Uluaki tosi ki le kau Tesalonika 5:8 - Tosi Tapu

⁸ Kae ko tatou ala e kau i le ao, tou fakapotopoto, tou kofu le kofu tau o le tui mo le alofa, ti tou too le puloga tau o le amanaki malie o le fakamauli.

Uluaki tosi ki le kau Tesalonika 5:8 Iomraidhean Croise

Pesalemo 42:11

E fatifati oku ivi mo ka nukinuki mai kiate au latou e fakaveliveli kiate au, O pati tuumau mai kiate au : Kofea lou Atua ?

Pesalemo 42:5

E kau manatui le temi leia na kau saele ai kae takatakai au e le kakai, Ti na kau taki ai latou ki le fale o le Atua, i loto malie o ni kalaga fakafiafia mo ni fakafetai A se kakai toka api i aso lalasi.

Pesalemo 43:5

Kolea e ke mamae ai, ei loku laumalie, ti e ke tagi ai i loku loto ? Ke ke amanaki malie ki le Atua, talie e kau toe fakafetai loa kiate ia. Ko ia ko loku fakamauli mo loku Atua.

Esaia 59:17

Na kofu e ia le faitotonu ofaipe se kofu tau, Ti na teki e ia ki lona ulu le puloga o le fakamauli ; Na too e ia le sausau o kofu, Ti na pulupulu a ia ki le finenonofo.

Tagi laulau a Selemia 3:26

E malie ke talitali fakalologo Ki le tokoi a le Eteleno.

Uluaki tosi ki le kau Kolinto 13:13

I le aso nei e tuu mau a nea anei e tolu : Le tui, mo le amanaki malie, ti mo le alofa ; kae ko leia e lasi ake i nea ana, ko le alofa.

Lua tosi ki le kau Kolinto 6:7

i le folafola o le maoki, i le makeke o le Atua, i masafu tau mo masafu tali tau o le maokioki ;

Kalate 5:5

Kia tatou, e tou talitali i le Laumalie ki le amanaki malie o le faitotonu leia e maua i le tui.

Efeso 6:11

Kotou kofu a masafu tau fuli o le Atua, o tupu ke mafai lakotou tuu makeke ki pikoi kaka a le Tiapolo.

Efeso 6:23

Ke soli le tokamalie, mo le alofa, ti mo le tui ki fetaina e le Atua ko le Tamana ti mo le Aliki ko Sesu-Kilisito !

Uluaki tosi ki le kau Tesalonika 5:5

ko ni fanau fuli koutou o le malama ti mo le ao. E leaise tou kau i le pouli pe i le fakapouli.

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Epelo 6:19

Ko le amanaki lena, kua tou maua a ia ofaipe se taula o le laumalie, leia e makeke mo pipiki mau ; ti e ulu a ia ki loto o le kie puipui,

Uluaki tosi a Petelo 1:13

Koia ke kotou nonoa ai a ifiifi o lokoutou loto, kotou fakapotopoto, kotou maua se amanaki malie katoa ki le kalasia leia e tuku atu loa kia koutou i le aso leia e sa ai loa Sesu-Kilisito.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Uluaki tosi a Soane 1:7

Kae kapau e tou saele i le malama, ofaipe ia totonu e nofo i le malama, e tou fekomunioaki tuumau, ti e fakamea tatou e le toto o Sesu lona Alo i agasala fuli ai.