Uluaki tosi ki le kau Tesalonika 2:4 - Tosi Tapu

⁴ kae na malie ki le Atua ke tuku mai kia matou le Evaselio, koia e motou masau ai, o leaise ke fakamatamalie ki ni tagata, kae ke fakamatamalie ki le Atua leia e asiasii ia omatou loto.

Uluaki tosi ki le kau Tesalonika 2:4 Iomraidhean Croise

Uluaki tosi o Sau 8:39

ke ke tali a ia mei le atu lagi, mei le ganea o lou nofoaga, ti ke ke fakamolemole ; ke ke gaoi, ti ke ke totogi ki le tagata taki toka tasi o mulimuli ki ona ala, a koe leia e iloa ia a loto o fanau fuli o tagata,

Lua tosi o Sau 16:16

Na mulimuli katoa loa le tagata faisakilifisio ko Uli ki le nea leia na fakatotonu e le sau ko Akase.

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Pesalemo 139:23

Ke ke tilo au, ei Atua, ti ke ke iloa loku loto ! Ke ke asiasii au, ti ke ke iloa aku manatu !

Pesalemo 17:3

Kapau e ke tilo loku loto, kapau e ke asiasi ki ai i le pouli, Kapau e ke asiasii au, e leaise ke maua loa se nea : E leaise kese laku manatu i le nea leia e vilo mei loku gutu.

Pesalemo 44:21

Kapau na motou galoi le suafa o lomatou Atua, Ti na motou siki omatou lima ki se atua kese,

Pesalemo 7:9

E fakamaau e le Eteleno a atu puleaga : Fakamaau au, Eteleno, o mulimuli ki le faitotonu, O mulimuli ki loku maokioki mo loku mea !

Taagapati 17:3

E asiasii le aulo mo le siliva i le kulo saka ukamea, Kae ko leia e asiasii ia a loto, ko le Eteleno.

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Selemia 32:19

E ke lasi i au fakatuutuu ti e ke mafimafi i gaoi. E tio ou mata ki ala fuli o fanau a tagata, Ke totogi ki le tagata taki tasi o mulimuli ki ona ala, O mulimuli ki le fua o ana gaoi.

Numelo 27:16

Ke alofa le Eteleno, ko le Atua o laumalie o nea fuli ala kua fakatupu, o fakanofo se tagata i le ulu o le kakai,

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 16:11

Kapau loa e leaise kotou agatonu i koloa fakamalama, ko ai e tuku ia loa kia koutou a koloa maoki ?

Soane 21:17

Na toe pati loa Sesu kiate ia, ko lona tua tolu a ia : Simone, vosa o Sonasi, pe ke alofa kiate au ? Ti na mamae ai Petelo i lana vesili tua tolu kiate ia : Pe ke alofa kiate au ? Ti na tali loa Simone Petelo kia Sesu : Aliki, e ke iloa a nea fuli, e kau alofa kiate koe. Na pati loa Sesu kiate ia : Fagai aku ovi fafine.

Loma 8:27

Ti ko le Atua leia e tio ki loto, e iloa ia le manatu a le Laumalie, talie e ulufaki e ia le kau sagato o mulimuli ki le finegalo o Atua.

Uluaki tosi ki le kau Kolinto 7:25

O uiga mo latou ala e taupoou, e leaise kau maua ni fakatotonu mei le Aliki, kae e kau tuku atu laku manatu, ofaipe se tagata leia kua tali ia mei le Aliki le kalasia ke agatonu.

Uluaki tosi ki le kau Kolinto 9:17

Kapau e kau fai a ia i le loto malie, e kau maua loku totogi ; kae kapau e kau fai a ia logo ai ko au, ko se kavega a ia kua tuku mai kiate au.

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Lua tosi ki le kau Kolinto 5:11

I lama iloa le sausau o le Aliki, e ma faiga ke fakalotoi a tagata ; e iloa maua e le Atua, ti e kau amanaki e kotou iloa foki maua i okoutou loto.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Kalate 1:10

Ti ko leinei, pe ko le alofa o tagata leia e kau oli ki ai, pe ko leia o le Atua ? Pe kau afa ke kau mata malie ki tagata ? Kapau koi kau mata malie ki tagata, ti e leaise ko le tagata fakasausau loa au a Kilisito.

Kalate 2:7

Kae, i lalatou tio kua tuku mai kiate au le Evaselio ki le kau lee silikosisio, ofaipe le tuku kia Petelo o leia ki le kau silikosisio -

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Efeso 6:6

o leaise gato fua i olatou mua, o sakinake ke mata malie ki tagata, kae ofaipe ni tagata fakasausau a Kilisito, ala e fai ia i le loto katoa le finegalo o le Atua.

Kolose 3:22

Tagata fakasausau, kotou fakalogo i nea fuli ki okoutou pule i le kanofi, o leaise gato fua i olatou mua, o sakinake ke fakamatamalie ki tagata, kae i le loto faigaofie, o i ki le Aliki.

Uluaki tosi kia Timoteo 6:20

Ei Timoteo, taupau le koloa lena, o sola mei masau noa mo fakamalama, ti mo fefele o le poto loi,

Lua tosi kia Timoteo 1:14

Taupau le koloa malie, i le Laumalie Maokioki leia e nofo ia tatou.

Lua tosi kia Timoteo 2:2

Ti ko le nea leia na ke logo meiate au i mua o ni kau fakamaoki toka api, tuku a ia ki ni kau tagata agatonu, ala e mafai ia lona toe ako foki ki ni iki ake.

Tito 1:3

ti kua fakasa ia lana folafola i lona temi i le akonaki leia kua tuku mai kiate au o mulimuli ki le fakatotonu a le Atua ko lotatou Fakamauli,

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.