Zekariya 2:5 - Fulfulde Bible

⁵ Mi tijji, mi yi'i goɗɗo ɗon jogi ɓoggol poondirgol.

Fulfulde DC Bible

⁵ Mi tijji, mi yi'i goɗɗo ɗon jogi ɓoggol poondirgol.

Zekariya 2:5 Iomraidhean Croise

Jabuura 125:2

Bana kooseeje ɗon taari Urusaliima, non Jawmiraawo taarata ummaatoore muuɗum, diga jonta haa foroy.

Jabuura 3:3

Ɗuuɗɓe ɗon mbolwa dow am, ɗon mbi'a: “Allah yiidataa mo!”

Jabuura 46:5

Ndaa maayo, cele maago ɗon ceyna berniwol Allah, jooɗorde Ɓaŋiiɗo seniinde.

Jabuura 48:12

Hooseere Siyona ɗon seyo, nder gure Yahuuda boo ɓe ɗon ceyoro kiitaaji ma.

Jabuura 48:3

Towndiire nde'e wooɗi, nde ɗon seyna duniyaaru fuu. Ɗum hooseere Siyona gal woyla. Ɗum berniwol laamiiɗo mawɗo.

Jabuura 85:9

Mi ɗon heɗito ko Allah Jawmiraawo wi'ata. O ɗon wolwana ummaatoore maako e hoolaaɓe maako haala salaaman, to ɓe puɗɗitaay faataare maɓɓe.

Esaaya 12:6

Ceye! Mbaɗe gookaali seyo, onon jooɗiiɓe haa Siyona! Ngam Ceniiɗo Isra'iila o mawɗo caka mooɗon.”

Esaaya 31:9

Paddoowo ɓe doggan ngam kulol, hoore'en maɓɓe boo kultoran, accan tuutawal maɓɓe.” Non Jawmiraawo wi'i, kaŋko mari yiite haa Siyona e ɓolinirde nder Urusaliima.

Esaaya 32:18

Ummaatoore am jooɗoto haa nokkuure salaaman, nder ci'e tabitɗe, haa pelle de'uɗe ngam siwtaare.

Esaaya 33:21

Jawmiraawo mawɗo wondan bee meeɗen ton! Ngol laatoto nokkuure ɓulannde ilaali jaasɗi e maaje. Koommbooje marɗe laanyirɗe tokkataako ton, koommbowal maŋngal saalataako.

Esaaya 4:5

nden kam, dow nokkuure hooseere Siyona e mooɓorle ton fuu, Jawmiraawo tagan ruulde nyalawma, jemma boo cuurɗe e jayŋgol yiite. Tedduŋgal Allah suddan berniwol bana cuddirɗum.

Yeremiya 31:39

“Diga ton keerol maagol yahan gal hiirnaaŋge haa yotto towndiire Gareb, nden ngol waylititto, ngol yahan Go'a.

Ezekiyel 38:14

Ngam maajum, ɓii-Aadama, waɗ annabaaku. Yeccu Gog: Ndaa nii Allah Jawmiraawo wi'i: Saa'i man, nde yimɓe am Isra'iila'en ɗon njooɗi nder jam, a ummoto,

Ezekiyel 42:20

Bana nii o foondiri saare haa bakeeje nayi fuu. Mahol ɗon taari nde, njuutirka maagol, meetir teemeɗɗe ɗiɗi bee cappanɗe jowi, njaajirka maagol boo meetir teemeɗɗe ɗiɗi bee cappanɗe jowi. Mahol man ɗon sennda hakkunde ceniiɗum e ko senaaki.

Ezekiyel 47:3

O tokki ngel, o foondi ngel bee ɓoggol poondirgol gal fuunaaŋge, baakin reeta kilomeetir, ton o eerni yam ngel. Ndiyam yotti haa kolɓule am.

Zekariya 1:16

Ngam man Jawmiraawo wi'i: Mi wartanan Urusaliima bee enɗam. Haykaliiru am nder maagol nyiɓtete, berniwol Urusaliima mahititte. Non Jawmiraawo honooɓe asama wi'i.

Zekariya 2:10

Jawmiraawo wi'i yimɓe muuɗum: “Onon ɓe mi saŋkiti haa alkibilaaji nayi fuu, jonta kam ndogge, ngurte lesɗe woyla!

Zekariya 2:11

Onon yimɓe Urusaliima, dahaaɓe haa Baabila, njaawɗe wurtaago law haa ndaɗon.”

Zekariya 9:14

Nden Jawmiraawo waŋgan dow maɓɓe. Kurol maako ɗelkan bana ma'ere. Allah Jawmiraawo fuufan luwal konu, o yahan nder keni caatuɗi iwɗi fombina.

Zekariya 9:8

Min bee hoore am mi saŋnginan nder lesdi am ngam aynugo ndi. Mi faddan ndi ngam konne'en saalotooɓe. Walaa jananno koo gooto meetataa wargo haa yarna ummaatoore am bone, ngam jonta mi ɗon hakkilana nde.”

Luka 2:32

Kanjum woni annoora ka waŋginte haa ummaatooje goɗɗe, kaŋka laatoto boo tedduŋgal ummaatoore maaɗa Isra'iila.”

Wahayu Yuhanna 21:23

Berniwol ngol walaa haaje naaŋge malla lewru yaynana ngol, ngam jayŋgol Allah ɗon yayna nder maagol, jawgel boo woni pittirla maagol.