Zekariya 9:8 - Fulfulde Bible

⁸ Min bee hoore am mi saŋnginan nder lesdi am ngam aynugo ndi. Mi faddan ndi ngam konne'en saalotooɓe. Walaa jananno koo gooto meetataa wargo haa yarna ummaatoore am bone, ngam jonta mi ɗon hakkilana nde.”

Fulfulde DC Bible

⁸ Min bee hoore am mi saŋnginan nder lesdi am ngam aynugo ndi. Mi faddan ndi ngam konne'en saalotooɓe. Walaa jananno koo gooto meetataa wargo haa yarna ummaatoore am bone, ngam jonta mi ɗon hakkilana nde.”

Zekariya 9:8 Iomraidhean Croise

2 Samuyila 16:12

Sey mi munyana kuudi maako jonta. Teema Jawmiraawo laaran ɓillaare am, o wartira ndi barka.”

2 Laamiiɓe 19:34

Ngam min mi aynan berniwol ngo'ol haa mi hisna ngol ngam hoore am e ngam daliila jaggiiɗo am Daawuda boo.”

2 Laamiiɓe 23:29

Nder zamanu laamu maako, Firawna Neko, laamiiɗo Misra wari haa laamiiɗo Assuura haa maayo Efratis. Laamiiɗo Yusiya fotti bee maako ngam o haɗa mo. Ammaa nde Neko yi'i mo, o mbari mo haa Megiddo.

2 Laamiiɓe 24:1

Nder zamanu maako, Nabukodonosor laamiiɗo Baabila wari hippi lesdi Yahuuda. Yooyakim leestani mo duuɓi tati. Ɓaawo maajum, o tuurtani mo.

Jabuura 34:7

To laafuɗo wookani Jawmiraawo, o nanan, o hisnan mo ɓillaaje maako fuu.

Jabuura 72:4

Laamiiɗo gooŋɗina laafuɓe, hisna ɓilliiɓe, halka toonyooɓe.

Gurtaaki 3:7

Nden Jawmiraawo wi'i: “Fakat mi yi'i bone ummaatoore am nder lesdi Misra. Mi nani gookaali maɓɓe daliila kuugal naawŋgal ngal ardiiɓe maɓɓe ndooli ɓe huuwugo, mi anndi torraaji maɓɓe.

Gurtaaki 3:9

Jonta gookaali Isra'iila'en njottake yeeso am, mi yi'i boo ɓillaare nde Misra'en ɓillata ɓe.

Balndi 3:25

Kultoreeŋgol juhataa ma, ko halkata halluɓe ukkantaako ma.

Esaaya 26:1

Nyalaade man ɓe ngiman yimre nde'e nder lesdi Yahuuda: En ngoodi berniwol cemmbiɗŋgol. Ngam hisnugo en, Jawmiraawo taarni ngol mahi ɗiɗi.

Esaaya 31:5

Min Jawmiraawo honooɓe asama mi aynan berniwol Urusaliima, bana colli leerirta dow ɓiɓɓe muuɗum'en. Mi aynan, mi hisnan, mi daaynan sarru, mi rimɗinan ngol.”

Esaaya 4:5

nden kam, dow nokkuure hooseere Siyona e mooɓorle ton fuu, Jawmiraawo tagan ruulde nyalawma, jemma boo cuurɗe e jayŋgol yiite. Tedduŋgal Allah suddan berniwol bana cuddirɗum.

Esaaya 52:1

Fin, fin! Ɓorna baawɗe ma, an Siyona, ɓorna jaage ma, an Urusaliima, berniwol ceniiŋgol! Ngam saadooniijo malla coɓɗo nastataa haa ma fahin.

Esaaya 52:12

Taa ngurte bee jaawal, taa ndille bee dogguki ngam Jawmiraawo ardoto on, Allah Isra'iila wonan ɓaawo mooɗon, o faddoto on.

Esaaya 54:14

A tabitan bee adilaaku. A daayoto ɓillaare, a hulataa fahin. A daayoto kultoreeŋgol boo, ngol ɓaditittaako ma.

Esaaya 60:18

Haala toonyaare meetataa naneego nder lesdi ma, haala bonnuki e halkere meetataa naneego nder keeri ma fuu. A inndan mahi ma Kisndam, dammuɗe ma boo Maŋgtoore.

Yeremiya 31:12

Ɓe ngaran, ɓe mbelmbeltan dow hooseere Siyona, seyo maɓɓe waŋgan daliila barkaaji Jawmiraawo, waato alkamaari e inaboojam e nebbam e baali e na'i ɗum o hokki ɓe. Ɓe laatoto bana jarne cafaaɗe, ɓerɗe maɓɓe meetataa torraago.

Yeremiya 46:13

Jawmiraawo wolwani annabi Yeremiya, nde Nabukodonosor, laamiiɗo Baabila ɗon wara haɓugo bee lesdi Misra:

Yeremiya 46:2

Ndaa ko Jawmiraawo wi'i dow Misra. O wolwi haala mooɓre konu Firawna Neko, laamiiɗo Misra. Nabukodonosor, laamiiɗo Baabila jaali nde haa Karkemis baŋnge maayo Efratis. Ɗum laati nder nduuɓu Yooyakim ɓii Yusiya nayaɓu.

Ezekiyel 39:29

Mi waanjan Ruuhu am dow yimɓe Isra'iila, mi meetataa wiirnugo ɓe gite am. Min Allah Jawmiraawo wi'i ɗum.”

Amos 9:15

Min mi tabitinan ɓe nder lesdi maɓɓe, walaa mo dahata ɓe nder lesdi ndi ndokkumi ɓe.” Non Allah Jawmiraawo mon wi'i.

Zekariya 12:4

Nyalaade man mi hulnan pucci maɓɓe, mi yinnan wa'iiɓe ɗi. Mi maɓɓitan gite am dow Yahuuda ngam aynugo ɗum, ammaa mi wumnan pucci ummaatooje goɗɗe. Min Allah Jawmiraawo wi'i ɗum.

Zekariya 12:8

Saa'i man Jawmiraawo aynan jooɗiiɓe nder Urusaliima. Tampuɓe caka maɓɓe laatoto semmbiɗɓe bana Daawuda. Yimɓe danygol Daawuda boo laatanto ɓe bana Allah, bana malaa'ikaajo Jawmiraawo yeeso maɓɓe.

Zekariya 14:11

Yimɓe njooɗoto ton, nattinki meetataa laataago, yimɓe Urusaliima njooɗoto jam.

Zekariya 9:7

Mi wiftan diga kunnduɗe maɓɓe kusel marŋgel ƴiiƴam e diga caka nyii'e maɓɓe boo coɓŋgel lii'anaaŋgel labbi. Kamɓe boo ɓe laatoto luttuɓe ɓe Allah meeɗen, ɓe laatoto bana yeɓre lenyol gonŋgol nder Yahuuda. Jooɗiiɓe Ekuruun boo nastan caka yimɓe am bana Yebusi'en mbaɗno.

Kuuɗe Nelaaɓe 7:34

Mi yi'i bone yimɓe am nder Misra. Mi nani uumaali maɓɓe, mi jippake haa mi hisna ɓe. Jonta war, haa mi nele haa Misra.

Wahayu Yuhanna 20:9

Ɗe caŋkititto haa duniyaaru fuu, ɗe taaroto saŋngeere senaaɓe Allah e berniwol ngol o ɓuri yiɗugo. Nden yiite jippoto diga asama, nyaaman ɗe.