Zekariya 8:12 - Fulfulde Bible

¹² Jonta kam, mi waddanan lesdi mon jam, inabooje ndiman, lesdi waɗan nyaamle, asama toɓnan iyeende. Hayruuji ɗi'i fuu mi hokkan ɗi luttuɓe ummaatoore nde'e haa ɓe mara ɗi.

Fulfulde DC Bible

¹² Jonta kam, mi waddanan lesdi mon jam, inabooje ndiman, lesdi waɗan nyaamle, asama toɓnan iyeende. Hayruuji ɗi'i fuu mi hokkan ɗi luttuɓe ummaatoore nde'e haa ɓe mara ɗi.

Zekariya 8:12 Iomraidhean Croise

Laataanooji 26:12

Hitaande maajum, Isiyaaku aawino nder lesdi maajum. O ƴaamni cowi teemerre ko o aawi, ngam Jawmiraawo barkiɗini mo.

Laataanooji 27:28

Allah hokke saawawre asama, o rimna gese ma, alkamaari e inaboojam ma ɗuuɗa masin.

1 Laamiiɓe 17:1

Eliya goɗɗo iwɗo diga Tisbe nder Gile'at wi'i Akab: “Bana Jawmiraawo Allah Isra'iila mo mi jagganto o geeto, mi ɗon wi'e: Fakat nder duuɓi garanɗi ɗi'i iyeende toɓataa, koo saawawre waɗataa, sonaa to mi tori mo.”

Jabuura 72:3

Sey kooseeje ngaddana ummaatooje salaaman, towndiije boo ngaddana ɗe adilaaku.

Jabuura 85:12

Gooŋgaaku fuɗan diga lesdi, adilaaku ɗon jimmito diga asama.

Balndi 19:12

Tikkere laamiiɗo nanndi bee ubbaaŋgo mbarooga, yerduye maako boo nanndi bee saawawre dow huɗo.

Esaaya 30:23

Nden kam Jawmiraawo toɓnan iyeende dow aawdi mon ndi aawɗon nder lesdi. Lesdi fuɗnan nyaamdu welndu, semmbiɗndu. Nyalaade man tokke mon nduran nder durdude yaasnde.

Esaaya 61:7

Haa pellel toskaare, on keɓan barka cowi ɗiɗi. Haa pellel saklere, on ceyorto geɗe mon. On keɓtan marle mon cowi ɗiɗi nder lesdi maɓɓe, seyo laatanto on haa foroy.

Yeremiya 31:12

Ɓe ngaran, ɓe mbelmbeltan dow hooseere Siyona, seyo maɓɓe waŋgan daliila barkaaji Jawmiraawo, waato alkamaari e inaboojam e nebbam e baali e na'i ɗum o hokki ɓe. Ɓe laatoto bana jarne cafaaɗe, ɓerɗe maɓɓe meetataa torraago.

Ezekiyel 34:28

Ummaatooje goɗɗe meetataa jaɓtugo ɓe, kuuje ladde kalluɗe meetataa nyaamugo ɓe. Ɓe njooɗoto jam, walaa kulnanɗo ɓe.

Ezekiyel 36:12

Mi hooran yimɓe am Isra'iila'en, haa ɓe ngaanca dow mooɗon. Ɓe maran on, on laatoto maral maɓɓe. On meetataa halkugo ɓikkoy maɓɓe.

Ezekiyel 36:30

Mi ɗuɗɗinan ɓiɓɓe leɗɗe e ƴaamle gese, ngam taa ummaatooje meeta huɗugo on ngam daliila weelo.

Ezekiyel 36:9

Ndaa, mi ɗon wara haa mooɗon, mi wayliti heedi mooɗon. Fakat ɓe ndeman on fahin, ɓe aawan aawdi dow mooɗon.

Hose'a 13:3

Ngam maajum ɓe laatoto bana ruulde fajiri, bana saawawre subaha sottannde law, bana nyaande ruuyannde diga laarre, bana cuurɗe gurtotooɗe haa burɗe.

Hose'a 14:5

Jawmiraawo wi'i: “Mi yamɗitinan ɓe diga nyawu gudinki nuɗɗinki maɓɓe, mi yiɗan ɓe bee ngiɗa am, ngam tikkere am wayliti, acci ɓe.

Yo'el 2:19

O jaabi ɓe ni'i: “Ndaa mi neldi on alkamaari e inaboojam e nebbam haa on kaara. Mi meetataa accugo ummaatooje njanca on.

Yo'el 2:22

Onon dabbaaji ladde, taa kule! Ngam durduɗe nder ladde puɗiti, leɗɗe ɗon ndima, ibbi e inabohi ɗon ndima ɓiɓɓe.

Farillaaji Lewi'en 26:3

To on tokkake farillaaji am, to on kakkilani umrooje am, to on ɗowtanake ɗe,

Sefaniya 3:13

Luttuɓe Isra'iila mbaɗataa kalluɗum, ɓe mbolwataa fewre, walaa bolle cargooje nder kunnduɗe maɓɓe. Bana tokkere ɓe ndurata, ɓe mbaaloto, walaa kulnanɗo ɓe.”

Haggay 1:10

Ngam maajum asamanji njogitani on saawawre, lesdi boo jogitani on ƴaamle.

Haggay 2:18

Kakkilane ko waɗete diga hannde yahugo yeeso, waato diga nyannde noogas e nayaɓre nder lewru joweenayaɓru, nde on mballini caɓɓawal haykaliiru Jawmiraawo, kakkilane ɗu'um:

Haggay 2:19

Aawdi jinni haa beembal na? Inabohi e ibbi e rummaanoohi e jaytunhi ndimaay na? Ammaa diga hannde puɗɗanmi barkiɗingo on.”

Zekariya 8:6

Jawmiraawo honooɓe asama wi'i: “To ɗum laatani luttuɓe yimɓe ɓe'e kayɗiniiɗum nder nyalɗe man, ɗum laatanto yam min boo kayɗiniiɗum na?”

Malakiya 3:11

Mi telɓanan nyaamooji ngam mooɗon, ɗi mbonnataa ƴaamle lesdi mon. Inabooje haa gese mon ndiman foroy, meetataa tampugo. Non Jawmiraawo honooɓe asama wi'i.

Matta 6:33

Aarte suklanaago laamu Allah e adilaaku muuɗum, nden kam o hokkan on kuuje ɗe'e fuu bana ɓesdaari.

1 Korintu'en 3:21

Ngam man taa goɗɗo tabitina teddinki mum dow manoore yimɓe. Ngam koo ɗume fuu onon mari.

Tooktaaki Tawreeta 32:2

Ekkitinol am toɓa bana iyeende, bolle am laato bana saawawre dow lesdi. Ɗe toɓa bana iyeende dow huɗo, bana waabiliire dow haakooji kecci.

Tooktaaki Tawreeta 33:13

Dow yimɓe lenyol Yusufu o wi'i: “Jawmiraawo barkiɗin lesdi maɓɓe bee kuuje booɗɗe diga dow bee saawawre e bee ndiyamji diga luggeeŋga lesdi!

Tooktaaki Tawreeta 33:28

Isra'iila'en, danygol Yaakubu, ɗon njooɗi feere muuɗum'en nder salaaman. Lesdi maɓɓe heewi alkamaari e inaboojam. Asama ɗon waɗa saawawre dow maari.

Yaakuba 3:18

Kuuɗe adiliije iwi haa sulhindiranɓe yimɓe, waddanɓe sulhu hakkunde yimɓe.