Uluaki tosi ki le kau Tesalonika 3:11 - Tosi Tapu

¹¹ Io, ko le Atua totonu lotatou Tamana ti mo lotatou Aliki ko Sesu, ke fakatokatoka ia lomatou ala ke motou natu ai kia koutou !

Uluaki tosi ki le kau Tesalonika 3:11 Iomraidhean Croise

Esaia 63:16

Kae ko koe maoki ko lomatou tamana, Talie e leaise iloa matou e Apalaamo, Ti e leaise tokaga Iselaele kia matou ; Ko koe toka tasi, Eteleno, leia ko lomatou tamana, Leia, talu mei le lee gato, e igoa ko lomatou fakamauli.

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Mateo 6:14

Kapau e kotou fakamolemole ki tagata alatou agasala, e toe fakamolemole loa e lokoutou Tamana i Selo kia koutou foki ;

Mateo 6:18

ke aua na sa ki tagata e ke sesunio, kae ke sa ki lou Tamana leia e nofo i lena i le ganea fakapulipuli ; ti ko lou Tamana, leia e tio i le ganea fakapulipuli, e liufaki ia atu loa a ia kiate koe.

Mateo 6:26

Kotou tio ki manu lele o le lagi : E leaise lotou to magiti pe lotou utu, ti e leaise lotou tanaki fua se nea i ni fale tanaki magiti ; kae e fagai latou e lokoutou Tamana i Selo. Pe leaise kotou mauiga lasi ake ia latou ?

Mateo 6:32

Talie ko nea fuli ana e afa e le kau pagani, kae e iloa e lokoutou Tamana i Selo e lotou aoga kia koutou.

Mateo 6:4

o tupu ke fai fakafufu lou nea alofa ; ti e toe liufaki atu loa a ia kiate koe e lou Tamana leia e tio i le ganea fakapulipuli.

Mateo 6:6

Kae ka ke faikole, ulu ki lou kogafale, tapono lou matapa, ti ke faikole ki lou Tamana leia e nofo i ai i le ganea fakapulipuli ; ti ko lou Tamana, leia e tio i le ganea fakapulipuli, e toe liufaki ia atu loa a ia kiate koe.

Maleko 1:3

Ko le leo o leia e kalaga i le toafa : Kotou teuteu le ala o le Aliki, Kotou fakatokatoka ona ala liliki,

Luka 12:30

Talie e afa a nea fuli ana e le kau pagani o le malama nei. E iloa e lokoutou Tamana e aoga a nea fuli ana kia koutou.

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Loma 1:3

Evaselio leia e masau ki lona Alo, leia na au mei le sakoga o Tavite, i le kanofi,

Lua tosi ki le kau Kolinto 6:18

E kau fai loa kia koutou pe se Tamana, Ti e kotou fai loa kiate au pe ni vosa mo ni taineliki, Efolafola le Aliki mafimafi.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Kolose 1:2

ki le kau maokioki mo fetaina agatonu ia Sesu-Kilisito ala e nonofo i Kolose : Ko le kalasia mo le tokamalie ke soli atu kia koutou e le Atua ko lotatou Tamana !

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Uluaki tosi ki le kau Tesalonika 4:16

Talie e ifo loa le Aliki totonu mei le lagi, i se kalaga fakalagiaki, i le leo o se alekaselo, ti mo le tagi o le fakatagi pupusi a le Atua : ti ko le kau mate ia Kilisito e toe tuuake loa i mua.

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Lua tosi ki le kau Tesalonika 3:16

Ke alofa le Aliki o le tokamalie o soli totonu kia koutou le tokamalie i temi fuli, i nea fuli ! Ke nofo le Aliki mo koutou fuli !

Lua tosi ki le kau Tesalonika 3:5

Ke takitaki e le Aliki okoutou loto ki le alofa o le Atua ti mo le kataki fualoa o Kilisito !

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.

Apokalipisi 21:3

Ti na kau logo loa mei le ekeekeaga fakasau ki se leo makeke leia na pati : Ko leinei le tapenakulo o le Atua mo tagata ! E nofo loa a ia mo latou, ti e lotou liliu loa ko lona kakai, ti e nofo loa le Atua totonu mo latou.