Uluaki tosi ki le kau Kolinto 15:3 - Tosi Tapu

³ Na kau akonaki atu kia koutou i mua o nea fuli, ofaipe le nea leia na kau tali ia foki : na mate Kilisito o tupu ko atatou agasala, o mulimuli ki le Tosi ;

Uluaki tosi ki le kau Kolinto 15:3 Iomraidhean Croise

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Esekiele 3:17

Vosa o le tagata, e kau fakanofo loa a koe ko le tagata leo ki le fale o Iselaele. E ke fakalogo loa ki le folafola leia e vilo atu loa i loku gutu, ti e ke fakasa loa kia latou aku valoki.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Mateo 26:24

E ano le Vosa o le tagata, o mulimuli ki le nea leia kua tosi kiate ia. Kae malaia ki le tagata leia e fakatau ia le Vosa o le tagata ! E malie ake ke aua na tupu le tagata lena.

Mateo 26:28

talie ko le nea leinei ko loku toto, ko le toto o le sai foou, leia na liligi ki le toka api, ke fakamolemole ai a agasala.

Luka 24:25

Ti na pati loa Sesu kia laua : Tagata sala atamai, ti mo tui gataa ki nea fuli ala kua fakasa e le kau polofeta !

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Gaoi 17:2

Ti na ulu loa Paulo ki ai, ofaipe lana aga masani. I sapato e tolu, na masau a ia mo latou, ki nea o le Tosi tapu,

Gaoi 3:18

Kae i le nea lena kua fakasoko e le Atua le nea leia na fakasa fakatomua e ia i le gutu o ana polofeta fuli, e tonu ke mamae lona Kilisito.

Gaoi 8:32

Ko le koga tosi leia o le Tosi tapu na lau e ia ko ia leinei : Na taki a ia ofaipe se ovi fafine ki le fale tamate manu ; Ti, ofaipe se akeno gutu mate i mua o leia e koti ia a ia, Na leaise fakamavaa fua e ia lona gutu.

Loma 3:25

Ko ia leia kua fakatuutuu e le Atua ko le failaulau fakamolemole o agasala kia latou ala e tui loa ki lona toto, o tupu ke fakasa ai lana faitotonu, talie na leaise fakatuaa e ia a agasala ala na fai i mua, i le temi o lona kataki fualoa.

Loma 4:25

leia na tuku ke mate o tupu ko atatou agasala ti kua toe tuuake o tupu ko lotatou fakamatatonu.

Uluaki tosi ki le kau Kolinto 11:2

E kau fakavikiviki kia koutou, i lakotou manatui au i nea fuli, ti mo lakotou tausi aku akonaki ofaipe laku kua tuku atu latou kia koutou.

Uluaki tosi ki le kau Kolinto 11:23

Talie kua kau tali mei le Aliki le nea leia na kau ako atu kia koutou ; ko le Aliki Sesu, i le po leia na fakatau ai a ia, na too ia loa le pane,

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 1:12

talie na leaise kau tali a ia pe na kau ako a ia mei se tagata, kae meia Sesu-Kilisito leia na sa mai kiate au.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Epelo 5:1

Talie, ko le pule fai sakilifisio fuli, kua filifili a ia i lotomalie o le kakai, ti kua fakanofo a ia ki le kakai ke tausi ki le Atua, o tupu ke momoli e ia ni moliga mo ni sakilifisio o tupu ko agasala.

Epelo 5:3

Ti e tupu e kau totonu a ia ki le gaegaeia, e tonu ke momoli e ia ni sakilifisio o tupu ko ana agasala totonu, ti mo ni iki ake o tupu ko agasala a le kakai.

Uluaki tosi a Petelo 1:11

Na lotou fia iloa le lakaga mo agaaga o le temi lena na masau ki ai le Laumalie o Kilisito leia na nofo ia latou, ti na fakasa fakatomua ia a mamae o Kilisito ti mo le kololia leia e muli loa i ia.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,