Zekariya 13:2 - Fulfulde Bible

² Jawmiraawo honooɓe asama wi'i: “Saa'i man nattinanmi inɗe labbi nder lesdi, ngam taa goɗɗo siftora ɗe. Mi nattinan boo fewooɓe wi'anɓe ɓe annabi'en e ruuhu coɓki nder lesdi.

Fulfulde DC Bible

² Jawmiraawo honooɓe asama wi'i: “Saa'i man nattinanmi inɗe labbi nder lesdi, ngam taa goɗɗo siftora ɗe. Mi nattinan boo fewooɓe wi'anɓe ɓe annabi'en e ruuhu coɓki nder lesdi.

Zekariya 13:2 Iomraidhean Croise

1 Laamiiɓe 22:22

Ngol jaabi: Mi yahan, mi laatoto ruuhu fewre nder kunnduɗe annabi'en maako fuu. Jawmiraawo wi'i: Estu mo, a humtan. Yah, waɗ bana non.”

Jabuura 16:4

Ɗakkotirɓe bee ɗowanteeɓe jananɓe njaran boneeji ɗuuɗɗi, min mi rufantaa ɓe dokke ƴiiƴam, hunnduko am ewnataa inɗe maɓɓe sam.

Gurtaaki 22:13

To goɗɗo wu'i ndabbaawa keeddiɗɗum, to nga yewi kosŋgal malla nga waati, saa'i jawmiiga walaaɗon, sey o yoɓa ɗum.

Gurtaaki 23:13

Kakkilane ko mbi'mi on fuu. Taa ewne inɗe ɗowanteeɓe woɗɓe, taa goɗɗo nana ɗe haa kunnduɗe mooɗon.”

Esaaya 2:18

Labbi kalkidan fuu.

Esaaya 2:20

Nyalaade man yimɓe koo'an labbi muuɗum'en ɗi cardi e kaŋŋeeri, ɗi ɓe mbaɗino ngam sujidango ɗi, ɓe cakkina ɗi caka doombi e bilwili.

Yeremiya 29:23

Kanjum woni kiita maɓɓe, ngam ɓe kuuwi cemtiniiɗum nder Isra'iila, ɓe mbaɗi njeenu bee rewɓe heeddiɗɗiraaɓe maɓɓe, ɓe mbolwi pewe bee innde am, asee boo walaa ko umrumi ɓe. Min mi anndi, mi ceedoowo dow maɓɓe. Non Jawmiraawo wi'i.”

Ezekiyel 12:24

Ngam wahayu meere malla annabaaku fewre meetataa laataago caka yimɓe Isra'iila.

Ezekiyel 13:23

Ngam maajum on meetataa yi'ugo wahayuuji mon meereeji, on meetataa waɗugo hatti boo. Mi hisnan ummaatoore am e juuɗe mon, nden on paaman min woni Jawmiraawo.”

Ezekiyel 14:9

To annabiijo jaɓi selneego, to waɗi annabaaku, min Jawmiraawo selni mo, mi fortan juŋngo am dow maako, mi nattina mo caka ummaatoore am Isra'iila.

Ezekiyel 30:13

Ndaa nii Allah Jawmiraawo wi'i: “Mi nattinan labbi e ɗowanteeɓe fewooɓe nder berniwol Memfis. Laamantooɗo Misra walaa, ammaa mi waɗan kulol nder Misra.

Ezekiyel 36:25

Mi wiccan ndiyam laaɓɗam dow mooɗon ngam laɓɓingo on diga coɓe mon e labbi mon fuu.

Ezekiyel 36:29

Mi hisnan on diga kuuje ɗe coɓni on fuu. Mi umran alkamaari ndi ɗuuɗa, mi meetataa ukkango on weelo.

Ezekiyel 37:23

Ɓe meetataa soɓnugo ko'e maɓɓe bee labbi maɓɓe malla kuuɗe maɓɓe nyidduɗe malla aybeeji maɓɓe. Mi hisnan ɓe diga gudinki nuɗɗinki maɓɓe fuu. Mi laɓɓinan ɓe ngam ɓe laato ummaatoore am, min boo mi laato Allah maɓɓe.

