Uluaki tosi ki le kau Tesalonika 4:13 - Tosi Tapu

¹³ E leaise motou loto, fetaina, ke kotou nonofo i le fakapouli o uiga mo latou ala kua mamate, o tupu ke aua na kotou mamae ofaipe latou ake ala e leaise maua ia se amanaki malie.

Uluaki tosi ki le kau Tesalonika 4:13 Iomraidhean Croise

Senesi 37:35

Ti na nake loa ona vosa fuli mo ona taineliki fuli o fakapelepelei a ia, kae na leaise tali loa e ia se fakafimalie e tasi. Na pati loa a ia : E kau tagi loa ki loku vosa o kaku ki le aso leia e kau fakatasi ai loa mo loku vosa i le nofoaga o le kau mate ! Ti na tagi a ia ki lona vosa.

Lua tosi a Samuele 18:33

Koia na mamae lasi ai le sau, ti na pale loa a ia ki le kogafale i aluga o le matapa, o tagi loa. Na pati a ia i lana saele : Ei loku vosa ko Apesalone ! Ei loku vosa, ei loku vosa ko Apesalone ! Kolea na leaise kau mate ai o fetogi a koe ! Apesalone, loku vosa, loku vosa !

Uluaki tosi o Sau 1:21

Talie ka moe loa loku aliki le sau mo ona tamana, e feala loa ke tukugavelii loa au mo loku tama ko Salomone.

Uluaki tosi o Sau 2:10

Na moe loa Tavite mo ona tamana, ti na tanu loa a ia i le kolo o Tavite.

Sopo 1:21

O pati : Na kau au telefua mei le manava o loku tinana, ti e kau toe liliu telefua loa ki le manava o le kele. Na soli e le Eteleno, ti kua toe too e le Eteleno ; ke fakafetai ki le suafa o le Eteleno !

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Esekiele 37:11

Na pati mai loa a ia kiate au : Vosa o le tagata, ko ivi anei ko le fale katoa o Iselaele. Ko leinei, e lotou pati : Kua malo omatou ivi, ti kua maumaui lamatou amanaki malie, ti kua motou puli noa !

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Levitiko 19:28

Aua na kotou fai loa ni masikasika i okoutou tino o tupu ko se mate ; aua na kotou fai loa ni tatau i lokoutou kili. Ko au ko le Eteleno.

Levitiko 21:2

gato fuai mo kapau ko se tasi o lona famili totonu, ofaipe lona tinana, mo lona tamana, mo lona vosa, mo lona taine, mo lona taina totonu,

Mateo 27:52

ti na mavaa loa a tanuma, ti na toe tuuake loa a tino o ni kau sagato toka api.

Soane 11:24

Na tali loa Maleta kiate ia : E kau iloa e toe tuuake loa a ia i le toe tuuake, i le aso fakamuli.

Gaoi 13:36

Kae ko Tavite, i le oki o lana fai i lona tautupu le finegalo o le Atua, na mate loa a ia ti kua tanu a ia mo ona tamana, ti kua pala lona tino.

Gaoi 7:60

Ti na tuutuli loa a ia, o kalaga leo lasi : Aliki, aua na ke tuku kia latou le agasala leinei ! Ti i le oki o masau ana, na moe loa a ia.

Gaoi 8:2

Na tanu loa e ni tagata lotu malie a Setefano, ti na lotou tagi lasi loa ki lona mate.

Loma 1:13

Fetaina, e kau loto ke kotou iloa kua tua lasi ai laku fakatuutuu ke kau natu kia koutou, o tupu ke kau maua ni fua ia koutou ofaipe i la ake puleaga ; kae na tau taofi au o kaku mai ki le aso nei.

Uluaki tosi ki le kau Kolinto 10:1

Ei fetaina, e leaise kau loto ke kotou fakapouli na nonofo fuli otatou tamana i le malumalu o le ao, ti na lotou fakalaka fuli i le tai,

Uluaki tosi ki le kau Kolinto 12:1

Ki le nea o uiga mo nea alofa fakalaumalie, e leaise kau loto, fetaina, ke kotou nofo i le fakapouli.

Uluaki tosi ki le kau Kolinto 15:6

Ti na sa a ia ki ni fetaina e tino lelau lima tupu i le temi e tasi, ti e koi mauli nei le toka api o latou, kae kua mamate ni iki.

Lua tosi ki le kau Kolinto 1:8

Talie e leaise ma loto, fetaina, ke tuku koutou i le fakapouli o uiga mo mamae ala na soko kia maua i Asia, talie na ma taomia lasi ai, o fakalaka foki i oma makeke, koia na leaise ma amanaki e ma toe mauuli.

Efeso 2:12

kotou manatui i le temi lena, na kotou sala Kilisito, mo sala kolo i Iselaele, mo matapule ki sai o le fakapapau, mo sala amanaki malie, ti mo sala Atua i le malama nei.

Efeso 2:3

Ti ko tatou fuli foki, na tou kau ia latou, ti na tou mauli i mua o mulimuli ki oli veveli o lotatou kanofi, o fai a loto o le kanofi mo otou manatu ; ti ko ni fanau tatou o le sausau i le natula, ofaipe tagata fuli.

Uluaki tosi ki le kau Tesalonika 4:14

Talie, kapau e tou tui na mate Sesu ti na toe tuuake, ti e tou tui foki e aumai loa e le Atua o fakatasi mo Sesu latou ala na mamate iate ia.

Uluaki tosi ki le kau Tesalonika 4:15

Talie ko leinei le nea leia e motou fakasa atu kia koutou i le folafola a le Aliki : Ko tatou ala e mauli mo toe ki le au a le Aliki, e leaise tou muamua loa ia latou ala kua mamate.

Uluaki tosi ki le kau Tesalonika 5:10

leia na mate kia tatou, o tupu ke tou mauli fakatasi mo ia, pe ke tou alaala, pe ke tou momoe.

Uluaki tosi ki le kau Tesalonika 5:6

Koia aua na tou momoe ofaipe latou ake ala, kae tou alaala ti mo tou fakapotopoto.

Lua tosi a Petelo 3:4

E lotou pati loa : Kofea le fakapapau o lana toe liliu mai ? Ko leinei kua mamate foki otatou tamana, kae e tuu aifai a nea fuli ofaipe i le kamataaga o le fakatupu o le malama nei.

Lua tosi a Petelo 3:8

Kae e i ai se nea, ei alofaaga, e leaise tonu ke kotou galoi : i mua o le Aliki e tatau se aso e tasi mo ni fetuu e afe, ti e tatau fetuu e afe mo se aso e tasi.