Uluaki tosi ki le kau Tesalonika 2:13 - Tosi Tapu

¹³ Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Uluaki tosi ki le kau Tesalonika 2:13 Iomraidhean Croise

Selemia 44:16

E leaise motou fakalogo loa ki se nea i nea ala kua ke fakasa mai kia matou i le suafa o le Eteleno.

Akeseo 1:12

Ko Solopapele, vosa o Saletiele, mo Sosue vosa o Sotesatake, le tagata faisakilifisio lasi, ti mo le toega fuli o le kakai, na logo loa ki le leo o le Eteleno, lolatou Atua, ti mo folafola a Akeseo, le polofeta, o mulimuli ki le kauga leia kua tuku kiate ia e le Eteleno, lolatou Atua. Ti na maua loa e le kakai se i ki le Eteleno.

Mateo 10:20

talie e leaise ko koutou ala e masau loa, kae ko le Laumalie Maokioki o lokoutou Tamana leia e masau loa ia koutou.

Mateo 10:40

Ko leia e tali ia koutou e tali ia au, ti ko leia e tali ia au, e tali ia loa leia na kakau ia mai au.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Luka 5:1

I le tuu a Sesu i le mata tai o Senesaleti, ti na fakatasi ake loa le kakai kiate ia ke fakalogo ki le folafola a le Atua.

Luka 8:11

Ko leinei le uiga o le folafola fakatata lena : Ko le fakaili, ko le folafola a le Atua.

Luka 8:21

Kae na tali loa a ia : Ko loku tinana mo oku fetaina, ko latou ala e fakalogo ki le folafola a le Atua ti mo fai a ia.

Soane 15:3

Kua kotou mea foki, o tupu ko le folafola leia kua kau fakasa atu kia koutou.

Soane 17:17

Fakatapui latou ki le maoki, ko lau folafola ko le maoki.

Soane 17:19

Ti e kau fakatapui a au totonu o tupu ko latou, o tupu ke lotou fakatapui latou totonu kiate koe.

Gaoi 10:33

Ti na kau kakau atu aifai se tasi kiate koe, ti ko se nea malie ai lau au. Koia i le temi nei, kua motou nofo fuli i leinei i mua o le Atua, ke fakalogo ki nea fuli ala kua fakatotonu atu e le Aliki kiate koe ke fakasa mai kia matou.

Gaoi 13:48

Na fiafia ai le kau pagani i lalatou logo ki le nea lena, ti na lotou fakakololia ki le folafola a le Aliki, ti na tui loa latou fuli ala na fakatuutuu ki le mauli lee gato.

Gaoi 16:14

Ko se tasi o latou, na igoa ko Litia, fafine fakatau kie kula mauiga mei le kolo ko Tiatile, na fakalogo. Ti na fakamavaa loa e le Aliki lona loto, o tupu ke tokaga a ia ki le nea leia na masau ki ai Paulo.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.

Gaoi 17:32

I lalatou logo ki le masau ki le toe tuuake o le kau mate, na gologolo loa a iki, kae na pati loa a iki : Koi motou toe logo loa ki ai i se tasi ake faiaga.

Gaoi 2:41

Ko latou ala na tali ia loa lana folafola na papitema loa ; ti i le aso fai lena, na lasi loa le api o le kau tisipulo i laumalie e tino afe tolu.

Gaoi 8:14

Ko le kau apositolo, ala na nonofo i Selusalemi, i lalatou logo kua tali e Samalia le folafola a le Atua, na kakau ia loa ki ai a Petelo mo Soane.

Loma 10:17

Koia e au ai le tui mei le nea leia e logo ki ai, ti ko le nea leia e logo ki ai, e au mei le folafola a Kilisito.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Kalate 4:14

Ti i lokotou asiasii e loku tino masaki, na leaise kotou vesia pe fakalialia kiate au ; kae na kotou tali au ofaipe se aselo a le Atua, ofaipe Sesu-Kilisito.

Kolose 1:6

Kua kaku atu a ia kia koutou, ti mo le malama nei katoa ; ti kua fua a ia, ti kua mafola a ia, o fai foki pe koutou, talu mei le aso leia na kotou logo ai mo iloa ai le kalasia o le Atua i le maoki,

Epelo 4:12

Talie ko le folafola a le Atua e mauli, mo makeke, mo matakakai ake i se seleta mata lua, mo ulu loloto o kaku ki le vaei o le loto mo le laumalie, o sokoga mo gako o ivi ; e fakamaaui e ia a manatu o le laumalie ti mo manatu o le loto.

Epelo 4:2

Talie kua fakasa le logo malie lena kia tatou ofaipe latou ; kae na leaise aoga kia latou le folafola leia na lotou logo ki ai, talie na leaise maua se tui ia latou ala na logo ki ai.

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Uluaki tosi a Petelo 1:23

talie kua kotou tupu foou, o leai mei se pulapula popo kae mei se pulapula lee popo, mei le folafola mauli mo lee gato a le Atua.

Uluaki tosi a Petelo 1:25

Kae e tuu le folafola a le Aliki o lee gato. Ti ko le folafola lena ko leia na fakasa atu kia koutou e le Evaselio.

Uluaki tosi a Petelo 2:2

kae kotou oli, ofaipe ni toe memea, ki le sua u fakalaumalie mo mea, o tupu ke kotou tuputupua i ai ki le saofaki,

Lua tosi a Petelo 3:2

o tupu ke kotou manatui a nea ala na fakasa fakatomua e le kau polofeta maokioki, ti mo le fakatotonu o lotatou Aliki mo Fakamauli, leia na akonaki ki ai le kau apositolo.

Uluaki tosi a Soane 3:3

Ko leia e maua ia le amanaki malie lena iate ia, ke fakamea a ia, ofaipe ia totonu e mea.