Uluaki tosi ki le kau Kolinto 8:1 - Tosi Tapu

¹ O uiga mo inati ala kua momoli ki taulaatua, e tou iloa e tou maua fuli le iloa. E fakamakita le iloa, kae e faufau le alofa.

Uluaki tosi ki le kau Kolinto 8:1 Iomraidhean Croise

Esaia 47:10

Na ke fanaki ki lou agaveli, Na ke pati : E leaise tio mai se tasi kiate au ! Ko lou poto mo lou atamai na fakasese ia a koe. Ti na ke pati i lou loto : Ko au fai, ti ko au fai toka tasi !

Esaia 5:21

Malaia kia latou ala e popoto kia latou totonu, Ti e manatu e lotou atamai !

Numelo 25:2

Na fakaafe loa e taineliki le kakai ki sakilifisio ki atua o Moape ; ti na kai loa le kakai, ti na punou loa a ia i mua olatou atua.

Gaoi 15:10

Ti ko leinei, kolea e kotou asiasii ai le Atua, o kotou teki ai ki le ua o le kau tisipulo se kavega leia na leaise mafai ke amo e otatou tamana pe ko tatou totonu ?

Gaoi 15:29

ke iloa : ke kotou fakamamao mei inati kua momoli ki taulaatua, mo le toto, mo manu mamate, ti mo le fai feauaki ; e malie kia koutou ke fakamamao mei nea ana. Nonofo la.

Gaoi 21:25

Ki le kau pagani kua tui, kua motou fai le tonu ti kua motou fai le tosi kia latou ke lotou fakamamao mei nea ala na momoli ki taulaatua, mo le toto, mo manu mamate, ti mo le fai feauaki.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 12:16

Ke kotou maua ni manatu loto tatau i okoutou vasaa. Ke aua na kotou oli ki nea taualuga, kae ke kotou oli ki nea taulalo. Ke aua na kotou fia poto.

Loma 14:10

Kae ko koe, kolea e ke fakamaaui ai lou taina ? Pe ko koe, kolea e ke vesia ai ki lou taina ? talie e tou tutuu fuli loa i mua o le fakamaauaga o le Atua.

Loma 14:14

E kau iloa ti e kau tui i le Aliki Sesu, e leaise nea fua e kelekele iate ia, ti koi kelekele se nea ki leia e tui e kelekele a ia.

Loma 14:19

Koia loa, ke tou afa a nea ala e aoga ki le tokamalie ti mo le faufau.

Loma 14:22

E ke maua le tui lena, taupau a ia ma au i mua o le Atua. Manuia leia e leaise fakalakasala ia a ia totonu i le nea leia e fakamaoki a ia ki ai !

Loma 14:3

Ke aua na fakanoai e leia e kai leia e leaise kai, ti ko leia e leaise kai ke aua na fakamaaui e ia leia e kai, talie kua fakatalitali a ia e le Atua.

Loma 15:14

O uiga mo koutou, ei oku fetaina, e kau iloa papau e kotou apele i le loto malie, mo apele i le iloa katoa o nea ala e aoga kia koutou, ti mo apele i le poto i le soli o tokoi ke fakamakeke ai koutou.

Uluaki tosi ki le kau Kolinto 1:5

Talie iate ia kua kotou mou koloa i nea fuli o uiga mo le folafola ti mo le iloa,

Uluaki tosi ki le kau Kolinto 10:15

E kau masau atu ki ni tagata poto ; kotou fakamaaui totonu le nea leia e kau masau atu ki ai.

Uluaki tosi ki le kau Kolinto 10:28

Kae kapau e pati atu loa se tasi kia koutou : Kua momoli le nea leinei ki se taulaatua ! Aua na kotou kai ki ai, o tupu ko leia na fakasa atu ia kia koutou, ti o tupu ko lona loto.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Uluaki tosi ki le kau Kolinto 15:34

Kotou toe liliu mai kia koutou totonu, ko lena le nea leia e totonu, ti aua na kotou agasala ; talie e leaise iloa e ni iki o koutou le Atua, e kau fakasa a ia ke kotou luma ai.

Uluaki tosi ki le kau Kolinto 4:10

Kua motou valelea o tupu ko Kilisito, kae ko koutou, kua kotou popoto ia Kilisito ; e motou gagae, kae e kotou makeke ; e fakaapaapa kia koutou, kae e nukinuki kia matou !

Uluaki tosi ki le kau Kolinto 4:18

Kae kua fia nealasi ni iki ia koutou, o sakinake na leaise tonu ke kau natu kia koutou.

Uluaki tosi ki le kau Kolinto 4:6

Talie o tupu ko koutou, fetaina, leia kua kau too ai a nea ana o fakaaoga kiate au mo Apolosio, o tupu ke kotou ako i oma tagata ke aua na fakalaka i le nea leia kua tosi, ti ke aua na nofo se tasi o koutou mo se fia nealasi, o fili leia ki leia.

Uluaki tosi ki le kau Kolinto 5:2

Ti kua kotou makita i le fia nealasi ! kae na leaise kotou mamae mua, o tupu ke too meia koutou leia kua fai ia le nea lena !

Uluaki tosi ki le kau Kolinto 5:6

E leaise malie lakotou fakakololia kia koutou ! Pe leaise kotou iloa ko se ga momoi fakatupu e fakatutupu ia le falina katoa ?

Uluaki tosi ki le kau Kolinto 8:2

Kapau e manatu se tasi e iloa e ia se nea, e leikiaise iloa e ia ofaipe lona tonu ke iloa.

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Uluaki tosi ki le kau Kolinto 8:7

Kae e leaise maua e tagata fuli le iloa lena. Talie koi tio ni iki ki taulaatua, ti e lotou kai a inati ana ofaipe ni inati kua momoli maoki ki taulaatua, ti ko olatou loto, ala koi gagae, e kelekele i ai.

Efeso 4:16

Ko ia leia e fakasokosoko ia a koga kesekese fuli o le tino, ti mo fakapipiki ia latou ki ni sai makeke ko se tino e tasi ; ti ko ia leia e fakatupu ia le tino o lasi o mulimuli ki le makeke leia e aoga ki le koga tino taki tasi, ti e faufau toka tasi e le tino a ia totonu i le alofa.

Kolose 2:18

Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.

Apokalipisi 2:20

Kae ko le nea leia e kau fakafesagai ai kiate koe, ko lau tuku le fafine ko Sesapele, leia e pati ko le fafine polofeta, ke akonaki mo fakasese ia aku tagata fakasausau, o tupu ke lotou fai feauaki ti ke lotou kai ni inati ala kua momoli ki taulaatua.