Zekariya 7:9 - Fulfulde Bible

⁹ Ndaa nii Jawmiraawo honooɓe asama wi'i: “Mbaɗe kiita ngooŋɗuka, mboonindire, enɗindire hakkunde mooɗon.

Fulfulde DC Bible

⁹ Ndaa nii Jawmiraawo honooɓe asama wi'i: “Mbaɗe kiita ngooŋɗuka, mboonindire, enɗindire hakkunde mooɗon.

Zekariya 7:9 Iomraidhean Croise

2 Samuyila 9:7

Daawuda wi'i mo: “Taa hul, ngam fakat mi woonante ngam daliila baaba ma Yonatan. Mi lornante gese maama ma Sawulu fuu. A nyaamdan bee am foroy.”

Ayuba 31:20

min mi ɓorni mo limce gaasa baali am, koo to o yettaay yam, o barkiɗinaay innde am.

Ayuba 6:14

Mo ɗon nder torra mari haaje walliinde sooba mum, koo to o accuɗo hulugo Allah Baawɗo boo.

Balndi 21:3

Waɗugo adilaaku e pottuɗum ɓuri fottango Jawmiraawo dow kirseteeɗi.

Yeremiya 22:3

Ndaa nii o wi'i: Mbaɗe kiita ngooŋɗuka e adilaaku. Kisne jaɓtaaɗo nder juŋngo toonyoowo. Taa ɓille hoɗɓe e atiime'en e rewɓe yurumɓe, taa toonye ɓe! Acce mbarugo yimɓe ɓe ngalaa aybe haa nokkuure nde'e!

Yeremiya 7:23

Ammaa mi umri ɓe ɓe ɗowtano yam, haa mi laato Allah maɓɓe, kamɓe boo ɓe laato ummaatoore am. Mi umri ɓe boo ɓe tokko laawol ngol umrumi ɓe tokkaago fuu, haa ɓe keɓa hayru.

Yeremiya 7:5

Mbo'ine yahdu mooɗon e kuuɗe mooɗon, mbaɗe kiita ngooŋɗuka hakkunde mooɗon.

Ezekiyel 18:8

O hokkataa nyamaande bee ndiyam sam. O saloto waɗugo kalluɗum, o hiitoto jokkirgol hakkunde yimɓe bee gooŋga.

Ezekiyel 45:9

Ndaa nii Allah Jawmiraawo wi'i: “Halleende mon duuri, he'i, onon laamiiɓe Isra'iila! Acce toonyaago e ɓillugo, kuuwe kuuɗe darnuɗe, adiliije! Taa meete riiwugo yimɓe ummaatoore am diga lesdi maɓɓe! Min Allah Jawmiraawo wi'i on ɗum.

Hose'a 12:7

Sey a lorto haa Allah maaɗa. Jogita mbooɗeeŋga e kiita gooŋɗuka, tammora Allah maaɗa foroy.

Farillaaji Lewi'en 19:15

Laate on adili'en nder kiitaaji. Taa koynane talaka'en, taa teddine mawɓe boo, ammaa on kiitano heeddiɗɗiraaɓe mooɗon bee adilaaku.

Amos 5:24

Ko ngiɗmi kam, haa kiita ngooŋɗuka ɓula bana ndiyam, gooŋgaaku boo bana maayel ngel jinnataa.

Mika 6:8

An neɗɗo, Jawmiraawo anndini ma ko wooɗi e ko o ɗaɓɓata haa maaɗa: Ɗum waɗugo ko fotti, yiɗugo waɗugo mbooɗeeŋga e tokkaago Allah ma bee tiinaare.

Zekariya 7:7

Bolle ɗe'e Jawmiraawo wi'no bee kunnduɗe annabi'en ɓooyma boo. Saa'i maajum yimɓe ɗonno njooɗi haa Urusaliima, ɗonno koolɗini, non boo haa gure maagol taariiɗe ngol e Lesdi Fombina e towndiije hiirnaaŋge fuu.

Zekariya 7:8

Jawmiraawo wolwani Zekariya ni'i:

Matta 23:23

Bone laatanto on, onon moodiɓɓe tawreeta e Farisa'en, naafiki'en! On ɗon ittana Allah zakka koo haa haako minti e haako anisa e haako algaru, ammaa on acci ko ɓuri mawnugo nder tawreeta, waato waɗugo kuuɗe adilaaku, enɗam e gooŋgaaku. Kanjum haani waɗeego bilaa yeebaago luttuɗum boo.

Luka 11:42

Ammaa bone laatano on, onon Farisa'en! Ngam on ɗon itta zakka haako minti e haako jarne e haakooji nyaameteeɗi fuu e on ɗon ngeeba adilaaku e yiide Allah. Kanji ɗi kaandi jogeego, ammaa taa on ngejjita luttuɗi boo.

Yuhanna 7:24

Taa kiite fodde ko gite ngi'ata, ammaa kiite kiita adiliiha.”

Yuhanna 7:51

“Tawreeta meeɗen duŋani en hiitaago goɗɗo diga en nanaay mo, en anndaa ko o waɗi na?”

Tooktaaki Tawreeta 22:1

To a yi'i nagge deerɗiraawo ma malla ndammoowa maako eeri, sey a suklano ɗum, a lornana mo ɗum.