Zekariya 8:16 - Fulfulde Bible

¹⁶ Ndaa ko ngiɗmi on mbaɗa: Mbolwindire gooŋga, ta'e kiita gooŋgaaha haa babe kiita, ngam haa jam tabito.

Fulfulde DC Bible

¹⁶ Ndaa ko ngiɗmi on mbaɗa: Mbolwindire gooŋga, ta'e kiita gooŋgaaha haa babe kiita, ngam haa jam tabito.

Zekariya 8:16 Iomraidhean Croise

Jabuura 15:2

Sey mo laatake timmuɗo nder yahdu mum, baɗanɗo adilaaku, bolwanɗo gooŋga bee ɓernde woore.

Jabuura 34:15

O daayo halleende, o waɗa mbooɗeeŋga, o tiino ɗaɓɓugo salaaman.

Balndi 12:17

Bolwanɗo gooŋga anndinan ko fotti, ammaa ceedoowo fewre waɗan rikici.

Balndi 12:19

Gooŋga ɗon tabiti haa foroy, ammaa fewre timman tippungel.

Esaaya 9:7

Jawmiraawo neli koŋngol dow danygol Yaakubu, ngol laarani Isra'iila.

Yeremiya 22:3

Ndaa nii o wi'i: Mbaɗe kiita ngooŋɗuka e adilaaku. Kisne jaɓtaaɗo nder juŋngo toonyoowo. Taa ɓille hoɗɓe e atiime'en e rewɓe yurumɓe, taa toonye ɓe! Acce mbarugo yimɓe ɓe ngalaa aybe haa nokkuure nde'e!

Ezekiyel 18:8

O hokkataa nyamaande bee ndiyam sam. O saloto waɗugo kalluɗum, o hiitoto jokkirgol hakkunde yimɓe bee gooŋga.

Ezekiyel 45:9

Ndaa nii Allah Jawmiraawo wi'i: “Halleende mon duuri, he'i, onon laamiiɓe Isra'iila! Acce toonyaago e ɓillugo, kuuwe kuuɗe darnuɗe, adiliije! Taa meete riiwugo yimɓe ummaatoore am diga lesdi maɓɓe! Min Allah Jawmiraawo wi'i on ɗum.

Farillaaji Lewi'en 19:11

Taa ngujje, taa pewpewtire, taa mbaɗindire rikici.

Amos 5:15

Nganye halleende, ngiɗe mbooɗeeŋga, mbaɗe kiita ngooŋɗuka haa hiitordu. Teema Jawmiraawo, Allah honooɓe asama hinnoto luttuɓe Yusufu.

Amos 5:24

Ko ngiɗmi kam, haa kiita ngooŋɗuka ɓula bana ndiyam, gooŋgaaku boo bana maayel ngel jinnataa.

Mika 6:12

Riskuɓe berniwol keewi toonyaare, jooɗiiɓe nder maagol ɗon mbolwa pewe, ɗemɗe maɓɓe ɗon pewjo.

Mika 6:8

An neɗɗo, Jawmiraawo anndini ma ko wooɗi e ko o ɗaɓɓata haa maaɗa: Ɗum waɗugo ko fotti, yiɗugo waɗugo mbooɗeeŋga e tokkaago Allah ma bee tiinaare.

Sefaniya 3:13

Luttuɓe Isra'iila mbaɗataa kalluɗum, ɓe mbolwataa fewre, walaa bolle cargooje nder kunnduɗe maɓɓe. Bana tokkere ɓe ndurata, ɓe mbaaloto, walaa kulnanɗo ɓe.”

Zekariya 7:9

Ndaa nii Jawmiraawo honooɓe asama wi'i: “Mbaɗe kiita ngooŋɗuka, mboonindire, enɗindire hakkunde mooɗon.

Zekariya 8:19

wi'i: “Suumaago nder lewru nayaɓru e jowaɓru e joweeɗiɗawru e sappooru laatanto yimɓe ummaatoore Yahuuda nyalɗe juulɗe e welwelo e seyo. Ammaa ngiɗe gooŋgaaku e salaaman.”

Zekariya 8:3

Ndaa nii Jawmiraawo wi'i: “Mi wartan haa Siyona, mi jooɗoto haa caka Urusaliima. Innde Urusaliima laatoto Berniwol-Gooŋga, innde hooseere Jawmiraawo honooɓe asama boo laatoto Hooseere-Seniinde.”

Matta 5:9

Barka laatanto sulhindiranɓe yimɓe, ngam ɓe wi'eteeɓe ɓiɓɓe Allah.

Efesu'en 4:17

Ndaa ko mbi'anmi, mi ɗon tiɗɗina on bee innde Jawmiraawo: Taa tokke yeeɗugo bana heefeerɓe ngeeɗirta. Kamɓe, numooji maɓɓe ɗon majjina ɓe.

Efesu'en 4:25

Nden kam acce fewugo, mbolwindire gooŋga, ngam en fuu en terɗe haa ɓanndu wooru.

1 Tessaloniiki'en 4:6

Taa koo moy waɗana deerɗum aybe dow haala ka'a, taa o toskina mo. Min mbi'i on ɗum diga ɓooyma, min ndeentini on boo: Jawmiraawo hiitoto ɗum fuu.

Wahayu Yuhanna 21:8

Ammaa hulɓe, sooya-nuɗɗinki'en, waɗooɓe ko nyiddi, mbarooɓe ko'e, daakaare'en, waɗooɓe hiila, rewooɓe labbi e fewooɓe fuu, geɗal maɓɓe laatoto nder weendu wulanndu bee yiite e baruudu. Kanjum woni maayde ɗiɗawre.”