Zekariya 10:6 - Fulfulde Bible

⁶ Mi semmbiɗinan yimɓe Yahuuda, mi rimɗinan yimɓe Yusufu. Mi hooran ɓe, ngam mi woodi enɗam ngam maɓɓe. Ɓe laatoto bana mi meeɗaayno wudingo ɓe sam. Min woni Jawmiraawo Allah maɓɓe, mi jaaban tornde maɓɓe.

Fulfulde DC Bible

⁶ Mi semmbiɗinan yimɓe Yahuuda, mi rimɗinan yimɓe Yusufu. Mi hooran ɓe, ngam mi woodi enɗam ngam maɓɓe. Ɓe laatoto bana mi meeɗaayno wudingo ɓe sam. Min woni Jawmiraawo Allah maɓɓe, mi jaaban tornde maɓɓe.

Zekariya 10:6 Iomraidhean Croise

Jabuura 89:21

Mi suɓi jaggiiɗo am Daawuda, mi moyti mo bee nebbam am ceniiɗam.

Esaaya 11:12

O ɓaŋgtan tuutawal ngam ummaatooje, o hawtan riiwaaɓe Isra'iila, o mooɓtan saŋkitiiɓe Yahuuda diga alkibilaaji nayi fuu.

Esaaya 14:1

Fakat, Jawmiraawo hinnoto danygol Yaakubu, o suɓan Isra'iila fahin. O jo'itinan ɓe nder lesdi maɓɓe fahin. Jananɓe ɗakkotiran bee maɓɓe, kawtanan danygol Yaakubu.

Esaaya 41:10

Taa hul, ngam mi ɗon wondi bee ma! Taa laar koo toy bee kulol, ngam min woni Allah maaɗa. Mi semmbiɗinte, mi yiidete, mi jogoto ma bee nyaamo am jaalotooŋgo.

Esaaya 54:4

Taa hul, ngam a semtintaake. Taa sakla, ngam a toskintaake. A yejjitan toskaare nderkaaku ma, a meetataa siftorgo mbustu suddaare ma.

Esaaya 54:8

Nde tikkere am saati, mi suuɗi on yeeso am wakkati seɗɗa, ammaa mi enɗan on bee mbooɗeeŋga nduumiiŋga.” Non Jawmiraawo coottoowo ma wi'i.

Yeremiya 23:6

Nder balɗe maako Yahuuda rimɗinte, Isra'iila boo jooɗoto jam. Yimɓe ewnoto laamiiɗo oo: Jawmiraawo-woni-adilaaku-meeɗen.”

Yeremiya 3:18

Saa'i man yimɓe Yahuuda ngardan bee yimɓe Isra'iila, ɓe fuu maɓɓe ɓe ummoto lesdi woyla, ɓe ngara nder lesdi ndi marnumi kaakiraaɓe mooɗon.

Yeremiya 30:18

Ndaa nii Jawmiraawo wi'i: “Mi wartiran joonde danygol Yaakubu bana naane, mi enɗoto ci'e maɓɓe fuu. Ɓe nyiɓtoto berniwol ngo'ol dow towndiire, ɓe njo'itinan laamorde haa babal maare.

Yeremiya 30:20

Danygol Yaakubu laatoto bana naane, mooɓtorde maɓɓe tabitan yeeso am. Mi hiitoto toonyooɓe ɓe fuu.

Yeremiya 31:1

Jawmiraawo wi'i: “Saa'i maajum mi laatoto Allah ngam ci'e yimɓe Isra'iila fuu, kamɓe boo ɓe laatoto ummaatoore am.

Yeremiya 31:20

An Efrayim, a ɓiɗɗo am giɗaaɗo, a ɓiŋngel am ngel ɓurmi yiɗgo. Nde ngiɗmi felugo ma fuu, mi siftoran no mi yiɗiri ma. Ngam maajum ɓernde am ɗon waylo nder am, mi hinnoto ma fakat.” Non Jawmiraawo wi'i.

Yeremiya 31:31

Jawmiraawo wi'i: “Nyalɗe ɗon ngara haa mi haɓɓa alkawal kesal bee yimɓe Isra'iila e yimɓe Yahuuda.

Ezekiyel 36:11

Mi ɗuɗɗinanan on yimɓe e dabbaaji, ɗum ɗuuɗan ko ɓuri naane, ɗum heɓan ɓikkoy ɗuuɗkoy. Mi waɗan ɓe njooɗo dow mooɗon bana ɓe njooɗorino naane, mi woonanan on ko ɓuri naane boo. Nden kam on paaman min woni Jawmiraawo.

