Zekariya 7:13 - Fulfulde Bible

¹³ Ngam maajum Jawmiraawo mo asama wi'i: “Mi ewni ɓe, ammaa ɓe nanaay. Nden kamɓe ɓe ewni yam, ammaa min mi nanaay.

Fulfulde DC Bible

¹³ Ngam maajum Jawmiraawo mo asama wi'i: “Mi ewni ɓe, ammaa ɓe nanaay. Nden kamɓe ɓe ewni yam, ammaa min mi nanaay.

Zekariya 7:13 Iomraidhean Croise

Balndi 21:13

Cukkanɗo noppi mum ngam gookaali laafuɗo, kaŋko boo o wookan, ammaa walaa nananɗo ɗum.

Balndi 28:9

To goɗɗo sukki noppi mum ngam taa o nana tawreeta, tornde maako laatoto nyiddunde haa Allah.

Esaaya 1:15

To on mbeeɗi juuɗe mooɗon ngam do'aago, mi wiirnan gite am ngam taa mi yi'a on. Koo to on ɗuɗɗini do'aaje, mi nanataa ngam juuɗe mooɗon keewi ƴiiƴam.

Esaaya 50:2

Nde ngarmi, koni walaa koo goɗɗo haa ɗo? Nde ewniimi, koni walaa jaabiiɗo? Kadi juŋngo am rammi, he'ataa rimɗingo na? Semmbe am he'aay hisnugo na? Ndaa, bee umroore am telɓananmi mbeela, njoornanmi nga, ngartiranmi maaje ladde meere. Liɗɗi gonɗi ton mbaatan daliila ɗomka, ɗi nyolan ngam ndiyam woodaa.

Yeremiya 11:10

Ɓe lori haa hakkeeji kaakiraaɓe maɓɓe saliiɓe ɗowtanaago bolle am, ɓe tokki ɗowanteeɓe woɗɓe, ɓe ɗowtani ɓe. Yimɓe Isra'iila e yimɓe Yahuuda piisti alkawal ngal kaɓɓumi bee kaakiraaɓe maɓɓe.

Yeremiya 11:11

Ngam maajum ndaa nii Jawmiraawo wi'i: mi ukkanan ɓe sarru, ɓe mbaawataa daɗugo ngu. To ɓe torake yam, mi nanataa ɓe.

Yeremiya 11:14

An Yeremiya, taa do'ana yimɓe ɓe'e, taa tora ngam maɓɓe! To ɓe mboyani yam nder saa'iire sarru, mi nanataa ɓe.”

Yeremiya 14:12

Koo to ɓe cuumake, mi nanataa bojji maɓɓe. Koo to ɓe lii'anake yam kirsaaɗi e dokke nyaamdu, mi yerdataako ɓe. Ammaa mi halkan ɓe bee konu e weelo e nyawu kalluŋgu ndaaɓoowu.”

Yeremiya 14:2

“Lesdi Yahuuda ɗon nder suno, berniiji maari ɗon mbaata, yimɓe maari ɗon njooɗi, ɗon mboya. Urusaliima ɗon ummina gookaali.

Yeremiya 7:27

An boo, Yeremiya, to a wolwani ɓe bolle ɗe'e fuu, ɓe nanantaa ma. To a ewnake ɓe, ɓe njaabataako.

Gimi Boyki 3:44

A suuɗi nder duule, haa torɗe amin njottaaki ma.

Ezekiyel 14:3

“Ɓii-Aadama, ɓerɗe worɓe ɓe'e ɗakkotiri bee labbi muuɗum'en. Gite maɓɓe ɗon cuto ko nastinta ɓe nder aybe. Kadi, mi acca ɓe ngara ɓe ƴama muuyo am na?

Ezekiyel 20:3

“Ɓii-Aadama, wolwan ndotti'en Isra'iila, yeccu ɓe: Ndaa nii Allah Jawmiraawo wi'i: On ngari ƴamugo muuyo am na? Fakat bana mi geeto, mi jaɓataa on ƴamammi. Min Allah Jawmiraawo wi'i ɗum.”

Ezekiyel 8:18

Ngam maajum maatinanmi ɓe tikkere am. Mi laarataa ɓe bee enɗam, mi yurmintaa ɓe sam. Koo to ɓe mboyani yam bee sawtu, mi nanataa ɓe.”

Mika 3:4

Nden on toroto Jawmiraawo, ammaa o jaabataako on. Nyalaade man o suuɗan on yeeso maako daliila kuuɗe mooɗon kalluɗe.

Luka 13:25

To jawmu saare ummake, maɓɓi dammugal, onon boo on lutti haa yaasi, on puɗɗan tappugo dammugal, on mbi'an: Jaagorɗo, maɓɓitanan min! O jaaboto on: Mi anndaa toy iwɗon.

Yaakuba 4:3

Koo to on ɗon toro mo, on keɓataa ngam numooji mooɗon kalli, on ɗon toro ngam humtugo suunooji ɓerɗe mooɗon tan.