Zekariya 8:14 - Fulfulde Bible

¹⁴ Jawmiraawo honooɓe asama wi'i: “Mi anninino ukkanaago on sarru, ngam kaakiraaɓe mon tikkini yam, mi mimsitaaki boo.

Fulfulde DC Bible

¹⁴ Jawmiraawo honooɓe asama wi'i: “Mi anninino ukkanaago on sarru, ngam kaakiraaɓe mon tikkini yam, mi mimsitaaki boo.

Zekariya 8:14 Iomraidhean Croise

2 Habaruuji Nyalaaɗe 36:16

Ammaa ɓe njanci nelaaɓe Allah, ɓe njawi bolle maako, ɓe njali annabi'en maako haa tikkere Jawmiraawo ummi dow yimɓe mum, haa joonde nde'e wo'tataake.

Jabuura 33:11

Ammaa nufayeeje Jawmiraawo ɗon tabiti haa foroy, anniyaaji maako duumoto haa gide fuu.

Esaaya 14:24

Jawmiraawo honooɓe asama huni, wi'i: “Fakat, bana numrumi, non ɗum laatorto, bana nuforiimi, non ɗum timmirta:

Yeremiya 20:16

Gorko man laato bana gure ɗe Jawmiraawo wili bilaa enɗam. Nde weeti fuu o nana bojji, caka naaŋge boo hoolo konu!

Yeremiya 29:11

Mi anndi nufayeeje am dow mooɗon. Mi ɗon nufano on hayru, naa sarru, haa nyalɗe mon garanɗe keewa tammunde – non Jawmiraawo wi'i.

Yeremiya 31:28

Bana mi tiɗɗiniri ɗoofugo e fe'ugo, ngam halkugo e yibbingo e wonnugo, bana non mi tiɗɗiniran nyiɓtaago e jubaago ɓe.” Non Jawmiraawo wi'i.

Yeremiya 32:42

Bana njahrirmi sarru naawŋgu ngu'u fuu dow yimɓe ummaatoore nde'e, bana non ndokkiranmi ɓe kuuje booɗɗe ɗe kunaniimi ɓe fuu.

Yeremiya 4:28

Ngam maajum lesdi sunoto, asama boo nyiɓɓan. Ngam min mi anndini anniya am, mi mimsitittaako, mi lorataako ɓaawo.

Ezekiyel 24:14

Min Jawmiraawo wi'i ɗum. Ɗum laatoto. Mi waɗan ɗum, mi faasitittaa, mi enɗataa, mi yurmintaa. Mi hiitete fodde gikku ma e fodde kuuɗe ma.” Nii Allah Jawmiraawo wi'i.

Zekariya 1:2

“Min Jawmiraawo mi tikkani kaakiraaɓe mooɗon masin.

Zekariya 1:6

Ammaa mi ukkani kaakiraaɓe mooɗon naalooje fodde bolle am e farillaaji am ɗum umrumi sukaaɓe am annabi'en. Nden ɓe lorti, ɓe mbi'i: Jawmiraawo honooɓe asama anninino waɗugo min fodde laabi amin e kuuɗe amin, non o waɗi boo.”