Uluaki tosi ki le kau Tesalonika 3:6 - Tosi Tapu

⁶ Ti ko leinei, kua tau mai Timoteo meia koutou, o fakamatala mai kia matou ni logo malilie o lakotou tui ti mo lokotou alofa, ti na pati mai a ia kia matou e kotou taupau tuumau se manatu malie kia matou, ti e kotou fia tio kia matou ofaipe lomatou fia tio foki kia koutou.

Uluaki tosi ki le kau Tesalonika 3:6 Iomraidhean Croise

Taagapati 25:25

Ofaipe se vai mokomoko ki se tasi leia e fia inu, E felaaki le logo malie leia e au mei se fenua mamao.

Esaia 52:7

E lotou fulumalilie ai i mauga, A vae o leia e ave ia ni logo malilie, O leia e fakasa ia le tokamalie ! O leia e ave ia ni logo malilie, O leia e fakasa ia le fakamauli ! O leia e pati ki Sione : E sau lou Atua !

Gaoi 16:1

Na kaku loa Paulo ki kolo o Telepe mo Lisite. Ti ko leinei, na i ai se tisipulo na igoa ko Timoteo, vosa o se fafine Sutea na tui, kae na tamana a ia ki se Keleka.

Gaoi 18:1

I le oki o le nea lena, na mavae loa Paulo mei Atena o ano ki Kolinito.

Gaoi 18:5

Kae, i le kaku mai a Silasi mo Timoteo mei Masetonia, na tokaga ata loa a ia ki le folafola, o fakasa ki le kau Sutea ko Sesu ko le Kilisito.

Uluaki tosi ki le kau Kolinto 11:2

E kau fakavikiviki kia koutou, i lakotou manatui au i nea fuli, ti mo lakotou tausi aku akonaki ofaipe laku kua tuku atu latou kia koutou.

Uluaki tosi ki le kau Kolinto 13:13

I le aso nei e tuu mau a nea anei e tolu : Le tui, mo le amanaki malie, ti mo le alofa ; kae ko leia e lasi ake i nea ana, ko le alofa.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Filipe 1:8

Talie e fakamaoki le Atua kiate au e kau alofa mamae kia koutou fuli i le alofa o Sesu-Kilisito.

Kolose 1:4

talu mei lama logo ki lakoutou tui kia Sesu-Kilisito ti mo lokoutou alofa ki le kau sagato fuli,

Kolose 4:18

E kau fakaalofa atu kia koutou, a au Paulo, i loku lima totonu. Kotou manatui mai oku tini. Ke nofo ia koutou le kalasia !

Uluaki tosi ki le kau Tesalonika 1:3

o motou fakamanatu tuumau le gaoi o lakoutou tui, mo le gaoi o lokoutou alofa, ti mo le kataki fualoa o lakoutou amanaki malie ki lotatou Aliki ko Sesu-Kilisito, i mua o le Atua ko lotatou tamana.

Uluaki tosi ki le kau Tesalonika 2:17

Kia matou, fetaina, i le sili o lamatou mavae i se ga temi ikiiki meia koutou, i le tino kae leai i le loto, na motou fia tio lasi ai kia koutou.

Uluaki tosi ki le kau Tesalonika 2:9

Ke kotou manatui, fetaina, lamatou gaoi ti mo lomatou pakia : I le po mo le ao na motou gaoi o tupu ke aua na motou liliu ko se kavega ki se tasi ia koutou, i le temi leia na motou fakasa atu ai kia koutou le Evaselio o le Atua.

Uluaki tosi ki le kau Tesalonika 3:7

Koia, fetaina, i omatou fitaa mo omatou mamae, na motou fimalie loa o uiga mo lakotou tui.

Lua tosi ki le kau Tesalonika 1:3

E tonu, fetaina, ke motou fakafetai tuumau ki le Atua o tupu ko koutou, ti e totonu le nea lena, talie e saele lasi ki mua lakotou tui, ti e tuputupua lokoutou fealofani fakatautaina.

Uluaki tosi kia Timoteo 1:5

Ko le uiga o le fakatotonu lena, ko se alofa leia e au mei se loto mea, mo se fakakaukau malie, ti mo se tui maoki.

Lua tosi kia Timoteo 1:3

E kau fakafetai ki le Atua, leia na tausi e oku tamana i mua, leia e kau tausi i se atamai mea, e kau manatui tuumau a koe i aku faikole i le po mo le ao ;

Filemo 1:5

talie kua kau logo ki le tui leia e ke maua ki le Aliki ko Sesu, ti mo lou alofa ki le kau sagato fuli.

Epelo 13:3

Kotou manatui le kau pilisoni, o sakinake e kotou pilisoni foki ; kotou manatui latou ala e fakavelivelii o sakinake e kotou tino tasi mo latou.

Epelo 13:7

Kotou manatui okoutou kau takitaki ala na fakasa ia atu kia koutou le folafola a le Atua ; kotou tio ki le fakaoki o lolatou mauli, ti kotou faifaitaki lalatou tui.

Uluaki tosi a Soane 3:23

Ti ko leinei lana fakatotonu : Ke tou tui ki le suafa o lona Alo ko Sesu-Kilisito, ti ke tou fealofaaki ia tatou, o mulimuli ki lana fakatotonu kia tatou.