Zekariya 13:7 - Fulfulde Bible

⁷ Jawmiraawo honooɓe asama wi'i: “An kaafahi, ummana gaynaako am, mo mi waɗi ɗum kuuwdiɗɗiraawo am! Mbar gaynaako, nden baali caŋkititto koo toy fuu. Mi waylitan juŋngo am, mi fiya pamari.”

Fulfulde DC Bible

⁷ Jawmiraawo honooɓe asama wi'i: “An kaafahi, ummana gaynaako am, mo mi waɗi ɗum kuuwdiɗɗiraawo am! Mbar gaynaako, nden baali caŋkititto koo toy fuu. Mi waylitan juŋngo am, mi fiya pamari.”

Zekariya 13:7 Iomraidhean Croise

Jabuura 2:2

Laamiiɓe duniyaaru ɗon taaski waɗugo fitina, tedduɓe boo ɗon kaɓɓa dabare dow Jawmiraawo e laamiiɗo mum mo o moyti.

Esaaya 1:25

An Urusaliima, juŋngo am teddan dow maaɗa. Mi ɓolinte, mi laɓɓinte, mi wurtinan tuundi ma fuu.

Esaaya 27:1

Nyalaade man Jawmiraawo losan kaafahi muuɗum caatuki, makki cemmbiɗki. O hiitoto Lewiyatan, mboodi ndoggoori e Lewiyatan, mboodi leliindi. O mbaran kuuŋga ngonŋga nder mbeela.

Esaaya 40:11

O duran tokkere maako bana gaynaako. O mooɓtan e o hoo'an mbaaloy dow juuɗe maako, o roondoto koy haa wiɓɓere maako. O ɗowan baali musinanɗi bee hakkiilo.

Esaaya 9:6

O mawninan baawɗe laamu maako, o hokkan leeso laamu Daawuda e maral mum fuu salaaman ka timmataa sam, o semmbiɗinan laamu maako, o tabitinan ngu bee kiita ndarnuka e adilaaku, diga jonta haa foroy. Jawmiraawo honooɓe asama waɗan ɗum nder tiinaare mum.

Yeremiya 47:6

On ɗon ngooka: Kayto! Haa ndey kaafahi Jawmiraawo accata fiyugo? Lora nder suudu ma, de'u, siwta! –

Ezekiyel 21:28

Jooɗiiɓe nder Urusaliima ndaaran haala ka'a bana fewre, ngam daliila alkawalji ɗi ɓe kaɓɓi. Ammaa laamiiɗo Baabila siftinoran ɓe aybe maɓɓe, ngam daliila maaji ɓe njanan haa juŋngo maako.

Ezekiyel 21:3

Yeccu nde: Nan wolde Allah Jawmiraawo! Ndaa ko o wi'i: Mi jamnan yiite nder maaɗa, nge nyaama leɗɗe joorɗe e kecce fuu. Walaa ko nyifata ɗemɗe maage. Nge wulan geese yimɓe fuu, diga fombina haa woyla.

Ezekiyel 37:24

Jaggiiɗo am Daawuda laatoto laamiiɗo maɓɓe. Ɓe fuu ɓe kawtan haa juŋngo gaynaako gooto, ɓe tokkoto kiitaaji am, ɓe ɗowtanto farillaaji am.

Ezekiyel 7:6

Timmoode ɗon wara, timmoode ɗon wara! Nde ukkanto on.

Mika 5:2

Ngam man Jawmiraawo accan yimɓe muuɗum, haa to ɓesnanɗo ɓesni. Nden luttuɓe deerɗiraaɓe ɓiɗɗo oo ngartan haa yimɓe Isra'iila.

Mika 5:4

Kaŋko bee hoore maako laatoto salaaman maɓɓe. To Assuura'en ngari lesdi meeɗen, to ɓe nasti cuuɗi laamorde meeɗen cemmbiɗɗi, en umminan ardiiɓe ɗuuɗɓe dow maɓɓe.

Zekariya 11:11

Ngal fiistaama nyalaade man. Soorrooɓe baali hakkilananɓe yam go annditi ɗum wolde Jawmiraawo.

