Zekariya 12:10 - Fulfulde Bible

¹⁰ Ammaa dow saare Daawuda e jooɗiiɓe nder Urusaliima mbaannjanmi ruuhu mbooɗeeŋga e do'a. Ɓe tijjoto yam ngam daliila am, min mo ɓe njuwi. Ɓe mboyatam bana no ɓe mboyrata ɓiɗɗo bajjo. Ɓe mboyatam masin, bana goɗɗo woyrata to afo mum maayi.

Fulfulde DC Bible

¹⁰ Ammaa dow saare Daawuda e jooɗiiɓe nder Urusaliima mbaannjanmi ruuhu mbooɗeeŋga e do'a. Ɓe tijjoto yam ngam daliila am, min mo ɓe njuwi. Ɓe mboyatam bana no ɓe mboyrata ɓiɗɗo bajjo. Ɓe mboyatam masin, bana goɗɗo woyrata to afo mum maayi.

Zekariya 12:10 Iomraidhean Croise

Laataanooji 45:1

Yusufu waawaay naŋgtaago yeeso taariiɓe mo fuu. O hooli: Ngurtine yimɓe fuu! Walaa goɗɗo lutti haa maako, nden o annditini hoore maako haa deerɗiraaɓe maako.

Laataanooji 45:2

O woyi bee sawtu haa Misra'en nani ɗum. Koo saare Firawna boo nani.

Jabuura 51:12

Yaa Allah, taganam ɓernde laaɓnde! Hesɗitin ruuhu nder am, haa mi ɗakko ma booɗɗum!

Balndi 1:23

Kakkilane feloore am, saa'i mi ɗon faamtina on hakkiilo am, mi ɗon anndina on sawari am.

Balndi 4:3

Ngam min mi laatino ɓiŋngel haa baaba am, mi bajjel daada am, giɗaaŋgel,

Esaaya 32:15

haa to Allah waanji Ruuhu mum dow amin, haa to ladde laatake ciraka, ciraka boo laatake bana laynde.

Esaaya 45:22

“Kadi ngaylite haa am, kise, onon yimɓe haa keeri duniyaaru fuu! Ngam min woni Allah, walaa goɗɗo feere sam.

Yeremiya 31:19

Min ngayliti, min acci ma, ammaa jonta min ɗon mimsito. Min keɓti hakkiilo amin, ngam man min piyi biɓɓe amin. Min cemti, min toskake, ngam min mbaɗi aybe, saa'i min derke'en tawon.

Yeremiya 31:9

Ɓe ngardan bee bojji, ɓe toroto yam saa'i mi ɗon ɗowa ɓe. Mi yahran ɓe haa maaje ndiyam, dow laawol booɗŋgol ngam taa ɓe pergo. Ngam mi laatani Isra'iila bana baaba, Efrayim boo woni afo am.”

Yeremiya 50:4

Jawmiraawo wi'i: “Wakkati man yimɓe Isra'iila e yimɓe Yahuuda kawtan, ngaran bee bojji ngam ɗakkotirgo bee Jawmiraawo Allah muuɗum'en.

Yeremiya 6:26

Ummaatoore am, hadda limce buhuuje, talla nder ndoondi, woy bana dow maayde bajjo, ummin bojji kaaɗɗi! Ngam bonnoowo ukkanto en bee juhuki!

Ezekiyel 20:43

Ton on ciftoran kuuɗe mon coɓnuɗe on fuu. On ndaaran ko'e mon on nyidduɓe ngam kuuɗe mon kalluɗe ɗe kuuwɗon fuu.

Ezekiyel 37:14

Mi nastinan Ruuhu am nder mooɗon ngam yeeɗitingo on, mi jo'inan on nder lesdi mon. Nden kam on paaman min Jawmiraawo wi'i ɗum, mi waɗan ɗum.” Nii Jawmiraawo wi'i.

Ezekiyel 39:29

Mi waanjan Ruuhu am dow yimɓe Isra'iila, mi meetataa wiirnugo ɓe gite am. Min Allah Jawmiraawo wi'i ɗum.”

Amos 8:10

Mi waylan juulɗe mooɗon ɗe laatoto suno, gimi mooɗon boo laatoto bojji. Mi waɗan on fuu on kadda limce buhuuje, on laɓda ko'e mon. Mi laatinan bojji bana to ɓiɗɗo bajjo maayi. Ragare man haaɗan bana nyalaade mettamɓeram.”

