Uluaki tosi ki le kau Tesalonika 1:3 - Tosi Tapu

³ o motou fakamanatu tuumau le gaoi o lakoutou tui, mo le gaoi o lokoutou alofa, ti mo le kataki fualoa o lakoutou amanaki malie ki lotatou Aliki ko Sesu-Kilisito, i mua o le Atua ko lotatou tamana.

Uluaki tosi ki le kau Tesalonika 1:3 Iomraidhean Croise

Senesi 29:20

Ti na gaoi loa Sakopo i fetuu e fitu kia Lasele ; kae na fai loa a fetuu ana kiate ia pe ni ga aso teiki fua, i le lasi o lona alofa kia Lasele.

Ekelesiasi 2:26

Talie e soli e le Atua ki le tagata leia e malie ki ona mata le poto, mo le atamai, mo le fiafia ; kae e tuku e ia ki le tagata agasala ke tokaga o tanaki mo fakatuuga, o tupu ke soli ki leia e malie ki mata o le Atua. Ko se tasi foki a ia vaiga mo tuli o le matagi.

Katiko o Katiko 8:7

E leaise mafai ke tamate le alofa e atu vai lalasi, Ti e leaise mate a ia i vaitafe lalasi ; Kapau e soli foki e se tagata a koloa fuli o lona fale ke totogi ai le alofa, E kai loa e ia le nukinuki.

Soane 14:15

Kapau e kotou alofa kiate au, kotou fai aku fakatotonu.

Soane 15:10

Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.

Gaoi 10:31

Kolenelio, kua tali lau kole, ti kua manatui e le Atua au nea alofa.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Loma 12:12

Ke kotou fakafiafia i le amanaki malie. Ke kotou kataki fualoa i le mamae. Ke kotou agatonu i le faikole.

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Loma 15:4

Talie ko nea fuli ala na tosi fakatomua, na tosi ki lotatou akoi, o tupu ke tou maua ai le amanaki malie, i le kataki fualoa ti mo le fakapelepele leia e soli e le Tosi.

Loma 16:26

kae kua fakasa i le temi nei e tosi a le kau polofeta, o mulimuli ki le fakatuutuu a le Atua lee gato, ti kua fakasa ke iloa e puleaga fuli, o tupu ke lotou fakalogo ki le tui :

Loma 16:6

Avake oku alofa kia Malia, leia na lasi ai lana gaoi kia koutou.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Uluaki tosi ki le kau Kolinto 13:13

I le aso nei e tuu mau a nea anei e tolu : Le tui, mo le amanaki malie, ti mo le alofa ; kae ko leia e lasi ake i nea ana, ko le alofa.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Kalate 5:13

Fetaina, kua kalagai koutou ki le lauatea ; kae ke aua fua na kotou fakaliliu le lauatea lena ko se faigamalie ke kotou mauli ai i le kanofi ; kae ke kotou liliu, i le alofa, ko ni tagata fakasausau a la ki la.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Kalate 6:9

Aua na tou kaekae i le fai o le nea leia e malie ; talie e tou utu loa i lona temi totonu, mo kapau e leaise tou fakagaegae.

Uluaki tosi ki le kau Tesalonika 3:6

Ti ko leinei, kua tau mai Timoteo meia koutou, o fakamatala mai kia matou ni logo malilie o lakotou tui ti mo lokotou alofa, ti na pati mai a ia kia matou e kotou taupau tuumau se manatu malie kia matou, ti e kotou fia tio kia matou ofaipe lomatou fia tio foki kia koutou.

Lua tosi ki le kau Tesalonika 1:11

Koia foki leia e motou faikole tuumau ai kia koutou, o tupu ke lau koutou e lotatou Atua e kotou gali mo lana kalaga, ti ke fakasoko e ia i lona mafimafi a fakatuutuu malilie fuli o lona agamalie, ti ke fakakatoa e ia le gaoi o lakoutou tui ;

Lua tosi ki le kau Tesalonika 1:3

E tonu, fetaina, ke motou fakafetai tuumau ki le Atua o tupu ko koutou, ti e totonu le nea lena, talie e saele lasi ki mua lakotou tui, ti e tuputupua lokoutou fealofani fakatautaina.

Uluaki tosi kia Timoteo 1:14

ti na lasi ai le kalasia o lotatou Aliki, mo le tui ti mo le alofa leia e maua ia Sesu-Kilisito.

Uluaki tosi kia Timoteo 2:3

E malie mo aoga le nea lena i mua o le Atua lotatou Fakamauli,

Epelo 10:36

Talie e aoga kia koutou le kataki fualoa, o tupu, ka oki loa lakotou fai le finegalo o le Atua, ke kotou maua le nea leia kua fakapapau atu kia koutou.

Epelo 11:17

Ko le tui leia na momoli ai loa e Apalaamo a Isaake, i lona asiasii, ti na momoli loa e ia lona vosa fuatasi, leia na tuku ki ai a fakapapau,

Epelo 13:21

ke fakaliliu e ia koutou ke kotou mafai ia a nea fuli ala e malilie, o tupu ke kotou fakasoko lona finegalo ; ti ke fai e ia kia koutou le nea leia e malie kiate ia ia Sesu-Kilisito, leia e tuku ki ai le kololia i sekulo mo sekulo ! Amene !

Epelo 4:11

Koia tou faiga ke tou ulu vave ki le maloloaga lena, o tupu ke aua na siga se tasi o fakatautau ki le faifaitakiaga lena o le patigataa.

Epelo 6:15

Ti na maua loa e Apalaamo le nea leia na fakapapau kiate ia o tupu ko lana kataki fualoa.

Uluaki tosi a Petelo 3:4

kae ke kotou maua le teuga munia o le loto leia ko le mea lee popo o se loto agamalu mo tokamalie, leia e mauiga lasi i mua o le Atua.

Uluaki tosi a Soane 3:18

Fanau liliki, aua na tou alofa i masau ti mo le alelo, kae tou alofa i gaoi ti mo le maoki.

Uluaki tosi a Soane 3:21

Alofaaga, kapau e leaise fakalakasala tatou e otou loto, e tou maua le loto makeke i mua o le Atua.

Uluaki tosi a Soane 3:3

Ko leia e maua ia le amanaki malie lena iate ia, ke fakamea a ia, ofaipe ia totonu e mea.

Uluaki tosi a Soane 5:3

Talie ko leinei le alofa ki le Atua, ko le fai o ana fakatotonu ; ti e leaise faigataa ana fakatotonu kia tatou,

Apokalipisi 2:19

E kau iloa au gaoi, mo lou alofa, mo lau tui, mo lau tausi agatonu, mo lau kataki fualoa, ti mo au gaoi fakamuli ala kua lasi ake i au gaoi uluaki.

Apokalipisi 3:10

Talie na ke tausi le folafola o le kataki fualoa iate au, e kau tausi loa a koe i le ola o le asiasii leia ka au ki le malama nei katoa, ke asiasii ai le kakai o le malama nei.