Zekariya 11:4

Jawmiraawo Allah am wi'i yam: “Waynu baali taaskitinaaɗi ngam hirseego!

Zekariya 11:7

Mi duri baali ɗi soorrooɓe taaskitini ngam hirseego. Mi hoo'i cabbi ɗiɗi. Wooru maaji, mi ewni ndu: Mbooɗeeŋga, nduya boo: Kawtal. Nden mi tokki durugo tokkere.

Matta 1:23

“Paanyo debbo mo annda gorko reedan, danyan ɓiɗɗo gorko, ɓe inndan mo Immanuyila, bana wi'go: Allah ɗon wondi bee meeɗen.”

Matta 10:42

Gooŋga mbi'anmi on: Koo moy hokki koo ndiyam peewɗam nder jardugel haa ɓurɗo leesugo caka pukara'en am ɓe'e ngam o pukaraajo am, heɓan mbarjaari muuɗum fakat.”

Matta 11:27

Nden o wi'i: “Baabiraawo am halfini yam kuuje fuu. Walaa annduɗo Ɓiɗɗo sonaa Baabiraawo, walaa annduɗo Baabiraawo boo sonaa Ɓiɗɗo e mo Ɓiɗɗo yiɗi waŋginango mo fuu.

Matta 18:10

“Kakkile ngam taa on njawo gooto haa famarɓe ɓe'e. Mi ɗon wi'a on: Malaa'ika'en maɓɓe haa asama ɗon ndari tum yeeso Baabiraawo am mo asama. [

Matta 18:14

Bana non boo, Baabiraawo mooɗon mo asama yiɗaa koo gooto nder famarɓe ɓe'e halka.”

Matta 26:31

Dow laawol Yeesu wi'i pukara'en muuɗum: “Jemmaare nde'e on accatam on fuu. Ngam Deftere wi'i: Mi mbaran gaynaako, tokkere baali boo saŋkititto.

Matta 26:56

Ammaa ɗum fuu ɗum waɗi ngam haa ko winnda nder defte annabi'en ngooŋɗa.” Nden pukara'en fuu acci mo, ndoggi.

Markus 14:27

Yeesu wi'i pukara'en muuɗum: “On fuu on accatam on ndoggan, bana ko winnda nder Deftere: Mi mbaran gaynaako, baali caŋkititto.

Markus 14:50

Nden pukara'en fuu ndoggi acci mo.

Luka 12:32

“Taa kultore, onon tokkere famarde, ngam Baabiraawo yiɗi hokkugo on laamu muuɗum.

Luka 17:2

Ndikkana mo ɓe ɓila hayre namarde mawnde haa daande maako, ɓe njolla mo nder mbeela, dow o do'a gooto ɓurɗo famɗugo oo nder hakke.

Yuhanna 1:29

Jaŋngo man Yuhanna yi'i Yeesu ɗon wara haa maako, o wi'i: “Ndaa jawgel Allah ittanŋgel hakkeeji duniyaaru.

Yuhanna 10:30

Min e Baabiraawo, min gootum.”

Yuhanna 10:38

Ammaa to ɗum kuuɗe maako fakat, koo to on nuɗɗinaay yam min, nuɗɗine kuuɗe ɗe'e, ngam haa on annda e on paama Baabiraawo ɗon nder am, min boo mi ɗon nder Baabiraawo.”

Yuhanna 14:1

Yeesu wi'i pukara'en muuɗum: “Taa ɓerɗe mooɗon caklo. Nuɗɗine Allah, nuɗɗineeɗam min boo.

Yuhanna 14:23

Yeesu jaabi mo: “To goɗɗo yiɗi yam, o ɗowtanto bolle am, Baabiraawo am boo yiɗan mo. Min bee Baabiraawo am, min ngaran, min njooɗodotto bee maako.

Yuhanna 16:15

Ko Baabiraawo mari fuu, min mari ɗum. Ngam maajum mbi'mi: Ruuhu yeccan on ko o nani haa am.”

Yuhanna 16:32

Saa'i waran, koo jonta maa ɗum waɗi, on fuu on caŋkititto, koo moy fuu haa saare muuɗum, on accatam min feere am. Ammaa mi laataaki feere am, ngam Baabiraawo ɗon wondi bee am.

