Uluaki tosi ki le kau Kolinto 4:8 - Tosi Tapu

⁸ Ko leinei, kua kotou makona ; kua kotou mou koloa, kua kotou kamata sau kae sala mo maua. Ti e amusia ake ke kotou sau maoki, o tupu ke ma sau foki mo koutou !

Uluaki tosi ki le kau Kolinto 4:8 Iomraidhean Croise

Taagapati 13:7

E mauli se tasi ofaipe se nea mou koloa, kae e leaise maua sana nea, Ti e mauli se tasi ofaipe se nea mativa kae nofo a ia mo ni koloa lalasi.

Taagapati 25:14

Ofaipe ni ao mo se matagi sala ua, E fenaaki le tagata leia e fakakololia i lana solisoli loi.

Esaia 5:21

Malaia kia latou ala e popoto kia latou totonu, Ti e manatu e lotou atamai !

Selemia 28:6

Na pati loa Selemia, le polofeta : Amene ! Ke fai fenaaki e le Eteleno ! Ke fakamaoki e le Eteleno a folafola ala kua ke fakasa, ti ke toe fakaliliu mai e ia mei Papilone ki le ganea leinei a ipu o le fale o le Eteleno mo le kau popula katoa !

Numelo 11:29

Na tali loa Moisese kiate ia : Pe ke finenonofo o tupu ko au ? E fakaamu ake ke liliu le kakai fuli o le Eteleno ko ni polofeta, ti ke finegalo malie le Eteleno o tuku lona Laumalie kia latou !

Mateo 5:1

I lana tio ki le kakai, na pale loa Sesu ki le mauga : ti na tonatona loa a ia ki lalo, ti na fakafeofi ake loa ana tisipulo kiate ia.

Luka 6:25

Malaia kia koutou ala e makona i le temi nei, talie e kotou fia kai loa ! Malaia kia koutou ala e kata i le temi nei, talie e kotou mamae loa mo tagi laulau loa !

Gaoi 26:29

Ti na tali loa Paulo : Pe soko vave a ia pe soko tuvai, e kau kole ki le Atua ke aua na gato fua kiate koe, kae kia latou fuli foki ala e fakalogo mai kiate au i le aso nei, ke kotou liliu ofaipe au, kae sala fua mo tini anei !

Loma 12:3

I le kalasia leia kua soli mai kiate au, e kau fakasa ki le tagata taki toka tasi o koutou, ke aua na maua ia se manatu lei e taualuga ake iate ia totonu, kae ke kofu ni manatu totonu, o mulimuli ki le lasi o le tui leia kua vaevae e le Atua ki le tagata taki toka tasi.

Uluaki tosi ki le kau Kolinto 1:5

Talie iate ia kua kotou mou koloa i nea fuli o uiga mo le folafola ti mo le iloa,

Uluaki tosi ki le kau Kolinto 4:18

Kae kua fia nealasi ni iki ia koutou, o sakinake na leaise tonu ke kau natu kia koutou.

Uluaki tosi ki le kau Kolinto 5:6

E leaise malie lakotou fakakololia kia koutou ! Pe leaise kotou iloa ko se ga momoi fakatupu e fakatutupu ia le falina katoa ?

Lua tosi ki le kau Kolinto 11:1

Oi ! E kau fakaamu ke kotou mafai ia le tali o se valea ikiiki fua iate au ! io, kotou kataki au !

Lua tosi ki le kau Kolinto 13:9

E ma fiafia mo ka ma gagae, kae kotou makeke ; ti ko le nea leia e ma kole i ama faikole, ko lokoutou malie tukupau.

Kalate 6:3

Kapau e manatu se tasi ko se tasi a ia, kae ko se nea noa a ia, e kakai e ia a ia totonu.

Filipe 1:27

Koleia fua, kotou saele i se saele leia e gali mo le Evaselio o Kilisito, o tupu, pe kau natu o tio kia koutou, pe kau puli, ke kau logo e kotou tuu makeke i se loto e tasi, o tau i se laumalie e tasi ki le tui o le Evaselio ;

Filipe 2:12

Koia, ei oku alofaaga, ofaipe lakoutou patigaofie tuumau, o leaise gato fua mo ka kau nofo mo koutou, kae toe asili ake mo ka kau puli, kotou gaoi ki lokoutou saofaki i le i mo le lulu ;

Apokalipisi 3:17

Talie e ke pati : E kau mou koloa, kua kau fakatupu o lasi oku koloa, ti e leaise aoga mai kiate au se nea, kae e leaise ke iloa e ke malaia, mo fakaaloalofa, mo mativa, mo kivi, ti mo telefua,

Apokalipisi 5:10

ti na ke fakasoko latou ko se puleaga ti ko se kau tagata fai sakilifisio ki lotatou Atua, ti e lotou sau loa i le malama nei.