Uluaki tosi ki le kau Tesalonika 2:19 - Tosi Tapu

¹⁹ Talie kolea lamatou amanaki malie, mo lomatou fiafia, ti mo lomatou pala o le kololia ? Pe leaise ko koutou foki i mua o lotatou Aliki ko Sesu, i le aso o lona toe liliu mai ?

Uluaki tosi ki le kau Tesalonika 2:19 Iomraidhean Croise

Taagapati 12:4

Ko se fafine agamalie ko le pala a ia o lona avaga, kae ko leia e fakalumaluma e tatau a ia mo le popo o ona ivi.

Taagapati 16:13

E fiafia le sau i laugutu faitotonu, Ti e alofa a ia ki leia e masau i le maoki.

Taagapati 17:6

Ko fanau o fanau ko le pala o le kau matua, Ti ko tamana ko le kololia o olatou fanau.

Taagapati 4:9

E teki loa e ia ki lou ulu se puloga o le kalasia, E teu loa e ia a koe ki se pala fakasau fulumalie.

Esaia 62:3

E ke liliu loa ko se pala gigila i le lima o le Eteleno, Ko se pale fakasau i le lima o lou Atua.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Maleko 8:38

Talie ko leia e luma loa kiate au mo aku folafola i loto malie o le tautupu fai feauaki mo agasala leinei, e luma loa le Vosa o le tagata kiate ia, mo ka au loa a ia i le kololia o lona Tamana, mo le kau aselo maokioki.

Soane 21:22

Na pati loa Sesu kiate ia : Kapau e kau loto ke mauli a ia o kaku ki laku toe liliu mai, kolea lona mauiga kiate koe ? Ko koe, muli mai iate au.

Uluaki tosi ki le kau Kolinto 15:23

kae e tasi nofo loa i lona tuuaga : ko le uluaki fua ko Kilisito, ti oki ko latou ala e kau ia Kilisito i lana toe liliu mai.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 1:14

I le aso nei kua kotou kamata iloa ko lokoutou kololia ko maua, kae e kotou liliu loa ko loma kololia i le aso o le Aliki Sesu.

Filipe 2:16

o amo le folafola o le mauli ; ti e mafai loa ke kau fiafia i le aso o Kilisito, na leaise kau makape noa ti na leaise kau gaoi noa.

Filipe 4:1

Koia, ei oku fetaina alofaina, koutou ala ko loku fiafia mo loku palaa, ke kotou tuu mau i le Aliki, ei oku alofaaga !

Uluaki tosi ki le kau Tesalonika 2:20

Io, ko lomatou kololia mo lomatou fiafia ko koutou.

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Uluaki tosi ki le kau Tesalonika 4:15

Talie ko leinei le nea leia e motou fakasa atu kia koutou i le folafola a le Aliki : Ko tatou ala e mauli mo toe ki le au a le Aliki, e leaise tou muamua loa ia latou ala kua mamate.

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Lua tosi ki le kau Tesalonika 1:4

Koia e motou fakakololia ai o tupu ko koutou i Ekelesia o le Atua, i lokoutou kataki fualoa ti mo lakoutou tui i loto malie o fakaveliveli ti mo mamae ala e tonu ke kotou tali.

Lua tosi ki le kau Tesalonika 1:7

kae ke soli atu kia koutou, ala e mamae nei, le malolo mo matou, mo ka sa mai loa le Aliki ko Sesu mei le lagi mo le kau aselo o lona mafimafi,

Lua tosi ki le kau Tesalonika 2:1

O uiga mo le toe liliu mai o lotatou Aliki ko Sesu-Kilisito ti mo latatou fakatasi mo ia, e motou kole atu, fetaina,

Tito 2:13

o talitali ki le amanaki malie manuia, ti mo le fakasa o le kololia o lotatou Atua lasi ti mo lotatou Fakamauli ko Sesu-Kilisito.

Sakopo 5:7

Koia, fetaina, ke kotou kataki fualoa, o kaku ki le toe liliu mai a le Aliki. Kotou tio ki le talitali a le tagata gaoi kele ki le fua mauiga o le kele : e talitali a ia o kaku ki le to o ua o le temi mamate ti mo ua o le temi tutupu.

Sakopo 5:8

Ko koutou foki, ke kotou kataki fualoa, kotou fakamakeke okoutou loto, talie kua vave fua le saele mai a le Aliki.

Uluaki tosi a Petelo 5:4

Ti ka sa mai loa le Tagata tausi ovi lasi, e kotou maua loa le pala lee popo o le kololia.

Lua tosi a Petelo 1:16

Talie na leaise motou fakasa atu kia koutou le mafimafi mo le toe liliu mai o lotatou Aliki ko Sesu-Kilisito, o mulimuli ki ni talatuku ala na motou fau fakapoto, kae o tupu kua motou tio maoki ki lona kololia ki omatou mata totonu.

Lua tosi a Petelo 3:4

E lotou pati loa : Kofea le fakapapau o lana toe liliu mai ? Ko leinei kua mamate foki otatou tamana, kae e tuu aifai a nea fuli ofaipe i le kamataaga o le fakatupu o le malama nei.

Uluaki tosi a Soane 2:28

Ti ko leinei, fanau liliki, kotou nonofo mau iate ia, o tupu ke tou loto makeke mo ka sa mai loa a ia, ti ke aua na tou luma loa i ona mua mo ka tiaki loa tatou ki mamao i lana toe liliu mai.

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,

Apokalipisi 1:7

Ko leinei, e au a ia mo ni ao. Ti e tio loa kiate ia a mata fuli, ti mo latou foki ala na sokai ia a ia ; ti e tagi mamae loa a faasiga fuli o le malama nei o tupu ko ia. Io. Amene !

Apokalipisi 22:12

Ko leinei, e kau au vave ; ti e kau aumai loa mo au aku fakapale, ti e kau tufa loa latou ki le tagata taki toka tasi o mulimuli ki lana gaoi.