Uluaki tosi ki le kau Tesalonika 1:9 - Tosi Tapu

⁹ Talie e fakamatala, o uiga mo matou, pe na feaki lakotou tali matou ti mo lakotou tafoki ki le Atua, o tiaki a taulaatua, kae ke tausi le Atua mauli mo maoki,

Uluaki tosi ki le kau Tesalonika 1:9 Iomraidhean Croise

Pesalemo 42:2

Ofaipe se tia e fakaamu ki ni tafeaga vai, E fakaamu foki loku laumalie kiate koe, ei Atua !

Pesalemo 84:2

E alofaia ou nofoaga, Eteleno o kau tau !

Esaia 37:17

Eteleno, tokaga mai lou taliga, o fakalogo ! Eteleno, fakamavaa ou mata, o tio ! logo ki masau fuli ala kua fai e Sanekelipe, o tauvele ki le Atua mauli !

Esaia 37:4

Na lagi kua logo le Eteleno, lou Atua, ki masau a Lapesake, leia na kakau mai e le sau o Asilia, lona pule, ke au o tauvelei le Atua mauli, ti e lagi fakasoko loa e le Eteleno, lou Atua ana tautea o tupu ko masau ala na logo a ia ki ai. Koia ke ke faikole o uiga mo le toetoega leia koi mauli.

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Taniela 6:26

E kau fakatotonu le nea leinei : I loku puleaga katoa, ke maua le i mo le fakaapaapa ki le Atua o Taniela. Talie ko le Atua mauli a ia, ti e mauli a ia o lee gato ; e leaise maumaui loa lona puleaga i se aso, ti e tuu loa lana pule o kaku ki le fakaoki.

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Mateo 16:16

Na tali loa Simone Petelo : Ko le Kilisito a koe, ko le Alo o le Atua mauli.

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.

Loma 9:26

ti i le ganea leia e pati ai kia latou : E leaise ko koutou ko loku kakai ! E fakaigoa loa latou ko vosa o le Atua mauli.

Uluaki tosi ki le kau Kolinto 12:2

E kotou iloa, i lakotou koi nofo i le pagani, na kotou tuku koutou ke ave ki ni taulaatua gutu mate, ti na taki koutou e latou.

Tetelonome 5:26

Talie ko ai leia kua logo i se aso, ofaipe matou, ki le leo o le Atua mauli leia e masau mei loto malie o le afi, ti na toe mauli ?

Uluaki tosi ki le kau Tesalonika 2:1

E kotou iloa e koutou totonu, fetaina, na leaise sala fua lamatou kaku atu kia koutou.

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Uluaki tosi kia Timoteo 4:10

Koia e tou gaoi, ti e tou tau, talie e tou tuku latatou amanaki malie ki le Atua mauli, leia ko le Fakamauli o tagata fuli, kae tafito le kau tui.

Epelo 12:22

Kae kua kotou fakafeofi ki le mauga o Sione, ki le kolo o le Atua mauli, ki le Selusalemi i Selo, ki miliate mo miliate o le kau aselo,

Sosue 3:10

Na pati loa Sosue : E kotou iloa loa i le nea leinei e nofo le Atua mauli i loto malie o koutou, ti e kapu loa e ia i okoutou mua le kau Kanaane, mo le kau Eti, mo le kau Evi, mo le kau Pelesi, mo le kau Kilikasi, mo le kau Amole, ti mo le kau Sepusi :

Uluaki tosi a Soane 5:21

Fanau liliki, kotou fakamamao mei taulaatua.

Apokalipisi 17:2

Na fai feauaki a ia mo sau o le malama nei, ti na kona le kakai o le malama nei i le vino o lana fai feauaki.

Uluaki tosi a Samuele 17:26

Na pati loa Tavite ki tagata ala na tutuu i ona tafa : Kolea loa e fai ki leia e tamate ia loa le Filisitini lena, ti e sau ia loa le matagafua i Iselaele ? Ko ai le Filisitini lena, le pagani lena, ke tauvelei e ia le kau solia a le Atua mauli ?

Uluaki tosi a Samuele 17:36

Na fenaaki le tamate e lau tagata fakasausau o le laione mo le uluso, ti e toe fenaaki loa ki le Filisitini, le pagani lena, pe ki se tasi ake o latou, talie kua pati veli a ia ki le kau solia a le Atua mauli.