Zekariya 10:4 - Fulfulde Bible

⁴ Diga Yahuuda laamiiɓe feere feere ngurtoto. Ɓe semmbiɗɓe bana hayre talkumoore, tabitɓe bana leggal tiggirgal laymaaru e semmbiɗɓe bana lagaawal konu.

Fulfulde DC Bible

⁴ Diga Yahuuda laamiiɓe feere feere ngurtoto. Ɓe semmbiɗɓe bana hayre talkumoore, tabitɓe bana leggal tiggirgal laymaaru e semmbiɗɓe bana lagaawal konu.

Zekariya 10:4 Iomraidhean Croise

Laataanooji 49:24

Ammaa lagaawal maako tabiti, juuɗe maako caati ngam ballal Allah Baawɗo mo Yaakubu, ngam man o laati Gaynaako e tapaare Isra'iila.

Esira 9:8

Jonta boo, yaa Allah Jawmiraawo amin, a woonani min wakkati seɗɗa, a accani min hisɓe, a hokki min hisrude haa nokkuure ma seniinde. Bana non a laɓɓini gite amin, a yeeɗitini min seɗɗa nder njeyaaŋgu amin.

Jabuura 118:22

Hayre nde mahooɓe ngudini, laati hayre talkumoore ɓurnde saman.

Esaaya 19:13

Ardiiɓe Co'an laati faataaɓe, ardiiɓe Memfis ɗon nder saklere, ardiiɓe le'i Misra ɗon majjina ummaatoore.

Esaaya 28:16

Ngam maajum Allah Jawmiraawo wi'i: “Ndaa, mi ɗon wallina caɓɓawal dow Siyona. Nder maagal mi ɗon jo'ina hayre tabitinaande, hayre talkumoore, marnde saman, jo'inaande booɗɗum: Kooliiɗo nde fuu tabitan!

Esaaya 49:2

O waɗi hunnduko am bana kaafahi belki. O suddi yam bee ɗowdi juŋngo maako. O wartiri yam kurol ceeɓŋgol, o suuɗi yam nder ɓaaru maako.

Esaaya 54:16

“Ndaa, min tagi kilaajo puufanɗo ƴulɓe jamnaaɗe ngam waɗugo balmi koo ɗiye. Min tagi nattinoowo boo ngam nattingo balmi ɗi'i.

Yeremiya 1:18

Ndaa, mi darni ma hannde a berniwol cemmbiɗŋgol, a daŋraŋgal njamndi e gasol njamndi mboɗeeri yeeso lesdi fuu, yeeso laamiiɓe Yahuuda e ardiiɓe, yeeso liman'en e yimɓe lesdi.

Yeremiya 51:20

Jawmiraawo wi'i: “An Baabila, a laati tappirɗum am, a balmol am. Bee maaɗa tappirmi ummaatooje, kalkumi laamuuji.

Zekariya 9:10

O nattinan mootaaji pucci konu nder Efrayim, non boo pucci konu nder Urusaliima. O yewan lagaaje konu fuu. O tabitinan salaaman caka ummaatooje. Laamu maako yaajan diga mbeela nga'a haa ngaya, diga maayo Efratis haa keeri duniyaaru.

Zekariya 9:8

Min bee hoore am mi saŋnginan nder lesdi am ngam aynugo ndi. Mi faddan ndi ngam konne'en saalotooɓe. Walaa jananno koo gooto meetataa wargo haa yarna ummaatoore am bone, ngam jonta mi ɗon hakkilana nde.”

Limle 24:17

Mi ɗon laara ko warata nder garanɗum, mi ɗon yi'a ko laataaki tawon. Laamiiɗo ummoto nder danygol Yaakubu bana horre, sawru laamu ɓaŋgoto nder Isra'iila. Kaŋko o fusan ko'e Mo'abi'en, o nattinan yimɓe danygol Setu fuu.

Matta 9:38

Tore Jawmu ƴaamnde o ɓesda nelugo sodooɓe haa ƴaamnde maako.”

Luka 20:17

Ammaa Yeesu suti ɓe, wi'i: “Ɗume binndaaɗum ɗu'um yiɗi wi'go? Hayre nde mahooɓe ngudini, laati hayre talkumoore ɓurnde saman.

Efesu'en 2:20

On njo'inaama dow caɓɓaaje nelaaɓe e annabi'en. Yeesu Almasiihu bee hoore mum woni hayre talkumoore.

2 Timote 2:4

Walaa soojeejo suklanto kuuje goɗɗe, ngam o yiɗi jaagorɗo maako yerdo mo.

1 Piyer 2:6

Ngam Deftere wi'i: “Mi jo'ini haa Siyona hayre talkumoore suɓaande, marnde saman, koo moy nuɗɗini mo semtintaake.”

Wahayu Yuhanna 17:14

Ɓe kaɓan bee jawgel. Ammaa jawgel jaaloto ɓe, ngam kaŋgel woni Jawmiraawo jawmiraaɓe e Laamiiɗo laamiiɓe. Wonduɓe bee maako, ɓe ewnaaɓe e suɓaaɓe e hoolaaɓe, kamɓe boo ɓe njaaloto bee maako.”

1 Samuyila 14:38

Sawulu ewni ardiiɓe yimɓe, wi'i ɓe: “Keɓte hakkewol ngole laati hannde.