Zekariya 4:14 - Fulfulde Bible

¹⁴ Nden o wi'i yam kadi: “Kanje ngoni yimɓe ɗiɗo, moytaaɓe hoore bee nebbam ngam huuwango Jawmu duniyaaru fuu.”

Fulfulde DC Bible

¹⁴ Nden o wi'i yam kadi: “Kanje ngoni yimɓe ɗiɗo, moytaaɓe hoore bee nebbam ngam huuwango Jawmu duniyaaru fuu.”

Zekariya 4:14 Iomraidhean Croise

1 Laamiiɓe 17:1

Eliya goɗɗo iwɗo diga Tisbe nder Gile'at wi'i Akab: “Bana Jawmiraawo Allah Isra'iila mo mi jagganto o geeto, mi ɗon wi'e: Fakat nder duuɓi garanɗi ɗi'i iyeende toɓataa, koo saawawre waɗataa, sonaa to mi tori mo.”

Esira 5:2

Nden Zorobaabila ɓii Salatiyel e Yeesu'a ɓii Yocadak puɗɗiti nyiɓtaago haykaliiru Allah haa Urusaliima. Annabi'en go ngondi bee maɓɓe, cemmbiɗini ɓe.

Jabuura 110:4

Jawmiraawo hunake, o mimsitittaako: “An woni limanjo haa foroy bana no Malkisadaka wa'no.”

Jabuura 2:6

“Min mi laamini laamiiɗo am dow Siyona, hooseere am seniinde.”

Jabuura 89:20

Ɓooyma a wolwani hoolaaɓe ma bee wahayu, a wi'i: “Mi walli cemmbiɗɗo, mi ɓaŋgti derkeejo caka ummaatoore.

Gurtaaki 29:7

Hoo'u nebbam cenirɗam. Ruf ɗam dow hoore maako.

Gurtaaki 40:15

Ruf ɗam dow maɓɓe bana ndufirɗa ɗam dow baaba maɓɓe, ngam ɓe kuuwanammi kuugal limanku. Dufki nebbam ɗa'am dow maɓɓe nastina ɓe nder kuugal limanku nduumiiŋgu nder gide maɓɓe fuu.”

Esaaya 5:1

Useni, acceeɗam mi yimana giɗaaɗo am e ngesa inabooje maako gimol ngo'ol: Soobaajo am woodino ngesa inabooje haa townde marnde lesdi njamri.

Esaaya 54:5

Ngam tagɗo ma laatoto gorko ma, Jawmiraawo honooɓe asama woni innde maako, coottoowo ma, ɗum Ceniiɗo Isra'iila, o ewneteeɗo Allah duniyaaru fuu.

Yeremiya 49:19

Mi waran bana mbarooga ngurtiiŋga laynde sukkunde baŋnge maayo Urdun, ngaranŋga haa durduɗe kecce. Bee juhuki ndiiwanmi Edoomi'en diga lesdi muuɗum'en. Ɓaawo maajum mi suɓan mo laamanto ummaatoore maɓɓe. Moy nanndi bee am? Moy ewnoto yam yeeso kiita? Ardiiɗo moye dartanto yam?

Farillaaji Lewi'en 8:12

Nden o waɗi ɗam seɗɗa dow hoore Haruna, ngam senugo mo.

Mika 4:13

Jawmiraawo wi'i: “Umma, fiy, an ummaatoore Urusaliima! Mi hokkete luwe njamndi e koloŋgi njamndi mboɗeeri, haa a nama ummaatooje ɗuuɗɗe. Sey a lii'ano yam keɓal maaje, a hokka Jawmu duniyaaru jawdi maaje.”

Zekariya 6:13

Kaŋko nyiɓata haykaliiru Jawmiraawo. O ɓornoto tedduŋgal. O jooɗoto dow leeso laamu maako ngam o laamo. Limanjo goɗɗo wonan haa nyaamo maako. Narral timmuŋgal laatoto hakkunde maɓɓe.

Zekariya 6:5

O jaabi ƴam: “Ɗum keni asama nayi. Ɗi ɗonno ndari yeeso Jawmu duniyaaru fuu. Jonta kam ɗi ɗon ndilla.”

Luka 1:19

Malaa'ikaajo jaabi mo: “Min mi Jibirilla, mi ɗon daro yeeso Allah ngam huuwango mo. Kaŋko neli yam mi wolwane, mi anndine kubaruwol belŋgol ngo'ol.

Tooktaaki Tawreeta 10:8

Saa'i Isra'iila'en ɗon haa hooseere go, Jawmiraawo suɓi lenyol Lewi'en ngam ɓe ndoondo sundukru alkawal Jawmiraawo, ɓe ndaro yeeso maako ɓe kuuwana mo kuugal limanku, ɓe mbarkiɗina yimɓe bee innde maako. Ɓe ɗon mbaɗa ɗum haa wargo hannde.

Yosuwa 3:11

Ndaa, sundukru alkawal Jawmu duniyaaru fuu saaloto yeeso mooɗon nder Urdun.

Yosuwa 3:13

To kosɗe liman'en roondooɓe sundukru alkawal Jawmiraawo, Jawmu duniyaaru fuu nasti nder ndiyam, ilam Urdun ta'an, ndiyam ndiirtotooɗam diga seeɓoore daroto bana mahol.”

Wahayu Yuhanna 11:4

Seedooɓe ɗiɗo ɓe'e ngoni jaytunje ɗiɗi e pittirlaaji ɗiɗi dariiɗi yeeso Jawmu duniyaaru.

1 Samuyila 10:1

Nden Samuyila hoo'i faandu nebbam rufi ɗam dow hoore Sawulu, hebbi mo, wi'i: “Bana nii Jawmiraawo darniri ma dow yimɓe muuɗum Isra'iila'en.

1 Samuyila 16:1

Jawmiraawo wi'i Samuyila: “Ndey a accata sunoraago Sawulu? Mi wudini mo ngam taa o tokko laamanaago Isra'iila. Hebbin luwal ma bee nebbam cenirɗam, yah haa Baytilaama haa goɗɗo mo innde mum Yessa. Mi suɓani hoore am gooto nder ɓiɓɓe maako haa o laato laamiiɗo.”