Zekariya 13:9

Mi nastinan luttanɓe bee yoŋki ɓe'e nder yiite ngam laɓɓingo ɓe bana goɗɗo laɓɓinirta cardi. Mi foondan ɓe bana goɗɗo laɓɓinirta kaŋŋeeri. Nden kadi ɓe toroto yam, min boo mi jaɓan tornde maɓɓe. Mi wi'an: Onon, on yimɓe ummaatoore am. Kamɓe boo ɓe mbi'an: Jawmiraawo woni Allah amin.”

Limle 21:9

Muusa waɗi mboodi njamndi mboɗeeri, o ɓili ndi dow leggal. Koo moy ŋataaɗo, laari mboodi njamndi, hisi maayugo.

Matta 24:30

Nden alaama Ɓii-neɗɗo waŋgan haa asama. Saa'i maajum ummaatooje duniyaaru fuu mboyan, ɓe ngi'an Ɓii-neɗɗo ɗon wara dow duule asama, bee baawɗe ɗuuɗɗe e tedduŋgal maŋngal.

Matta 26:75

Piyer siftori ko Yeesu wi'no mo: “Hiddeko asgumri u'a, a wi'an nde tati a anndaa yam.” O wurti haa yaasi, o woyi masin.

Yuhanna 1:29

Jaŋngo man Yuhanna yi'i Yeesu ɗon wara haa maako, o wi'i: “Ndaa jawgel Allah ittanŋgel hakkeeji duniyaaru.

Kuuɗe Nelaaɓe 10:45

Yahuudu'en nuɗɗinɓe warduɓe bee Piyer kayɗini ngam koo yimɓe ummaatooje boo, Allah waanji ɓe Ruuhu Ceniiɗo!

Kuuɗe Nelaaɓe 11:15

Nde mi fuɗɗi wolwugo, Ruuhu Ceniiɗo jippi dow maɓɓe bana jippori dow meeɗen haa fuɗɗam.

Kuuɗe Nelaaɓe 2:17

Allah wi'i: Nder balɗe ragareeje: Mi waanjan Ruuhu am dow yimɓe fuu: Ɓiɓɓe mon worɓe e rewɓe mbaɗan annabaaku, suka'en mooɗon keɓan wahayuuji, ndotti'en mooɗon koyɗan koyɗi.

Kuuɗe Nelaaɓe 2:33

Allah ɓaŋgti mo, jo'ini mo haa nyaamo muuɗum. O heɓi Ruuhu Ceniiɗo diga Baabiraawo mo iinanino mo ɗum, waanji Ruuhu oo dow amin bana no ngi'oton e nanoton.

Kuuɗe Nelaaɓe 2:37

Nde yimɓe nani ɗum, ɓerɗe maɓɓe ta'i, ɓe mbi'i Piyer e nelaaɓe woɗɓe: “Noy min mbaɗata, deerɗiraaɓe?”

Roma'en 8:15

Ngam Ruuhu Ceniiɗo mo on keɓi nastinaay on nder maccuŋgaaku haa on kula fahin. Aa'a! Ruuhu man laatini en ɓiɓɓe Allah, duŋani en ewnaago Allah: “Baaba!”

Roma'en 8:26

Non boo Ruuhu Allah ɗon walla en, ngam en tampuɓe. En anndaa koo toraago Allah bana no haani. Ammaa Ruuhu bee hoore mum ɗon torano en bee tornde nde nanataake.

Efesu'en 6:18

Tum mbaɗe do'aaje e torɗe feere feereeje bee ballal Ruuhu Allah. Ayne, taa acce do'anaago senaaɓe fuu.

Ibraniŋke'en 12:2

Taa en acca sutugo Yeesu ngam nuɗɗinki meeɗen ɗon dari dow maako diga fuɗɗoode haa timmoode. Nde ɓe mbari mo haa leggal gaafaaŋgal, o munyi ɗum. O numaay dow mbustu maayde nde'e, ngam daliila seyo ngo Allah sigani mo. Jonta o ɗon jooɗi dow leeso laamu haa nyaamo Allah.

Yahuuda 1:20

Ammaa onon, soobiraaɓe am yiɗaaɓe, cemmbiɗine ko'e mooɗon nder ekkitinol ɓurŋgol senaago ngol on ekkiti. Tore bee baawɗe Ruuhu Ceniiɗo,

Wahayu Yuhanna 1:7

Ndaa, o ɗon warda bee duule! Koo moy fuu yi'an mo, koo yuwɓe mo boo. Yimɓe asli nder duniyaaru fuu mboyan ngam daliila maako. Nii ɗum laatorto. Aamiina!

1 Samuyila 7:2

Diga garki sundukru alkawal haa Kiriyat-Ye'arim, duuɓi noogas caali. Wakkati man fuu Isra'iila'en ɗon uumo yeeso Jawmiraawo.