Uluaki tosi ki le kau Tesalonika 3:13 - Tosi Tapu

¹³ ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Uluaki tosi ki le kau Tesalonika 3:13 Iomraidhean Croise

Sakalia 14:5

E kotou sosola loa i le vaivailiua o oku mauga, Talie e ano loa le vaivailiua o mauga o kaku ki Ateseli ; E kotou sosola loa ofaipe lakoutou sosola i mua o le mafuike, I le temi o Osiasi, sau o Suta. Ti e au loa le Eteleno, loku Atua, mo ana kau sagato fuli.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Maleko 8:38

Talie ko leia e luma loa kiate au mo aku folafola i loto malie o le tautupu fai feauaki mo agasala leinei, e luma loa le Vosa o le tagata kiate ia, mo ka au loa a ia i le kololia o lona Tamana, mo le kau aselo maokioki.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Loma 14:4

Ko ai a koe, ke ke fakamaaui ia le tagata fakasausau a se tasi kese ? Kapau e tuu a ia i aluga, pe siga a ia ki lalo, a le pule fai le nea lena. Kae e tuu loa a ia i aluga, talie e maua e le Aliki le makeke ke fakatuu ake ai a ia.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Uluaki tosi ki le kau Kolinto 15:23

kae e tasi nofo loa i lona tuuaga : ko le uluaki fua ko Kilisito, ti oki ko latou ala e kau ia Kilisito i lana toe liliu mai.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Efeso 5:27

talie ke fakatuu i ona mua le Ekelesia lena i lona kololia, sala ila, sala mafetufetu, sala maimoa, kae maokioki mo lee mele.

Tetelonome 33:2

Na pati a ia : Na au le Eteleno mei le mauga o Sinai. Na malaga ake a ia ki aluga o latou mei Seili, Na gigila a ia mei le mauga o Palani, Ti na au a ia mo le kau miliate maokioki, Ti na too e ia i lona lima atamai le afi o le lao.

Filipe 1:10

talie ke kotou iloa a nea ala e malilie tukupau, o tupu ke kotou mea mo lee mele ki le aso o Kilisito,

Kolose 1:22

o tupu ke fakatuu e ia koutou i ona mua kua maokioki, mo lee mele, ti mo sala valoki,

Uluaki tosi ki le kau Tesalonika 2:19

Talie kolea lamatou amanaki malie, mo lomatou fiafia, ti mo lomatou pala o le kololia ? Pe leaise ko koutou foki i mua o lotatou Aliki ko Sesu, i le aso o lona toe liliu mai ?

Uluaki tosi ki le kau Tesalonika 3:11

Io, ko le Atua totonu lotatou Tamana ti mo lotatou Aliki ko Sesu, ke fakatokatoka ia lomatou ala ke motou natu ai kia koutou !

Uluaki tosi ki le kau Tesalonika 3:2

kae motou kakau atu kia koutou Timoteo, lomatou taina, tagata gaoi a le Atua ki le Evaselio a Kilisito, ke natu o fakamakeke koutou mo fakafimalie koutou i lakotou tui,

Uluaki tosi ki le kau Tesalonika 4:15

Talie ko leinei le nea leia e motou fakasa atu kia koutou i le folafola a le Aliki : Ko tatou ala e mauli mo toe ki le au a le Aliki, e leaise tou muamua loa ia latou ala kua mamate.

Uluaki tosi ki le kau Tesalonika 4:17

Ti oki ko tatou ala na mauli mo toe, e too loa tatou fuli o fakatasi mo latou i se ao, ke fakafetaulaki ki le Aliki i le aele, ti ke tou nonofo loa mo le Aliki, o lee gato.

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Lua tosi ki le kau Tesalonika 1:10

mo ka au loa a ia i le aso a ia ke fakakololiai a ia i lana kau sagato, ti ke tio kiate ia latou fuli ala na tui kiate ia ; talie kua kotou tui ki lamatou fakamaoki ia koutou.

Lua tosi ki le kau Tesalonika 1:7

kae ke soli atu kia koutou, ala e mamae nei, le malolo mo matou, mo ka sa mai loa le Aliki ko Sesu mei le lagi mo le kau aselo o lona mafimafi,

Lua tosi ki le kau Tesalonika 2:1

O uiga mo le toe liliu mai o lotatou Aliki ko Sesu-Kilisito ti mo latatou fakatasi mo ia, e motou kole atu, fetaina,

Sakopo 5:8

Ko koutou foki, ke kotou kataki fualoa, kotou fakamakeke okoutou loto, talie kua vave fua le saele mai a le Aliki.

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Suta 1:14

Ko latou foki ana na folafola fakakikite ki ai Enoke, ko le fitu o le kau pateliaka meia Atama, o pati : Ko leinei, kua au le Aliki mo ana kau miliate maokioki,

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,