa ki le manava o le kele. Na soli e le Eteleno, ti kua toe too e le Eteleno ; ke fakafetai ki le suafa o le Eteleno !

Pesalemo 18:46

E puli le makeke o vosa o le matapule, E lotou lulu i fafo o olatou kolo tau.

Pesalemo 68:35

Kotou tuku le kololia ki le Atua ! E nofo lona agai i Iselaele, ti ko lona makeke i le atu lagi.

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Esaia 66:13

Ofaipe se tagata leia e fakapelepele e lona tinana, E kau fakapelepele felaaki loa koutou ; E kau fakapelepele loa koutou i Selusalemi.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Soane 10:30

Ko au mo le Tamana e ma toka tasi.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Lua tosi ki le kau Kolinto 11:31

Ko le Atua, leia ko le Tamana o le Aliki Sesu, leia e manuia o lee gato, e iloa ia e leaise kau loi !

Lua tosi ki le kau Kolinto 7:6

Kae ko le Atua, leia e fakafimalie ia latou ala kua tiaki ki lalo, na fakafimalie ia maua ki le kaku mai a Tito,

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Filipe 2:11

ti ke fakasa e alelo fuli ko Sesu-Kilisito ko le Aliki, ki le kololia o le Atua ko le Tamana.

Kolose 1:3

E ma fakafetai ki le Atua, le Tamana o lotatou Aliki ko Sesu-Kilisito, ti e leaise toe gato lama ulufaki koutou,

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Lua tosi a Soane 1:4

Na kau fiafia lasi ai i le maua o ni iki o au fanau ala e saele i le maoki, o mulimuli ki le fakatotonu leia na tou maua mei le Tamana.

Lua tosi a Soane 1:9

Ko leia e leaise nofo i le akonaki a Kilisito, kae fanatu mamao, e leaise maua e ia le Atua. Ko leia e nofo i le akonaki lena e maua e ia le Tamana mo le Alo.