Uluaki tosi ki le kau Tesalonika 5:10 - Tosi Tapu

¹⁰ leia na mate kia tatou, o tupu ke tou mauli fakatasi mo ia, pe ke tou alaala, pe ke tou momoe.

Uluaki tosi ki le kau Tesalonika 5:10 Iomraidhean Croise

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Soane 10:11

Ko au ko le tagata tausi ovi agamalie. E soli e le tagata tausi ovi agamalie lona mauli o tupu ko ana ovi.

Soane 10:15

ofaipe le Tamana e iloa ia au ti mo au e iloa ia le Tamana ; ti e kau soli loku mauli o tupu ko aku ovi.

Soane 10:17

E alofa le Tamana kiate au, talie e kau soli loku mauli, o tupu ke kau toe too a ia.

Soane 15:13

E leaise alofa e toe lasi ake i le soli o lona mauli o tupu ko ona kaukau nea.

Loma 8:34

Ko ai ka tautea ia loa latou ? Ko Kilisito leia na mate ; ti kua toe tuuake foki a ia, ti kua nofo a ia i le fetuu atamai o le Atua, ti e faikole a ia kia tatou !

Uluaki tosi ki le kau Kolinto 15:3

Na kau akonaki atu kia koutou i mua o nea fuli, ofaipe le nea leia na kau tali ia foki : na mate Kilisito o tupu ko atatou agasala, o mulimuli ki le Tosi ;

Lua tosi ki le kau Kolinto 5:15

ti na mate a ia ki tagata fuli, o tupu ko latou ala e mauuli ke aua na lotou mauli kia latou totonu, kae ki leia na mate ti na toe tuuake o tupu ko latou.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Uluaki tosi ki le kau Tesalonika 4:13

E leaise motou loto, fetaina, ke kotou nonofo i le fakapouli o uiga mo latou ala kua mamate, o tupu ke aua na kotou mamae ofaipe latou ake ala e leaise maua ia se amanaki malie.

Uluaki tosi ki le kau Tesalonika 4:15

Talie ko leinei le nea leia e motou fakasa atu kia koutou i le folafola a le Aliki : Ko tatou ala e mauli mo toe ki le au a le Aliki, e leaise tou muamua loa ia latou ala kua mamate.

Uluaki tosi ki le kau Tesalonika 4:17

Ti oki ko tatou ala na mauli mo toe, e too loa tatou fuli o fakatasi mo latou i se ao, ke fakafetaulaki ki le Aliki i le aele, ti ke tou nonofo loa mo le Aliki, o lee gato.

Uluaki tosi ki le kau Tesalonika 5:6

Koia aua na tou momoe ofaipe latou ake ala, kae tou alaala ti mo tou fakapotopoto.

Uluaki tosi kia Timoteo 2:6

leia na soli a ia totonu ke totogi ai tagata fuli. Ko lena le fakamaoki leia na tuku e ia i lona temi totonu,

Lua tosi kia Timoteo 2:11

E maoki le masau leinei : Kapau kua tou mate mo ia, e tou mauli loa mo ia ;

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.