Uluaki tosi ki le kau Tesalonika 1:10 - Tosi Tapu

¹⁰ ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.

Uluaki tosi ki le kau Tesalonika 1:10 Iomraidhean Croise

Senesi 49:18

E kau fanaki ki le Eteleno, ko loku tokoi !

Mateo 1:21

E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Mateo 16:28

E kau pati maoki atu kia koutou, ko ni iki ia latou ala e nonofo i leinei e leaise mamate loa, kae e leikiaise lotou tio ki le saele mai o le Vosa o le tagata i lona puleaga.

Mateo 3:7

Kae, i lana tio ki le au o ni faliseo mo ni Satuseo toka api ki lana papitema, na pati loa a ia kia latou : Lanu o gata velo, ko ai leia na ako atu ia kia koutou ke sola i le sausau leia ka vilo mai ?

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Luka 3:7

Na pati loa Soane kia latou ala na au ke papitema e ia : Lanu o gata velo, ko ai na ako atu ia kia koutou ke kotou fesolaki mei le sausau ka au ?

Gaoi 1:11

o pati : Tagata Kalilea, kolea e kotou nonofo ai i lena, o tio ki le lagi ? Ko le Sesu lena, kua ave ki lagi ia koutou, e toe au loa ofaipe lakotou tio ki lana ano ki le lagi.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Gaoi 2:24

Kua toe fakatuuake a ia e le Atua, o saofaki a ia mei sai o le mate, talie na leaise mafai ke taofi a ia e le mate.

Gaoi 2:32

Ko le Sesu lena, leia kua toe fakatuuake e le Atua ; e motou fakamaoki fuli ki ai.

Gaoi 3:15

Na kotou tamate le Tupuaga o le mauli, leia kua fakatuuake e le Atua mei le kau mate, ti ko le kau fakamaoki matou ki ai.

Gaoi 3:21

leia e tonu ke tali e Selo o kaku ki aso o le toe fakafoou o nea fuli, leia na masau ki ai le Atua i le gutu o ana polofeta maokioki o le temi mua.

Gaoi 4:10

ke kotou iloa fuli, ti ke iloa e le kakai katoa o Iselaele : Ko le igoa o Sesu-Kilisito mei Nasaleti, leia na kotou tutuki i le koluse, kae kua toe fakatuuake e le Atua mei le kau mate, ko ia leia kua tuku ia le malolo katoa ki le tagata leinei e tuu i okoutou mua.

Loma 1:4

leia na fakasa fakamakeke ko le Alo o le Atua e le Laumalie Maokioki i lana toe tuuake mei le kau mate, Sesu-Kilisito, lotatou Aliki ;

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Loma 4:25

leia na tuku ke mate o tupu ko atatou agasala ti kua toe tuuake o tupu ko lotatou fakamatatonu.

Loma 8:34

Ko ai ka tautea ia loa latou ? Ko Kilisito leia na mate ; ti kua toe tuuake foki a ia, ti kua nofo a ia i le fetuu atamai o le Atua, ti e faikole a ia kia tatou !

Uluaki tosi ki le kau Kolinto 1:7

Koia e leaise koi puli fua ia koutou se nea alofa, koutou ala e talitali ki le fakasa o lotatou Aliki ko Sesu-Kilisito.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Filipe 3:20

Kae kia tatou, e tuu lotatou kolo i lagi, leia e tou talitali foki mei ai ki lotatou fakamauli, le Aliki ko Sesu-Kilisito,

Kolose 1:18

Ko le ulu a ia o le tino, o le Ekelesia ; ko le kamataaga a ia, ko le uluaki tupu a ia mei le kau mate, o tupu ke uluaki a ia i nea fuli.

Uluaki tosi ki le kau Tesalonika 1:7

o kotou soko ai ko se faifaitakiaga ki le kau kilisiteano fuli o Masetonia mo Akaia.

Uluaki tosi ki le kau Tesalonika 2:16

Ti e lotou ponopono matou ke aua na motou fakasa ki le kau pagani le folafola leia e fakamauli ai latou. O tupu ke fakakatoa ai alatou agasala. Kae e maua loa latou e le sausau o le Atua.

Uluaki tosi ki le kau Tesalonika 2:7

kae na motou apele i le agamalu i loto malie o koutou, io ofaipe se fafine taupau toe leia e tokaga malie ki ana fanau :

Uluaki tosi ki le kau Tesalonika 5:9

Talie na leaise fakatuutuu tatou e le Atua ki le sausau, kae ki le maua o le fakamauli i lotatou Aliki ko Sesu-Kilisito,

Lua tosi kia Timoteo 4:1

Koia e kau fakatotonu atu ai kiate koe i mua o le Atua, ti mo mua o Sesu-Kilisito, leia e tonu ke fakamaaui ia le kau mauli mo le kau mate, ti e kau kole atu a ia i le igoa o lana toe liliu mai mo lona puleaga,

Tito 2:13

o talitali ki le amanaki malie manuia, ti mo le fakasa o le kololia o lotatou Atua lasi ti mo lotatou Fakamauli ko Sesu-Kilisito.

Epelo 10:27

kae ko se talitali fakaii ki le fakamaau ti mo se afi kaka leia e tutu ia loa le kau fili o le Atua.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Uluaki tosi a Petelo 2:21

Ti na kalagai koutou ki ai, talie na mamae foki Kilisito o tupu ko koutou, ke tuku atu kia koutou se faifaitakiaga, o tupu ke kotou muli i ona lakaaga,

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Lua tosi a Petelo 3:12

Kotou talitali ti kotou gaoi ke soko vave le aso o le Atua, aso leia e maumaui ai loa e le afi le atu lagi, ti e okioki ai loa a nea o le lagi i le tutu e ula o le afi !

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Apokalipisi 1:18

Ko au ko le uluaki, ti ko le fakamulimuli, ti ko leia e mauli. Na kau mate ; ti ko leinei, kua kau mauli ki sekulo mo sekulo. E kau too a kalavi o le mate ti mo le nofoaga o le kau mate.

Apokalipisi 1:7

Ko leinei, e au a ia mo ni ao. Ti e tio loa kiate ia a mata fuli, ti mo latou foki ala na sokai ia a ia ; ti e tagi mamae loa a faasiga fuli o le malama nei o tupu ko ia. Io. Amene !