Ezekiyel 43:7

O wi'i: “Ɓii-Aadama, haa ɗo woni leeso laamu am e jaaɓruɗum kosɗe am. Haa ɗo njooɗotoomi caka yimɓe Isra'iila haa foroy. Kamɓe e laamiiɓe maɓɓe meetataa soɓnugo innde am seniinde bee daakaareeku maɓɓe, koo bee darnugo kaa'e maandorɗe ngam laamiiɓe maɓɓe maayɓe.

Ezekiyel 6:6

Haa on njooɗoto fuu, berniiji mon laatoto bille, nokkuuje mon towɗe perwan, kirsirɗe mon laatoto bille, labbi mon pusan, nattan, gulduɗe uurle mon ngewan, ko on mbaɗi wiloto.

Hose'a 14:8

Yimɓe Isra'iila ngartan, njooɗoto fahin haa ɗowdi muuɗum, ɓe ndeman alkamaari, ɓe mbaɗan pinndi bana inabohi, ɓe maran innde woonde bana inaboojam Libanon.

Hose'a 2:17

Diga ton boo mi hokkitan mo gese inabooje maako, mi waylitan waadiwol Akor, ngol laatano mo nastirde tammunde. Ton o jaaboto ewnaandu am bana nder nyalɗe o paanyono, nde o wartino diga lesdi Misra.”

Hose'a 2:19

Mi ittan inɗe Ba'alji nder hunnduko maaɗa, walaa mo siftorta inɗe maaji fahin.

Mika 2:11

To goɗɗo tokkake henndu, hasi fewre, wi'i: Mi waɗante annabaaku dow inaboojam e dow njaramji guykinooji, fakat o laatoto annabiijo ummaatoore nde'e!

Sefaniya 2:11

Jawmiraawo laatanto ɓe kulniiɗo, o halkan ɗowanteeɓe duniyaaru fuu. Jooɗiiɓe haa duuɗe cujidanan mo, koo moy haa nokkuure muuɗum.

Matta 12:43

“To ruuhuwol coɓŋgol wurtake goɗɗo, ngol yiiloyan haa karɗe ngam ɗaɓɓugo nokkuure siwtaago, to ngol heɓaay,

Matta 7:15

“Ndeente e fewooɓe wi'anɓe ɓe annabi'en, waranɓe haa mooɗon nder laral baali, ammaa nder maɓɓe ɓe caafaali kaaŋaaɗi.

Luka 11:20

Ammaa to bee baawɗe Allah ndiiwranmi ginnaaji boo, nden kam ɗum laamu Allah yottanake on.

Tooktaaki Tawreeta 12:3

Ngibbine kirsirɗe maɓɓe, puse kaa'e ciftinorɗe maɓɓe. Ngule daŋraŋge maɓɓe cenaaɗe, pe'e labbi maɓɓe, nattine inɗe maaji e nokkuuje man.

Tooktaaki Tawreeta 18:20

Ammaa to annabiijo goɗɗo mawnitake, wolwi bee innde am bilaa umroore am, o mbareteeɗo. Annabiijo mo wolwi bee innde ɗowanteeɓe jananɓe boo, o mbareteeɗo.

Yosuwa 23:7

Taa njillindire bee ummaatooje luttuɗe ɗe'e caka mooɗon. Taa ewne inɗe labbi maɓɓe, taa kunore bee inɗe maaji, taa ndewe ɗi, taa cujidane ɗi.

Wahayu Yuhanna 18:2

O towni sawtu, o wi'i: “Ngol do'ake! Ngol do'ake! Baabila, berniwol maŋngol do'ake! Ngol laati joonde ginnaaji e nokkuure ruuhuuji coɓɗi koo ɗiye e colli e dabbaaji coɓɗi kaccuɗi.

Wahayu Yuhanna 19:20

Ɓe naŋngi ndabbaawa, kaŋga e pewoowo bi'anɗo o annabiijo baɗɗo alaamaaji yeeso maaga. Bee maaji o zammbori marɓe maandorde ndabbaawa e sujidanɓe suura maaga. Ndabbaawa e pewoowo bi'anɗo o annabiijo cakkinaama bee yoŋki nder weendu yiite huɓɓanŋge bee baruudu.