Uluaki tosi ki le kau Tesalonika 4:3 - Tosi Tapu

³ Talie ko le finegalo o le Atua ke kotou maokioki, ti ke kotou fakamamao mei le fai feauaki :

Uluaki tosi ki le kau Tesalonika 4:3 Iomraidhean Croise

Pesalemo 143:10

Ako mai kiate au le fai o lou finegalo, Talie ko koe ko loku Atua. Ke taki au e lou laumalie malie i le ala totonu !

Pesalemo 40:8

Koia e kau pati ai : Ko leinei, e kau au Mo le takaiga tosi leia na tosi kiate au.

Levitiko 15:18

Ti kapau e momoe loa se tagata mo se fafine, e tonu ke la fakamea loa toka lua, ti e la kelekele loa o kaku ki le afiafi.

Mateo 12:50

Talie ko leia e fai ia le finegalo o loku Tamana leia e nofo i le atu lagi, ko loku taina a ia, mo loku tuagaane, ti mo loku tinana.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Mateo 5:32

Kae ko au, e kau pati atu kia koutou ko le tagata leia e kapu ia lona avaga, (gato fai mo kapau na tono a ia mo se tagata), e tuku e ia lona avaga ke tono mo se tasi ake tagata ; ti ko le tagata leia e avaga loa mo se fafine leia na kapu e lona avaga e fai ia loa se tono mo le fafine lena.

Mateo 7:21

Ko latou ala e pati mai kiate au : Aliki, Aliki, e leaise lotou ulu fuli loa ki le Puleaga o Selo, kae e gato fai ki leia e fai ia le finegalo o loku Tamana leia e nofo i le lagi.

Maleko 3:35

Talie, ko leia e fai ia le finegalo o le Atua, ko ia lena ko loku taina, mo loku tuagaane, ti mo loku tinana.

Soane 4:34

Na pati loa Sesu kia latou : Ko laku nea kai ko le fai o le finegalo o leia na kakau ia mai au, ti mo le fakasoko o lana gaoi.

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Gaoi 15:20

kae ke tou fai se tosi kia latou ke lotou fakamamao mei fakalialia o taulaatua, mo le fai feauaki, mo manu mamate, ti mo le toto.

Gaoi 15:29

ke iloa : ke kotou fakamamao mei inati kua momoli ki taulaatua, mo le toto, mo manu mamate, ti mo le fai feauaki ; e malie kia koutou ke fakamamao mei nea ana. Nonofo la.

Gaoi 20:32

Ti ko leinei, e kau tuku koutou ki le Atua ti mo le folafola o lona kalasia, ki leia e maua ia le makeke ke faufau ia koutou ti ke soli ia kia koutou le tofiga o fakatasi mo latou fuli kua fakamaokioki.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Loma 1:29

Kua lotou apele i nea veveli fuli, mo fai feauaki, mo agaveli, mo manumanu ; ti kua lotou tukumanava fai ki le loto veli, mo le tukipo, mo le fefele, mo le kaka, mo le fatituu ;

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 7:2

Kae, o tupu ko le fai feauaki, ke tasi maua e le tagata sona avaga, ti ke tasi maua e le fafine sona avaga.

Lua tosi ki le kau Kolinto 12:21

E kau tuania, i laku tau atu, na toe fakataulaloi au e loku Atua i mua o koutou, ti ke kau tagi loa ki se toka api o latou ala na agasala i mua, ti na leikiaise fakasemala ki le aga fakakelekele, mo le fai feauaki, ti mo nea fakalialia fuli ala na lotou fai.

Kalate 5:19

E mailoga malie a gaoi o le kanofi ; ko le fai feauaki, mo le kelekele, mo le fakavalevale ;

Efeso 5:17

Koia ke aua na kotou sala atamai, kae ke kotou matala ki le finegalo o le Aliki.

Efeso 6:6

o leaise gato fua i olatou mua, o sakinake ke mata malie ki tagata, kae ofaipe ni tagata fakasausau a Kilisito, ala e fai ia i le loto katoa le finegalo o le Atua.

Kolose 1:9

Koia ko maua foki, talu mei le aso leia na ma logo ai ki le nea lena, e leaise koi gato lama faikole ki le Atua o uiga mo koutou ; e ma kole ke kotou apele i le iloa o lona finegalo, i le poto katoa ti mo le atamai fakalaumalie,

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Kolose 4:12

Ko Epafalasi, leia ko se tasi o koutou, e fakaalofa atu kia koutou ; ko le tagata fakasausau a ia a Sesu-Kilisito, e leaise toe gato lana tau kia koutou i ana faikole, o tupu ke kotou tuu makeke ofaipe ni tagata kua katoa, o nofo fakalogo ki le fai o le finegalo katoa o le Atua.

Uluaki tosi ki le kau Tesalonika 4:2

Talie e kotou iloa foki a fakatotonu ala na motou tuku atu kia koutou mei le Aliki Sesu.

Uluaki tosi ki le kau Tesalonika 4:4

Koia ke tasi iloa e le tagata o koutou le tausi o lona tino i le maokioki mo le fakaapaapa,

Uluaki tosi ki le kau Tesalonika 5:18

Kotou fakafetai i nea fuli, talie ko le finegalo a ia o le Atua ia Sesu-Kilisito kia koutou.

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Lua tosi ki le kau Tesalonika 2:13

Kia matou, fetaina alofaina i le Aliki, e tonu ke motou fakafetai tuumau ki le Atua o tupu ko koutou, talie kua filifili koutou e le Atua talu mei le kamataaga ki le saofaki, i le fakamea a le Laumalie ti mo le tui ki le maoki.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 10:36

Talie e aoga kia koutou le kataki fualoa, o tupu, ka oki loa lakotou fai le finegalo o le Atua, ke kotou maua le nea leia kua fakapapau atu kia koutou.

Epelo 12:16

Ke kotou tokaga na i ai se tasi e fai feauaki, pe ko se tasi e lee fakaapaapa ki nea tapu ofaipe Esau, leia na fakatau ia lona tapuaki o le uluaki vosa ki se nea kai e tasi.

Epelo 13:21

ke fakaliliu e ia koutou ke kotou mafai ia a nea fuli ala e malilie, o tupu ke kotou fakasoko lona finegalo ; ti ke fai e ia kia koutou le nea leia e malie kiate ia ia Sesu-Kilisito, leia e tuku ki ai le kololia i sekulo mo sekulo ! Amene !

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !

Uluaki tosi a Petelo 4:2

o tupu ke mauli, o leaise toe mulimuli ki oli o tagata, kae o mulimuli ki le finegalo o le Atua, i le lolotoga o le temi koi toe kiate ia ke mauli ai i le tino.

Uluaki tosi a Soane 2:17

Ti e puli le malama nei, mo ona oli foki ; kae nofo o lee gato leia e fai ia le finegalo o le Atua.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !