Uluaki tosi ki le kau Tesalonika 2:5 - Tosi Tapu

⁵ Talie e kotou iloa na leaise motou fai fua i se aso ni masau fakalaupisi ; ti e iloa e le Aliki na leaise taki matou e le manumanu ; e fakamaoki ki ai le Atua.

Uluaki tosi ki le kau Tesalonika 2:5 Iomraidhean Croise

Sopo 16:19

Ko leinei foki, e nofo loku tagata fakamaoki i le lagi, E nofo loku tagata fakamaoki i ganea taualuga.

Sopo 17:5

E lotou faipe le tagata o le taagapati ; E fakaafe e ia ona kaukaunea ke vaevae mo ia lana nea kai, Kae tiaki e ia ana fanau totonu ke mamate.

Taagapati 20:19

Ko leia e fakamafola ia ni lauveli e fakasa ia a nea fakapulipuli ; Aua na ke kau mo leia e fakamavaa ia ona laugutu.

Taagapati 26:28

E vesia le alelo loi kia latou ala na lavea iate ia, Ti e teuteu e le gutu fakalapulapu le malaia.

Taagapati 28:23

Ko leia e valoki ia se tagata e maua ia se alofa o lasi ake I leia e masau fakalapulapu.

Esaia 30:10

Ala e pati ki le kau faikikite : Aua na kotou tio ! Ti ki le kau polofeta : Aua na kotou fakasa mai kia matou ni maoki, Kae koutou fakasa mai kia matou ni nea logologo malie, Kotou kikite ni nea noa !

Esaia 56:11

Ti ko ni kuli uakai latou ala e leaise toe makokona ; Ko ni tagata tausi manu latou ala e leaise matala ki se nea ; E lotou tasi mulimuli fuli i lona ala, O tasi fai le nea e malie kiate ia, o kaku ki le mulimuli :

Selemia 6:13

Talie mei leia e ikiiki o kaku ki leia e lasi, E lotou manumanu fuli ki le paaga ; Mei le polofeta o kaku ki le tagata faisakilifisio, e lotou fai kaka fuli.

Selemia 8:10

Koia e kau soli ai loa alatou avaga ki ni tagata kese, Ti mo alatou faisaga kia latou ala e fakamativa ia loa latou. Talie mei leia e ikiiki oki o kaku ki leia e mauiga, E lotou manumanu nea fuli ; Mei le polofeta o kaku ki le tagata faisakilifisio, E lotou fai nea fuli i le kaka.

Mikea 3:5

Koia e folafola ai le Eteleno ki le kau polofeta ala e fakasese ia loku kakai, Ala e fakasa ia le tokamalie mo kapau e maua e olatou nifo se nea ke uuti, Ala e fakasa ia le tau mo kapau e leaise soli ake se nea ki olatou gutu :

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Gaoi 20:33

Ti na leaise kau manumanu ki se paaga, pe ki se aulo, pe ki ni kofu o se tasi.

Loma 1:9

Ko le Atua, leia e kau fakasausau ki ai i loku laumalie, o fakasa le Evaselio o lona Alo, e fakamaoki kiate au e kau manatui tuumau koutou i aku faikole ;

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Loma 9:1

E kau fakasa le maoki ia Kilisito, e leaise kau loi fua, e fakamaoki mai loku loto kiate au i le Laumalie Maokioki :

Lua tosi ki le kau Kolinto 12:17

Pe na kau maua ia se nea meia koutou i se tasi o latou ala na kau kakau atu kia koutou ?

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Lua tosi ki le kau Kolinto 7:2

Kotou tuku mai kia maua se nofoaga i okoutou loto ! Na leaise ma sala ki se tasi, na leaise ma fakamativa se tasi, na leaise ma fakagaoi se tasi kia maua.

Kalate 1:20

I le nea leinei e kau tosi atu kia koutou, ko leinei, i mua o le Atua, e leaise kau loi fua.

Uluaki tosi ki le kau Tesalonika 2:10

E kotou fakamaoki, ti e fakamaoki foki le Atua, na motou mauli maokioki, mo faitotonu, ti mo lee mele i mua o koutou ala kua tui.

Uluaki tosi kia Timoteo 3:3

E tonu ke aua na inu kava a ia, pe agamakeke, kae ke agamalu, mo fakatokatoka, ti ke aua na manumanu paaga.

Uluaki tosi kia Timoteo 3:8

Ko tiakono, e tonu foki ke lotou agatonu, o mamao mei le malualoi, mei le fakavalevale ki le kava, mei le manumanu ki koloa kelekele,

Tito 1:7

Talie e tonu ke lee sala le epikopo, ofaipe se tagata taupau koloa a le Atua ; ke aua na fia nealasi a ia, mo itaita, mo inu kava, mo agamakeke, mo manumanu ki koloa fakalumaluma,

Uluaki tosi a Petelo 5:2

Kotou fagai le kau ovi a le Atua leia kua tuku atu ke kotou tausi, o leai i le fakatotoso, kae i le loto malie, o mulimuli ki le finegalo o le Atua ; o leai i le oli ke maua se paaga, kae i le mafi o le alofa ;

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.

Suta 1:11

Malaia kia latou ! Talie kua lotou muli i le ala o Kaino, ti kua lotou fakatau latou o tupu ko se totogi ki le sese o Palaame, ti kua lotou mamate i le agatuu a Kole.