Zekariya 8:23 - Fulfulde Bible

²³ Saa'i man yimɓe sappo wolwanɓe ɗemɗe feere feere njogoto limce Yahuuduujo gooto, ɓe mbi'a: Min njahdan bee mooɗon, ngam min nani Allah ɗon wondi bee mooɗon.”

Fulfulde DC Bible

²³ Saa'i man yimɓe sappo wolwanɓe ɗemɗe feere feere njogoto limce Yahuuduujo gooto, ɓe mbi'a: Min njahdan bee mooɗon, ngam min nani Allah ɗon wondi bee mooɗon.”

Zekariya 8:23 Iomraidhean Croise

Laataanooji 31:41

Waɗi duuɓi noogas mi ɗon haa saare ma. Mi huuwani ma duuɓi sappo e nayi ngam ɓiɓɓe ma rewɓe ɗiɗo, nden duuɓi joweego ngam dammooji ma! A wayliti ngeenaari am nde sappo.

Laataanooji 31:7

Baaba mooɗon waɗi yam rikici, o wayliti ngeenaari am nde sappo. Ammaa Allah duŋanaay mo o waɗammi kalluɗum.

2 Laamiiɓe 2:6

Kadiboo Eliya wi'i Elisa: “Jooɗa haa ɗo, Jawmiraawo neli yam haa Urdun.” Ammaa Elisa wi'i mo: “Fakat bana Jawmiraawo o geeto e an boo a geeto, mi accataa ma sam!” Nden ɓe njahdi, ɓe ɗiɗo fuu.

1 Habaruuji Nyalaaɗe 12:18

Daawuda wurti, fotti bee maɓɓe, wi'i ɓe: “To jam waddi on haa ɗo haa on mballammi kam, mi jaɓan on bee ɓernde woore, ammaa to on ngari ngam zammbaago yam e wallugo konne'en am, koo to mi waɗaay aybe sam, nden kam sey Allah kaakiraaɓe meeɗen laara ɗum, hiito on!”

2 Habaruuji Nyalaaɗe 15:9

O mooɓti yimɓe Yahuuda e Benyamin fuu non boo yimɓe Efrayim e Manassa e Simeyon hoɗɓe caka muuɗum'en. Isra'iila'en kawtani ɓe nde ɓe ngi'i Jawmiraawo ɗon wondi bee maako.

Asta 8:17

Haa berniwol e haa lesdi haa umroore laamiiɗo yotti fuu, seyo e welwelo laatani Yahuudu'en, ɓe mbaɗi nyaamduuji e juulde. Ummaatooje ɗuuɗɗe nder lesɗe njaɓi diina Yahuudu'en, ngam kulol Yahuudu'en ukkani ɗe.

Ayuba 19:3

On kuɗi yam nde sappo! Koni torroton yam bilaa semteende?

Gaazoowo 11:2

Hokku caahu haa yimɓe njoweeɗiɗo malla njoweetato, ngam a anndaa sarru nguye ukkanto lesdi.

Esaaya 3:6

Goɗɗo naŋngan deerɗum nder saare baaba mum, wi'an ɗum: “A mari alkibbaare, laata ardiiɗo amin, a mara bille ɗe'e!”

Esaaya 4:1

Nyalaade man rewɓe njoweeɗiɗo naŋngan gorko gooto, mbi'an mo: “Min nyaaman nyaamdu amin, min ɓornoto limce amin boo, ammaa accu min ewnire bee innde maaɗa, ittan min toskaare!”

Esaaya 45:14

Ndaa nii Jawmiraawo wi'i: “Risku Misra e bote filu Etiyopiya e Seba'en juuta-darɗe'en ngaran haa mooɗon, laatanto on. Ɓe tokkoto on, ɓe haɓɓaaɓe bee callalluuji, ɓe turoto yeeso mooɗon, ɓe ceedoto: Allah kam haa mooɗon tan woni, walaa ɗowanteeɗo feere.”

Esaaya 45:24

Yimɓe ɓe'e mbi'an: Haa Jawmiraawo tan adilaaku e semmbe ngoni. Ammaa wanyɓe yam fuu ngaran yeeso am, ɓe cemtan.

Esaaya 55:5

Jonta a ewnoto ummaatoore nde a anndaa. Ummaatoore nde anndaano ma waran haa maaɗa bee jaawal. Min Allah Jawmiraawo ma, Ceniiɗo Isra'iila, mi waɗan ɗum, mi hokkete daraja.

Esaaya 60:14

Ɓillooɓe ma ngaran haa maaɗa ɓe turiiɓe. Yawiiɓe ma cujidante. Ɓe ewnete Berniwol Jawmiraawo, Siyona, berniwol Ceniiɗo Isra'iila.

Esaaya 60:3

Ummaatooje ngaran haa annoora maaɗa, laamiiɓe boo haa jayŋgol ngol a fuɗɗi waŋgingo.

Esaaya 66:18

Mi anndi kuuɗe maɓɓe e numooji maɓɓe. Wakkati mooɓtugo yimɓe ummaatooje e ɗemɗe fuu yottake. To ɓe ngari, ɓe ngi'an tedduŋgal am.

Mika 5:5

Kamɓe ɓe nduran lesdi Assuura bee kaafahi e lesdi Nimrudu bee kaafahi losaaki. Bana non Jawmiraawo hisnirta en juuɗe Assuura'en, to ɓe nasti lesdi meeɗen, ɓe njaaɓi nder keeri meeɗen.

Sefaniya 3:19

Ndaa, saa'i man kalkanmi ɓillooɓe on fuu. Mi wallan woosɓe, mi mooɓtan saŋkitiiɓe. Haa ɓe toski fuu, ton ndokkanmi ɓe tedduŋgal e daraja.

Limle 14:22

ummaatoore nde'e fuu nastataa lesdi man. Ngam nde yi'i tedduŋgal am e alaamaaji ɗi mbaŋginmi nder lesdi Misra e nder ladde boo, ammaa nde foondi yam bana nii nde sappo jonta, nde nananaay yam. Ngam maajum nde yi'ataa lesdi ndi kunaniimi kaakiraaɓe maare. Yawiiɓe yam fuu boo ngi'ataa ndi sam.

Luka 8:44

O ɓaditi Yeesu haa ɓaawo, o meemi gawargal limce maako. Law nii ilol ƴiiƴam maako go dari.

Kuuɗe Nelaaɓe 19:12

Ɓe njahrani nyawɓe leppi e limce meemɗe ɓanndu Pol, nyawuji maɓɓe timmi, ruuhuuji kalluɗi boo ngurti.

1 Korintu'en 14:25

ɗe mbaŋginan numooji ɓernde maako. Nden o sujidanan Allah, o seedoto: “Fakat, Allah ɗon caka mooɗon!”

Yosuwa 8:35

Umrooje Muusa koo ɗeye, Yosuwa jaŋngi ɗe yeeso jama'aare Isra'iila, kamɓe e rewɓe maɓɓe e ɓikkoy maɓɓe e hoɗɓe jooɗiiɓe caka maɓɓe fuu.