Yuhanna 5:23

ngam haa yimɓe fuu teddina Ɓiɗɗo bana ɓe teddinirta Baabiraawo nelɗo mo. Koo moy sali teddingo Ɓiɗɗo, teddintaa Baabiraawo nelɗo mo.

Yuhanna 8:58

Yeesu wi'i ɓe: “Gooŋga mi wi'ata on: Diga Ibrahiima danyaaka, min mi ɗon.”

Kuuɗe Nelaaɓe 2:23

Diga ɓooyma Allah muuyi, acci Yeesu haa juuɗe mooɗon. Onon on mbari mo, nde on nduŋani hakke'en ɓe ɓila mo dow leggal gaafaaŋgal.

Roma'en 4:25

Allah acci o maaya ngam daliila aybeeji men. O ummitini mo boo ngam haa o adilina en yeeso maako.

Roma'en 8:32

O jogitaaki koo Ɓiɗɗo maako, ammaa o acci mo o maayi mbattudi meeɗen en fuu. To non kam, o saahataa en koo ɗume fuu bee maako na?

2 Korintu'en 5:21

Almasiihu waɗaay hakke sam. Ammaa Allah yowi hakkeeji meeɗen fuu dow maako, ngam haa laatooɗen adili'en yeeso Allah barka kawtal meeɗen bee Almasiihu.

Galaatiya'en 3:13

Almasiihu rimɗini en diga naaloore tawreeta, ngam o laati naalaaɗo mbattudi meeɗen ngam Deftere wi'i: “Koo moy ɓilaaɗo haa leggal, o naalaaɗo.”

Filippi'en 2:6

Kaŋko o Allah, bee non fuu o jooɗoraaki darnde maako,

Ibraniŋke'en 13:20

Allah jawmu salaaman ummitini Jawmiraawo meeɗen Yeesu diga maayde – kaŋko o laati gaynaako baali mawɗo, o tabitini alkawal duumiiŋgal bee ƴiiƴam maako –

1 Piyer 3:18

Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

1 Piyer 5:4

To gaynaako mawɗo waŋgoyi, on keɓan meetaleewol marŋgol tedduŋgal, ngol furɗataa sam.

1 Yuhanna 2:2

Ngam Almasiihu bee hoore mum hokki yoŋki muuɗum ngam yaafuye hakkeeji meeɗen, naa ɗi meeɗen tan, ammaa ɗi duniyaaru fuu boo.

Wahayu Yuhanna 1:11

ɗon wi'a: “Ko ngi'ata, winndu ɗum nder deftere, neldu ɗum haa jama'aaje nuɗɗinɓe joweeɗiɗi gonɗe haa Efesus e Simirna e Pergame e Tiyatira e Sardis e Filadelfiya e Lawdikiya.”

Wahayu Yuhanna 1:17

Nde mi yi'i mo, mi do'i yeeso maako bana maayɗo. O wallini juŋngo maako nyaamo dow hoore am, o wi'i: “Taa hul! Min woni arano e ragareejo.

Wahayu Yuhanna 1:8

Jawmiraawo Allah wi'i: “Min woni Alfa e Omega, mo ɗon e mo ɗonno ɓooyma, mo ɗon wara boo, min woni Baawɗo dow koo ɗume fuu.”

Wahayu Yuhanna 13:8

Jooɗiiɓe haa duniyaaru fuu cujidanan nga, waato koo moy mo innde muuɗum winndaaka nder deftere ngeendam diga fuɗɗam duniyaaru. Jawgel kirsaaŋgel go mari deftere nde'e.

Wahayu Yuhanna 2:23

Ɓikkoy maako boo, mi mbaran koy. Jama'aaje nuɗɗinɓe fuu anndan min woni linyoowo numooji e ɓerɗe yimɓe. Mi warjoto koo moy mooɗon deydey kuuɗe muuɗum.

Wahayu Yuhanna 21:6

O tokki wi'go yam: “Ɗum waɗi, timmi. Min woni Alfa e Omega, fuɗɗoode e timmoode. Koo moy ɗomɗi, mi yarnan ɗum seeɓoore ndiyam ndokkanɗam ngeendam caahu.