Uluaki tosi ki le kau Tesalonika 2:6 - Tosi Tapu

⁶ Na leaise motou afa le kololia leia e au mei tagata, pe meia koutou, pe mei ni iki ake ; i lomatou uiga ko apositolo a Kilisito na feala ke motou pulei fakamakeke koutou,

Uluaki tosi ki le kau Tesalonika 2:6 Iomraidhean Croise

Esitele 1:4

Na fakasa loa e ia i ni aso mauke ai le lasi o koloa o lona puleaga ti mo le fulumalie o lona kololia, i aso e kau lelau kau valu.

Esitele 5:11

Na masau loa Amane kia latou ki le lasi mo le fulumalie o ona koloa, mo le lasi o ona vosa, mo nea fuli ala na fai e le sau ke fakaalialiki ai a ia, mo le tuulaga leia na soli ake e le sau kiate ia i aluga o le kau pule mo le kau tagata fakasausau a le sau.

Taagapati 25:27

E leaise malie le kai lasi o le meli, Ti mo le afa lasi o le kololia.

Taniela 4:30

ti na masau loa le sau, o pati : Pe leaise ko Papilone leinei, le kolo lasi leia na kau laga ko se nofoaga fakasau, ke fakasa ai le lasi o loku makeke, mo le kololia o laku pule.

Soane 12:43

Talie na lasi ake lalatou fia fai ki le kololia o le tagata i le kololia o le Atua.

Soane 5:41

E leaise kau tali loku kololia mei tagata.

Soane 5:44

E feaki le mafai ke kotou tui, koutou ala e afa ia lokoutou kololia ia koutou, kae e leaise kotou afa le kololia leia e au mei le Atua toka tasi ?

Soane 7:18

Ko leia e masau iate ia totonu, e afa ia lona kololia toka tasi ; kae ko leia e afa ia le kololia o leia na kakau ia a ia e maoki a ia, ti e leaise se nea fua iate ia e sala.

Uluaki tosi ki le kau Kolinto 11:9

ti na leaise fakatupu le tagata o tupu ko le fafine, kae na fakatupu le fafine o tupu ko le tagata.

Lua tosi ki le kau Kolinto 13:10

Koia e kau tosi atu ai a nea ana kae kau puli ia koutou, o tupu ke aua na kau fakaaoga ia loa le makeke, mo ka kau nofo loa mo koutou, o mulimuli ki le pule leia kua soli mai e le Aliki ki le lagai kae leai ki le maumaui.

Lua tosi ki le kau Kolinto 4:5

E leaise ma akonaki kia maua totonu ; ko le Aliki ko Sesu-Kilisito leia e ma akonaki ki ai, ti e ma pati ko akoutou tagata fakasausau maua o tupu ko Sesu.

Kalate 1:10

Ti ko leinei, pe ko le alofa o tagata leia e kau oli ki ai, pe ko leia o le Atua ? Pe kau afa ke kau mata malie ki tagata ? Kapau koi kau mata malie ki tagata, ti e leaise ko le tagata fakasausau loa au a Kilisito.

Kalate 5:26

Aua na tou afa se kololia vaiga, o tou felotoveliaki mo tou fefinenonofoaki.

Kalate 6:13

Talie e leaise fai e le kau lee silikosisio totonu le lao ; kae e lotou loto ke silikosisio koutou, o tupu ke lotou fakakololia i lokoutou tino.

Uluaki tosi ki le kau Tesalonika 2:9

Ke kotou manatui, fetaina, lamatou gaoi ti mo lomatou pakia : I le po mo le ao na motou gaoi o tupu ke aua na motou liliu ko se kavega ki se tasi ia koutou, i le temi leia na motou fakasa atu ai kia koutou le Evaselio o le Atua.

Uluaki tosi kia Timoteo 5:17

Ko kau fakamatuatua ala e taki malie, ke tuku kia latou se fakaapaapa lasi, kae tafito latou ala e gaoi ki le folafola mo le akonaki.