Zekariya 9:11 - Fulfulde Bible

¹¹ Jawmiraawo wi'i: “Ngam daliila alkawal am bee mooɗon, tabitinaaŋgal bee ƴiiƴam ndufaaɗam, mi yooftan haɓɓaaɓe mooɗon diga ngaska ka walaa ndiyam.

Fulfulde DC Bible

¹¹ Jawmiraawo wi'i: “Ngam daliila alkawal am bee mooɗon, tabitinaaŋgal bee ƴiiƴam ndufaaɗam, mi yooftan haɓɓaaɓe mooɗon diga ngaska ka walaa ndiyam.

Zekariya 9:11 Iomraidhean Croise

2 Samuyila 13:13

Toy njahanmi to a toski yam? An boo a laatoto bana baɗɗo zunuuba nder Isra'iila. Wolwu bee laamiiɗo, naa o te'natam bee maaɗa na?”

2 Habaruuji Nyalaaɗe 7:17

An boo, to a ɗowtanake yam bana baaba ma Daawuda, to a waɗi ko mi umri ma fuu, to a ɗowtani farillaaji am e kiitaaji am,

Ayuba 33:30

haa o hisna mo diga maayde, haa jayŋgol ngeendam boo yaynana neɗɗo oo.

Jabuura 30:3

Yaa Jawmiraawo Allah am, mi wookani ma, an a yamɗitini yam.

Jabuura 40:2

Dow Jawmiraawo tabitinmi tammunde am. Nden o wayliti heedi am, o nani wookaandu am.

Jabuura 69:33

To toskaaɓe ngi'i ɗum, ɓe ceyoto, ɓaditooɓe Allah boo keɓan juutal balɗe.

Gurtaaki 24:8

Nden Muusa hoo'i ƴiiƴam nder taasaaje go, wicci ɗam dow Isra'iila'en, o wi'i: “Ƴiiƴam ɗa'am ɗon tabitina alkawal ngal Jawmiraawo haɓɓi bee mooɗon fodde umrooje ɗe'e fuu.”

Esaaya 24:22

O mooɓtan ɓe fuu, bana haɓɓaaɓe nder ngaska, o maɓɓan ɓe nder suudu fursina. Ɓaawo nyalɗe ɗuuɗɗe o hiitoto ɓe.

Esaaya 42:22

Ammaa yimɓe ummaatoore nde'e ɓe jaɓtaaɓe, ɓortaaɓe. Ɓe maɓɓaaɓe nder gasɗe, suuɗiiɓe nder cuuɗi kaɓɓorli. Ɓe laati keɓal konu, walaa kisnanɗo ɓe. Ɓe jaɓtaaɓe, ammaa walaa bi'anɗo: Hokkitam!

Esaaya 42:7

haa mbumtina wumɓe, ngurtina haɓɓaaɓe diga fursina, jooɗiiɓe nder nyiɓre boo diga yaŋgada muuɗum'en.

Esaaya 49:9

haa mbi'a haɓɓaaɓe: Ngurte, wonɓe nder nyiɓre boo: Mbaŋge haa jayŋgol. Ɓe nduran bana tokkere haa laabi, towndiije cooke fuu laatoto durduɗe maɓɓe.

Esaaya 51:14

Nii seɗɗa ɓe njooftan haɓɓaaɓe. Ɓe maayataa nder ngaska. Ɓe cooyataa nyaamdu.

Esaaya 58:12

Daliila mooɗon, ɓe nyiɓtoto bille ɓooymaaje dow caɓɓaaje ɗe gide caaliiɗe mballini. On ewneteeɓe maɓɓooɓe ceekli, wo'itinooɓe pattule haa yimɓe njooɗo.”

Esaaya 61:1

Ruuhu Jawmiraawo Allah ɗon dow am. Ngam Jawmiraawo moyti yam, neli yam haa mi waazina laafuɓe habaru seyo, mi nyawnda ta'a-ɓerɗe'en, haa mi wooynana haɓɓaaɓe ndimu, jooɗiiɓe nder kaɓɓirgal boo dimɗinki.

