Uluaki tosi ki le kau Tesalonika 2:14 - Tosi Tapu

¹⁴ Talie ko koutou, fetaina, kua kotou liliu ko le kau faifaitaki ki Ekelesia o le Atua i Sutea ala ia Sesu-Kilisito, talie ko koutou foki, kua kotou mamae mei lokoutou kakai totonu, ofaipe latou mei le kau Sutea,

Uluaki tosi ki le kau Tesalonika 2:14 Iomraidhean Croise

Gaoi 11:19

Ko latou ala na mavetevete o tupu ko le fakaveliveli leia na soko ia Setefano, na ano loa o kaku ki Fenisia, mo le motu ko Sipele, ti mo Atiokia, o fakasa le folafola ki le kau Sutea tefua.

Gaoi 13:50

Kae na fakavelii loa e le kau Sutea a fafine aliki ala na lotu sutea, mo tagata mauiga o le kolo. Ti na lotou lagai loa se fakaveliveli kia Paulo mo Palenapa, ti na lotou kapu loa laua i lolatou fenua.

Gaoi 14:19

Ti na kaku mai loa mei Atiokia mo Ikone ni kau Sutea, ala na fakalotoveli ia loa le kakai ; ti i le oki o lalatou tuki fatui Paulo, na lotou toso loa a ia ki le tua kolo, talie na lotou tuku kua mate a ia.

Gaoi 14:2

Kae ko le kau Sutea lee tui na fakavelii ia loa le kau pagani ke lotou loto veli ki fetaina.

Gaoi 14:4

Na vae lua loa le kakai o le kolo : na kau a iki mo le kau Sutea ti na kau a la ake mo le kau apositolo.

Gaoi 14:5

I le temi leia na teuteu ai le kau pagani mo le kau Sutea, o fakatasi mo olatou pule, ke fakavelivelii mo tuki fatui laua,

Gaoi 17:13

Kae i le logo loa a le kau Sutea o Tesalonika kua fakasa foki e Paulo le folafola a le Atua i Pelea, na lotou au loa ki ai, o fakamaveuveui le kakai.

Gaoi 18:12

Kae i le pule a le kovana Loma ko Kalione i Akaia, na fakatasi loa le kau Sutea, o lotou too Paulo, ti na lotou taki loa a ia ki mua o le telepinale,

Gaoi 8:1

Na loto malie Saulo ki le tamate o Setefano. Na i ai loa, i le aso lena, se fakaveliveli lasi ki le Ekelesia o Selusalemi ; ti na mavetevete loa le kakai katoa i le fenua o Sutea mo Samalia, kae nofo fai le kau apositolo.

Gaoi 8:3

Kae na maumaui e Saulo le Ekelesia ; na ulu a ia ki fale fuli, o toso a tagata mo fafine, o fakaulu ki le fale pilisoni.

Gaoi 9:1

Kae ko Saulo, leia koi oli aifai ki le fakaii ti mo le tukipooi o le kau tisipulo a le Aliki, na ano loa ki le fale o le pule faisakilifisio,

Gaoi 9:13

Aliki, na kau logo mei se toka api ki le veli lasi kua fai e le tagata lena ki lau kau sagato i Selusalemi ;

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Uluaki tosi ki le kau Kolinto 10:32

Aua na kotou liliu ko se fatu sigaaga ki le kau Keleka, pe ki le kau Sutea, pe ki le Ekelesia o le Atua,

Uluaki tosi ki le kau Kolinto 7:17

Ko leia fua, fetaina, ke tasi saele le tagata o mulimuli ki le vaega leia kua tuku e le Aliki kiate ia, ti mo le kalaga leia kua tali e ia mei le Atua. Ko lena le nea leia e kau fakatotonu ki Ekelesia fuli.

Kalate 1:22

I le temi lena, na leikiaise iloa oku mata e Ekelesia o Sutea ia Kilisito ;

Uluaki tosi ki le kau Tesalonika 1:1

Ko Paulo, mo Silivano, mo Timoteo, ki le Ekelesia o le kau Tesalonika, leia e nofo i le Atua ko le Tamana ti mo Sesu-Kilisito ko le Aliki : ke soli atu kia koutou le kalasia mo le tokamalie !

Uluaki tosi ki le kau Tesalonika 1:6

Ti ko koutou totonu, na kotou faifaitaki mai kiate au, ti mo le Aliki, o kotou tali le folafola i ni mamae lasi ai, mo le fiafia o le Laumalie Maokioki,

Uluaki tosi ki le kau Tesalonika 3:4

Ti i le temi leia na motou nonofo ai mo koutou, na motou fakasa fakatomua atu kia koutou e tou tali loa ni mamae, ofaipe le nea leia kua soko ti kua kotou iloa.

Lua tosi ki le kau Tesalonika 1:1

Ko Paulo, mo Silivano, ti mo Timoteo, ki le Ekelesia o le kau Tesalonika, leia nonofo i le Atua ko lotatou Tamana ti mo Sesu-Kilisito ko le Aliki :

Lua tosi ki le kau Tesalonika 1:4

Koia e motou fakakololia ai o tupu ko koutou i Ekelesia o le Atua, i lokoutou kataki fualoa ti mo lakoutou tui i loto malie o fakaveliveli ti mo mamae ala e tonu ke kotou tali.