Uluaki tosi ki le kau Tesalonika 4:9 - Tosi Tapu

⁹ O uiga mo le alofa fakatautaina, e leaise aoga kia koutou ke toe fai tosi atu ki ai, talie kua kotou ako e koutou totonu mei le Atua le fealofani fakatautaina,

Uluaki tosi ki le kau Tesalonika 4:9 Iomraidhean Croise

Pesalemo 133:1

Katiko o le fanoga tapu. A Tavite. Ko leinei, io ! e malie ai, e fakafimalie ai Ki ni fetaina ke nonofo fakatasi !

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Levitiko 19:8

Ti ko leia e kai loa ki ai e agasala loa, talie kua maumaui e ia le nea tapu a le Eteleno. E tuuti loa a ia mei lona kakai.

Mateo 22:39

Ti ko leinei le lua, leia e tatau mo ia : E ke alofa loa ki lou oloi ofaipe lou alofa kiate koe totonu.

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Gaoi 4:32

Na loto tasi mo laumalie tasi latou fuli ala na tui. Ti na leaise pati se tasi ko nea ala e maua e ia ko ana nea, kae na fakatasi alatou nea fuli.

Loma 12:10

Ke kotou fealofani i se alofa fakatautaina ; ke kotou tokaga ki le fakaapaapa i okoutou vasaa.

Lua tosi ki le kau Kolinto 9:1

E leaise aoga ke kau fai tosi atu kia koutou o uiga mo le tokoi ki le kau sagato.

Filipe 3:15

Koia ko tatou fuli ala ko ni tagata kua katoa, ke tou maua le manatu lena ; ti kapau e kotou maua se tasi ake manatu, e fakamalamai loa koutou e le Atua i le nea foki lena.

Uluaki tosi ki le kau Tesalonika 5:1

Ki le nea o uiga mo temi ti mo lakaga, e leaise aoga, fetaina, ke kau fai tosi atu ki ai.

Epelo 10:16

Ko leinei le sai leia e kau fai loa mo latou, Ka sili aso ana, e pati le Aliki : Ekau tuku loa aku lao ki olatou loto, Ti e kau tosi loa latou i olatou laumalie, na toe soko atu a ia :

Epelo 13:1

Ke kotou kataki fualoa i le alofa fakatautaina.

Uluaki tosi a Petelo 3:8

Tie fakaoki loa, ke kotou maua fuli ni manatu tatau, mo ni manatu loto tatau ; ke kotou apele i le alofa fakatautaina, mo le loto alofa, ti mo le fakataulalo.

Uluaki tosi a Petelo 4:8

I mua o nea fuli, ke kotou maua i okoutou vasaa se alofa vevela, talie E uufi e le alofa ni agasala lasi ai.

Lua tosi a Petelo 1:7

e le alofa ki le Atua le alofa fakatautaina, e le alofa fakatautaina le alofa.

Uluaki tosi a Soane 2:10

Ko leia e alofa ki lona taina, e nofo a ia i le malama, ti e leaise maua iate ia se nea fakatupu siga.

Uluaki tosi a Soane 3:11

Talie ko le nea leia na fakasa atu kia koutou ti na kotou logo ki ai talu mei le kamataaga : e tonu ke tou fealofani ia tatou ;

Uluaki tosi a Soane 3:23

Ti ko leinei lana fakatotonu : Ke tou tui ki le suafa o lona Alo ko Sesu-Kilisito, ti ke tou fealofaaki ia tatou, o mulimuli ki lana fakatotonu kia tatou.

Uluaki tosi a Soane 4:21

Ti e tou maua meiate ia le fakatotonu leinei : Ko leia e alofa ki le Atua ke alofa foki a ia ki lona taina.