Yeremiya 38:6

Kamɓe ɓe koo'i Yeremiya, ɓe ngubi mo nder ɓulndu Malkiya ɓii laamiiɗo, wonndu haa daldal saare laamiiɗo haa aynooɓe aynata. Ɓe njippini mo bee ɓoggi. Ndiyam woodaa nder maaru, sey loope. Yeremiya nufi nder loope man.

Daniyel 2:29

Saa'i a ɗon waali, barkaama, a numi ko tammi laataago. Baŋginoowo sirriiji anndini ma ɗum.

Matta 26:28

ngam ɗum ƴiiƴam am, ndufaaɗam ngam yaafuye hakkeeji yimɓe ɗuuɗɓe, bee maajam Allah tabitiniri alkawal muuɗum.

Markus 14:24

O wi'i ɓe: “Ɗum ƴiiƴam am ndufaaɗam ngam ɗuuɗɓe, bee maajam Allah tabitiniri alkawal muuɗum.

Luka 16:24

O wooki, o wi'i: Yaa baabiraawo am Ibrahiima, hinnam. Nel Laazarus ngam o suuwa hoondu maako nder ndiyam, o feewtina ɗemŋgal am, ngam mi ɗon yaŋgito nder yiite nge'e.

Luka 22:20

Bana non boo, o hoo'i jardugel ɓaawo nyaamdu, o hokki ɓe ngel, o wi'i: “Jardugel nge'el ɗum alkawal kesal. Allah tabitiniri ngal bee ƴiiƴam am ndufaaɗam ngam mooɗon.

Luka 4:18

“Ruuhu Jawmiraawo ɗon dow am, o mooyti yam ngam haa mi waazina laafuɓe habaru seyo. O neli yam haa mi wooynana haɓɓaaɓe ndimu muuɗum'en, ngam wumtingo wumɓe, ngam jooftuki torraaɓe,

1 Korintu'en 11:25

Ɓaawo nyaamugo maɓɓe, o hoo'i jardugel boo, o wi'i: “Jardugel nge'el woni alkawal kesal ngal Allah tabitiniri bee ƴiiƴam am. Koo ndey njaroton nder maagel fuu, mbaɗe ɗum ngam haa on ciftorammi.”

Tooktaaki Tawreeta 5:31

Ammaa an, wondu bee am haa ɗo, haa mi wi'e umrooje e farillaaji e kiitaaji am fuu. Ekkitin ɗum yimɓe, haa ɓe ɗowtano ɗum nder lesdi ndi ndokkanmi ɓe ɓe mara.

Ibraniŋke'en 10:2

To jagganooɓe Allah laɓɓinaamano diga hakkeeji maɓɓe fakat, hakkeeji man ɓillataano numo-ɓerɗe maɓɓe fahin, walaa haaje lii'aago kirseteeɗi fahin.

Ibraniŋke'en 10:29

Sakkomaa to goɗɗo yawake Ɓiɗɗo Allah, to o laari ƴiiƴam alkawal Allah ɗam laɓɓini mo bana huunde meere, to o huɗi Ruuhu mo'ere! Fakat, o heɓan kiita ɓurka hallugo.

Ibraniŋke'en 13:20

Allah jawmu salaaman ummitini Jawmiraawo meeɗen Yeesu diga maayde – kaŋko o laati gaynaako baali mawɗo, o tabitini alkawal duumiiŋgal bee ƴiiƴam maako –

Wahayu Yuhanna 20:3

O sakkini nga nder ngaska lugguka, huɓli ka, waɗi lammba dow maaka, ngam taa nga meeta zammbaago ummaatooje fahin, sonaa to duuɓi ujineere timmi. Ɓaawoɗon doole nga yoofe baakin wakkati seɗɗa.