Uluaki tosi ki le kau Tesalonika 4:6 - Tosi Tapu

⁶ ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.

Uluaki tosi ki le kau Tesalonika 4:6 Iomraidhean Croise

Pesalemo 140:12

Ko le tagata leia e gutu loiloi e leaise makeke i le malama nei ; Ti ko le tagata agamakeke, e maumaui a ia e le malaia.

Pesalemo 94:1

Ei Eteleno ko le Atua, a au le totogi ! Ei Atua, a au le totogi ! Ke ke sa mai !

Ekesote 20:15

Aua na ke kaia.

Ekesote 20:17

Aua na ke manumanu loa ki le fale o lou oloi ; aua na ke manumanu loa ki le avaga o lou oloi, pe ko lana tagata fakasausau, pe ko lana fafine fakasausau, pe ko lana pipi, pe ko lana asino, pe ko se nea fua leia e maua e lou oloi.

Taagapati 11:1

E fakalialia le Eteleno ki le fua leia e sala, Kae e malie kiate ia le fua leia e totonu.

Taagapati 16:11

Ko le kilo totonu mo le fua totonu a le Eteleno ; Ko nea kilo fuli e tuku i le taga ko lana gaoiaga.

Taagapati 20:14

E pati le tagata faifakatau : Veli ! veli ! Kae i lana ano, e fakafiafia a ia.

Taagapati 20:23

E fakalialia le Eteleno ki faasiga fua e lua, Ti e leaise malie le fua leia e sala.

Taagapati 28:24

Ko leia e kaia ia lona tamana mo lona tinana, Ti e pati : E leaise ko se agasala a ia ! E kaukau nea mo le tagata maumau.

Ekelesiasi 5:8

E malie ake ki le fenua ke maua e ia se sau leia e fakamuamua ia i nea fuli le gaoi ki faisaga.

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Selemia 7:6

Kapau e leaise kotou fakamamae le matapule, mo le toe sala matua, mo le fafine lokonui, Kapau e leaise kotou liligi le toto mea i le ganea leinei, Ti kapau e leaise kotou ano ki ni iki ake atua ke kotou malaia ai,

Selemia 9:4

Ke tasi nofo tokaga ki lona kaukau nea, Ti ke aua na fanaki ki se tasi o ona fetaina ; Talie e afa e fetaina fuli ke kaka, Ti e fakamafola e kaukau nea fuli ni fatufatu.

Esekiele 22:13

Ko leinei, kua kau pasipasi oku lima, kakai o Selusalemi, o tupu ko ou koloa kaia ti mo le toto leia na liligi i loto malie o ou.

Levitiko 19:11

Aua na kotou kaia loa, ti aua na kotou fai fakakaka loa, pe feloiaki loa leia ki leia.

Levitiko 19:13

Aua na ke pulei fakaveli loa lou oloi, ti aua na ke too fakamakeke loa se nea iate ia. Aua na ke taofi loa o kaku ki le apogipogi le totogi o le tagata gaoi.

Levitiko 25:14

Kapau e kotou totogi pe kotou fakatau se kele ki se tagata o lou kakai, ke aua na kakaai loa e se tasi o koutou lona taina.

Levitiko 25:17

Ke aua na kakai loa e se tasi o koutou lona taina, kae e ke fakaapaapa loa ki lou Atua ; talie ko au ko le Eteleno, ko lokoutou Atua.

Mikea 2:2

E lotou manumanu ki ni faisaga, ti e lotou too fakamakeke latou ; Ni fale, ti e lotou too fakamakeke latou ; E lotou too fakamakeke le tagata mo lona famili, Le tagata mo lona tofiga.

Sofoni 3:1

Malaia ki le kolo agatuu mo fakalialia, Ki le kolo leia kua apele i tagata agamakeke !

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Maleko 10:19

E ke iloa a fakatotonu : Aua na ke tono loa mo se fafine ; aua na ke tukipo loa ; aua na ke kaia loa ; aua na ke fakamaoki loi loa ; aua na ke fai loa se nea veli ki se tasi ; fakaapaapa ki lou tamana mo lou tinana.

Luka 12:5

E kau fakasa atu loa kia koutou leia e tonu ke kotou i ki ai. Kotou i ki leia, mo ka oki lana tamate, e maua ia le pule ke ti ki le afi lee gato ; io, e kau pati atu kia koutou, ko ia lena e tonu ke kotou i ki ai.

Luka 16:28

O tupu ke fakamaoki e ia a nea anei kia latou, ti mo valoki latou, ke aua na latou toe au mo latou foki ki le ganea leinei o le mamae.

Loma 1:18

E fakasa mei le lagi le sausau o le Atua ki agasala fuli mo veli fuli a tagata ala e taofi ia le gaoi a le maoki,

Loma 12:19

Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi,

Loma 13:4

Ko le pule ko le tagata fakasausau a ia a le Atua o uiga mo lou malie. Kae kapau e ke fai le veli, ke ke i ; talie e leaise too noa e ia le seleta : ko ia ko le tagata fakasausau a le Atua, ke fai ia le lagavaka ti mo tautea ia leia e fai ia le veli.

Lua tosi ki le kau Kolinto 7:11

Ti kua kotou tio ki fua ala na fakatupu e le Atua mei le loto mamae lena, ki le tokaga leia na kotou maua mei ai ! ki le fia fakatokatoka o nea fuli, ki le vesia ki le nea e veli, ki le tuania, ki le oli mamae ke kotou tio kiate au, ki le oli makeke ki se tua leia e totonu ! Na kotou fakasa i nea fuli e kotou mea i le nea lena.

Kalate 5:21

mo le manumanu, mo le inu fakavale, mo le kai fakavale, mo nea fuli ala e tatau mo nea ana. E kau fakasa fakatomua atu kia koutou, ofaipe laku fakasa atu i mua, ko latou ala e fai ia a nea ana e leaise maua ia loa le Puleaga o le Atua.

Efeso 4:17

Ko leinei loa le nea leia e kau fakasa mo fakamaoki i le Aliki : E leaise koi tonu ai ke kotou saele ofaipe le kau pagani, ala e saele o mulimuli ki le vaiga o olatou manatu.

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Efeso 5:6

Ke aua na kakai koutou e se tasi ki ni masau vaiga ; talie ko nea ana na tupu ai le ifo o le sausau o le Atua ki fanau patigataa.

Tetelonome 24:7

Kapau e maua loa se tagata leia na kaia ia se tasi i ona fetaina, se tasi o fanau totonu a Iselaele, leia na fakaliliu e ia lona taina ko se tagata popula pe na fakatau ia a ia, e tautea loa le tagata lena ki le mate. E ke too loa i ai le veli i loto malie o Iselaele.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Uluaki tosi ki le kau Tesalonika 2:11

Ti e kotou toe iloa foki na motou fai kia koutou taki toka tasi pe se tamana ki ana fanau,

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Epelo 2:6

Kae na fakasa e se tasi le fakamaoki leinei : Kolea le tagata, ke ke manatui a ia, Pe ko le vosa o le tagata, ke ke tokaga ai kiate ia ?

Sakopo 2:6

Kae ko koutou, e kotou fakamamae le mativa ! Pe leaise ko le kau mou koloa leia e fakavelivelii ia koutou ti mo ave ia koutou ki telepinale ?

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.