Zekariya 2:11 - Fulfulde Bible

¹¹ Onon yimɓe Urusaliima, dahaaɓe haa Baabila, njaawɗe wurtaago law haa ndaɗon.”

Fulfulde DC Bible

¹¹ Onon yimɓe Urusaliima, dahaaɓe haa Baabila, njaawɗe wurtaago law haa ndaɗon.”

Zekariya 2:11 Iomraidhean Croise

Jabuura 72:17

Innde maako tabita haa foroy, tedduŋgal innde maako duumo bana naaŋge. Yimɓe ummaatooje fuu laatoto barkiɗinaaɓe, ɓe mbi'a o barkiɗinaaɗo.

Gurtaaki 12:49

Ɗum umroore woore dow Isra'iila'en e dow koɗo jooɗiiɗo nder lesdi mooɗon.”

Esaaya 45:14

Ndaa nii Jawmiraawo wi'i: “Risku Misra e bote filu Etiyopiya e Seba'en juuta-darɗe'en ngaran haa mooɗon, laatanto on. Ɓe tokkoto on, ɓe haɓɓaaɓe bee callalluuji, ɓe turoto yeeso mooɗon, ɓe ceedoto: Allah kam haa mooɗon tan woni, walaa ɗowanteeɗo feere.”

Esaaya 48:16

Ɓaditeeɗam, nane ɗu'um: Diga fuɗɗam mi wolwaay bee sirri. Diga fuɗɗoode kuuje ɗe'e, mi ɗon.” – Ammaa jonta Jawmiraawo Allah neli yam bee Ruuhu muuɗum.

Esaaya 52:10

Jawmiraawo waŋgini juŋngo mum seniiŋgo yeeso ummaatooje fuu. Keeri duniyaaru fuu ngi'an kisndam Allah men.

Esaaya 52:11

Ndille, ndille, ngurte diga ton! Taa meeme coɓɗum! Ngurte e maagol. Laɓɓine ko'e mon, onon roondotooɓe kuuwruɗe Jawmiraawo.

Esaaya 66:19

Mi darnan alaama caka maɓɓe, mi nelan woɗɓe caka daɗɓe maɓɓe haa ummaatooje: Haa Tarsis e Pul e Lud, lesdi annduɓe fiɗugo kuri, haa Tubal e Yawan, haa duuɗe daayiiɗe ɗe meeɗaay nanugo habaru am, ɗe meeɗaay yi'ugo tedduŋgal am boo. Ɓe anndinan tedduŋgal am caka ummaatooje ɗe'e.

Yeremiya 16:19

Yeremiya wi'i: “Yaa Jawmiraawo, an woni semmbe am e aynol am e hisrude am nder nyalaade ɓillaare! Ummaatooje ngaran haa maaɗa diga keeri duniyaaru, mbi'an: Kaakiraaɓe amin ngoodino ɗowanteeɓe fewooɓe e labbi meereeji ɗi nafataa sam.

Yeremiya 50:8

Onon yimɓe Isra'iila, ndogge Baabila, ngurte lesdi Kaldiya'en! Aarte dillugo bana jawɗi ardorto tokkere!

Ezekiyel 33:33

Fakat ko mbi'ɗa laatoto. To ɗum laatake, nden kam ɓe paaman annabiijo wonduno bee maɓɓe.”

Mika 4:2

Jama'aaje ɗuuɗɗe njahan ton, mbi'an: “Ngare, mba'ooɗen dow hooseere Jawmiraawo, haa haykaliiru Allah Yaakubu, ngam haa o ekkitina en laabi maako, enen boo en tokko ɗi.” Ngam haa Siyona tawreeta iwi, wolde Jawmiraawo boo haa Urusaliima.

Zekariya 1:16

Ngam man Jawmiraawo wi'i: Mi wartanan Urusaliima bee enɗam. Haykaliiru am nder maagol nyiɓtete, berniwol Urusaliima mahititte. Non Jawmiraawo honooɓe asama wi'i.

Zekariya 2:5

Mi tijji, mi yi'i goɗɗo ɗon jogi ɓoggol poondirgol.

Zekariya 3:10

Nyalaade man on ewnotirto ngam jooɗaago jam les inabooje mooɗon e les ibbe mooɗon. Non Jawmiraawo honooɓe asama wi'i.”

Zekariya 8:3

Ndaa nii Jawmiraawo wi'i: “Mi wartan haa Siyona, mi jooɗoto haa caka Urusaliima. Innde Urusaliima laatoto Berniwol-Gooŋga, innde hooseere Jawmiraawo honooɓe asama boo laatoto Hooseere-Seniinde.”

Zekariya 8:8

Mi wartiran ɓe, ngam ɓe njooɗo nder Urusaliima. Ɓe laatoto yimɓe ummaatoore am, min boo mi laatoto Allah maɓɓe nder gooŋgaaku e adilaaku.”

Malakiya 1:11

Ngam diga fuɗirde naaŋge haa mutirde maage, ummaatooje ɗon teddina innde am mawnde. Koo toy fuu yimɓe ɗon ngula uurle ngam innde am, ɓe ɗon lii'ano yam dokke laaɓɗe ngam innde am mawnde caka ummaatooje. Non Jawmiraawo honooɓe asama wi'i.

Luka 2:32

Kanjum woni annoora ka waŋginte haa ummaatooje goɗɗe, kaŋka laatoto boo tedduŋgal ummaatoore maaɗa Isra'iila.”

Yuhanna 17:21

ngam haa ɓe fuu ɓe laato gootum. Bana an, Baabiraawo, a ɗon nder kawtal bee am, min boo mi ɗon nder kawtal bee maaɗa. Kamɓe boo ɓe ngona nder kawtal bee meeɗen, ngam haa duniyaaru nuɗɗina an neli yam.

Yuhanna 17:23

Min mi ɗon nder kawtal bee maɓɓe, an boo a ɗon nder kawtal bee am, ngam haa ɓe laato gootum fakat, ngam haa duniyaaru annda an neli yam, a yiɗi ɓe bana a yiɗiri yam.

Yuhanna 17:25

Yaa Baabiraawo, adiliijo, duniyaaru anndaa ma, ammaa min mi anndi ma, yimɓe ɓe boo anndi an neli yam.

Kuuɗe Nelaaɓe 28:28

Pol wi'i fahin: “Kadi sey anndon, Allah neli habaru kisndam muuɗum haa yimɓe ummaatooje goɗɗe. Kamɓe ɓe nanan!” [

Wahayu Yuhanna 11:15

Nden malaa'ikaajo njoweeɗiɗaɓo fuufi luwal muuɗum. Mi nani sawtuuji cemmbiɗɗi nder asama, ɗi ɗon mbi'a: “Laamu duniyaaru laatanake Jawmiraawo meeɗen e Almasiihu muuɗum, o laamoto haa abada abadin!”