Ezekiyel 36:37

Ndaa nii Allah Jawmiraawo wi'i: “Mi waɗan ko ɓuri kuuje ɗe'e boo: To yimɓe torake yam, mi jaɓan tornde maɓɓe, mi ɗuɗɗinan ɓe bana tokkere dammooji.

Ezekiyel 37:16

“Ɓii-Aadama, hoo'u sawru, winndu dow maaru: Yahuuda e Isra'iila'en hawtanɓe ɗum. Hoo'u boo sawru feere, winndu dow maaru: Yusufu, waato Efrayim e Isra'iila'en hawtanɓe ɗum.

Ezekiyel 39:25

Ndaa nii Allah Jawmiraawo wi'i: “Jonta mi wartiran dahaaɓe danygol Yaakubu haa lesdi muuɗum'en, mi enɗan yimɓe Isra'iila fuu. Mi aynan innde am seniinde bee yiide haajunde.

Hose'a 1:7

Ammaa mi enɗan yimɓe laamu Yahuuda, min Jawmiraawo Allah maɓɓe, mi hisnan ɓe. Mi hisnataa ɓe bee lagaawal malla kaafahi malla haɓre malla pucci malla wa'iiɓe ɗi.”

Hose'a 14:9

Efrayim, ko yaali yam bee labbi fahin? Min bee hoore am mi jaɓan tornde maɓɓe, mi aynan ɓe. Mi nanndi bee lekki booɗki marki haakooji foroy, ɓiɓɓe lekki ngam mooɗon tawete haa am.”

Hose'a 2:23

Jawmiraawo wi'i: “Nyalaade maajum njaabantoomi asamanji. Kanji boo ɗi njaabanto lesdi.

Obadiya 1:18

Yimɓe Yaakubu laatoto bana yiite, yimɓe Yusufu boo bana jamre yiite. Ammaa yimɓe Isuwa laatoto bana tiitiiho. Yiite man wulan tiitiiho go, nyaaman ko. Walaa koo gooto luttata nder danygol Isuwa.” Min Jawmiraawo wi'i ɗum.

Mika 4:13

Jawmiraawo wi'i: “Umma, fiy, an ummaatoore Urusaliima! Mi hokkete luwe njamndi e koloŋgi njamndi mboɗeeri, haa a nama ummaatooje ɗuuɗɗe. Sey a lii'ano yam keɓal maaje, a hokka Jawmu duniyaaru jawdi maaje.”

Mika 4:6

Jawmiraawo wi'i: “Nyannde man mi mooɓtan woosɓe fuu, mi hawtan dahaaɓe, koo ɓeye ɓe njarnumi bone.

Mika 5:3

Kaŋko o ummoto, o dura tokkere maako bee baawɗe Jawmiraawo, bee maŋngu innde Jawmiraawo Allah maako. Ɓe njooɗoto jam ngam laamu maako mawnan haa yotto keeri duniyaaru.

Mika 5:8

Isra'iila'en, ɓaŋgte juuɗe mon dow konne'en mon, haa ɓe fuu ɓe kalka!

Mika 7:16

Ummaatooje goɗɗe ngi'an ɗum, ɗe cemta bee baawɗe maaje fuu. Kunnduɗe maaje maɓɓoto, noppi maaje pahɗan.

Zekariya 1:16

Ngam man Jawmiraawo wi'i: Mi wartanan Urusaliima bee enɗam. Haykaliiru am nder maagol nyiɓtete, berniwol Urusaliima mahititte. Non Jawmiraawo honooɓe asama wi'i.

Zekariya 10:12

Mi semmbiɗinan ummaatoore am Isra'iila, Isra'iila tokkoto muuyo am. Min Jawmiraawo wi'i ɗum.

Zekariya 13:9

Mi nastinan luttanɓe bee yoŋki ɓe'e nder yiite ngam laɓɓingo ɓe bana goɗɗo laɓɓinirta cardi. Mi foondan ɓe bana goɗɗo laɓɓinirta kaŋŋeeri. Nden kadi ɓe toroto yam, min boo mi jaɓan tornde maɓɓe. Mi wi'an: Onon, on yimɓe ummaatoore am. Kamɓe boo ɓe mbi'an: Jawmiraawo woni Allah amin.”

Zekariya 8:11

Min Jawmiraawo honooɓe asama mi wi'i: Jonta kam mi laatantaako luttuɓe yimɓe ɓe'e bana laatoriimi nder nyalɗe caaliiɗe.

Zekariya 9:16

Nyalaade maajum Allah Jawmiraawo hisnan ummaatoore mum bana gaynaako hisnirta tokkere baali mum. Bana kaa'e ɗuuɗa-samanje haa meetaleewol laamiiɗo, non ɓe njaynirta haa lesdi maako.