Uluaki tosi ki le kau Tesalonika 2:11 - Tosi Tapu

¹¹ Ti e kotou toe iloa foki na motou fai kia koutou taki toka tasi pe se tamana ki ana fanau,

Uluaki tosi ki le kau Tesalonika 2:11 Iomraidhean Croise

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Pesalemo 34:11

E pakupaku ti e fia inu a uviki laione, Kae e leaise puli se nea kia latou ala e afa ia le Eteleno.

Taagapati 1:10

Ei loku vosa, kapau e loto loa ni tagata agasala ke ave a koe ki le veli, Aua na ke tali latou.

Taagapati 1:15

Ei loku vosa, aua na ke ano i ala mo latou ; Maliu lou vae i lolatou ala ;

Taagapati 2:1

Ei loku vosa, kapau e ke taofi aku masau, Ti kapau e ke taupau aku pelesepeto iate koe,

Taagapati 3:1

Ei loku vosa, aua na galo aku akonaki iate koe, Ti ke taupau e lou loto aku pelesepeto ;

Taagapati 6:1

Ei loku vosa, kapau na ke fetogi lou oloi i lona maua, Kapau na ke ta lou lima ki le lima o tasi ake tagata,

Taagapati 7:1

Ei loku vosa, taofi aku masau, Ti ke taupau aku pelesepeto i lou loto.

Taagapati 7:24

I le aso nei, ei oku vosa, kotou fakalogo mai kiate au, Ti kotou tokaga ki masau o loku gutu.

Numelo 27:19

E ke fakatuu loa a ia ki mua o le tagata faisakilifisio ko Eleasale mo le kakai katoa, ti ke fakanofo loa a ia ko lou fetogi i olatou mua.

Luka 16:28

O tupu ke fakamaoki e ia a nea anei kia latou, ti mo valoki latou, ke aua na latou toe au mo latou foki ki le ganea leinei o le mamae.

Gaoi 20:2

Na foli loa e ia le fenua lena, o fai ni akonaki lasi fakalotomakeke ki le kau tisipulo,

Efeso 4:17

Ko leinei loa le nea leia e kau fakasa mo fakamaoki i le Aliki : E leaise koi tonu ai ke kotou saele ofaipe le kau pagani, ala e saele o mulimuli ki le vaiga o olatou manatu.

Tetelonome 3:28

Tuku au fakatotonu kia Sosue, ti ke tokoi kiate ia, ti ke fakamakeke lona loto ; talie ko ia leia e fakalaka loa i mua o le kakai lena i le Solotane, ti ko ia leia e tuku ia loa ki fanau a Iselaele le fenua lena kua ke tio ki ai mei mamao.

Tetelonome 31:14

Na pati loa le Eteleno kia Moisese : ko leinei kua ofi loa le aso leia e ke mate ai loa. Ke ke kalagai loa Sosue, ti kolua ano loa o tuu i le falela tapu. Na ano loa Moisese mo Sosue o tuu i le falela tapu.

Uluaki tosi ki le kau Tesalonika 2:7

kae na motou apele i le agamalu i loto malie o koutou, io ofaipe se fafine taupau toe leia e tokaga malie ki ana fanau :

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.

Uluaki tosi ki le kau Tesalonika 4:6

ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.

Uluaki tosi ki le kau Tesalonika 5:11

Koia, kotou fefakapelepeleaki ia koutou ti kotou fefaufauaki ia koutou, o fai foki pe le nea leia e kotou fai maoki.

Uluaki tosi ki le kau Tesalonika 5:14

E motou kole atu foki kia koutou, fetaina, ke kotou fakatonutonu latou ala e mauli maveuveu, mo kotou fakapelepelei latou ala e mamae, mo kotou tokoi kia latou ala e gagae, ti mo kotou kataki fualoa ki tagata fuli.

Lua tosi ki le kau Tesalonika 2:5

Pe leaise kotou manatui na kau fakasa atu a nea ana kia koutou i le temi leia na kau nofo ai mo koutou ?

Lua tosi ki le kau Tesalonika 3:12

E motou fakaafe latou ana, ti e motou kole kia latou i le Aliki ko Sesu-Kilisito, ke lotou kai lalatou pane totonu, o gaoi i le tokamalie.

Uluaki tosi kia Timoteo 5:21

E kau kole mamae atu kiate koe i mua o le Atua, i mua o Sesu-Kilisito, ti mo mua o le kau aselo filifiliia, ke ke tokaga ki nea fuli ana, o sala fakapalatasi ti mo sala fia mata malie.

Uluaki tosi kia Timoteo 5:7

Fakasa kia latou a nea ana, o tupu ke lotou lee sala.

Uluaki tosi kia Timoteo 6:13

E kau kole atu kiate koe, i mua o le Atua leia e soli ia le mauli ki nea fuli, ti mo mua o Sesu-Kilisito leia na fai ia se fakamaoki malie i mua o Posio Pilato,

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Uluaki tosi kia Timoteo 6:2

Ti ko latou ala e maua ia ni pule kua tui, ke aua na lotou matasoka kia latou, talie ko ni fetaina latou ; kae ke lotou toe asili gaoi malie ake talie ko ni fetaina agatonu mo alofaina latou ala e gaoi ki lolatou malie. Ke ke ako a nea ana kia latou ti mo ke akonaki latou.

Tito 2:15

Fakasa a nea ana, ekenaki, ti mo valoki i le makeke katoa. Ke aua na nukinuki se tasi kiate koe.

Tito 2:6

Ke ke ekenaki foki le kau tupulaga ke lotou fakapotopoto,

Tito 2:9

Ke ke ekenaki le kau fakasausau ke lotou fakataulalo ki olatou pule, ke lotou malilie i nea fuli kia latou, ke aua na lotou taugutu,

Epelo 13:22

E kau kole atu kia koutou, fetaina, ke kotou tali a kupu fakamakeke anei, talie na kau fai tosi fakatoetoe atu kia koutou.

Tolu tosi a Soane 1:4

E leaise kau maua se fiafia lasi ake, mo ka kau logo e saele aku fanau i le maoki.